19.04.21
“Qarabağ”ın baş məşqçisi Qurban Qurbanov Qol.Az-a müsahibə verib
- Milli komandanın Bəhreynlə oyunu “Qarabağ”ın hazırlığına nə dərəcədə təsir etdi?
- Şübhəsiz, təsirsiz ötüşmək mümkün olmadı. Daha çox fiziki hazırlıq yox, taktiki cəhətdən. Çünki tam olaraq, bütün futbolçulara bir arada məşq keçə bilmədik. Nəzərə alaq ki, əsas milli ilə bərabər, U-21 millisinin düşərgəsində də bir neçə futbolçumuz var idi. Artıq hamısı geri dönüb. Çalışırıq ki, “Sumqayıt”la oyuna kimi bütün futbolçular bərpa olunsun.
- Əsas komanda saat 18:00-da 41 dərəcə isti altında oynadı, xeyli güc itirdi. U-21 isə süni örtüklü meydançada oynadı və onlar da xeyli güc itiriblər. Bu mənada, futbolçuları fiziki cəhətdən bərpa etmək sizin üçün çətin olmayacaq?
- Təbii ki, bunun da öz çətinlikləri var. Həqiqətən də milli çox isti havada oynadı. Odur ki, həmin futbolçulara bir qədər artıq istirahət vaxtı verdik. Ancaq bir məsələ də var ki, futbolçular da daha çox oynamalı və oyundan-oyuna artırmalıdılar. Çünki gələn həftənin dördüncü günü də oyunumuz olacaq. Həmin oyuna da hazırlaşmaq lazım gələcək.
- Bu həftə səfərdə “Sumqayıt”la oynayırsınız. Rəqib ötən mövsüm sizdən 4 xal almaqla sizə çempionluq yolunda ağır zərbə vurdu. Sumqayıtlılar bu dəfə də analoji uğuru təkrarlamağa kökləniblər. Sizcə, yenidən ötənilki sürprizlə qarşılaşa bilərsiniz?
- Futbolda sürprizlər çox olur. “Sumqayıt” bu mövsüm daha yaxşı təsir bağışlayır. İlk turda AZAL kimi komanda ilə 2:2 oynadılar. Hətta hesabda öndə idilər, sonradan üstünlüyü əldən veriblər. İkinci turda isə Tovuzda 10 nəfərə qalmalarına baxmayaraq, qələbə qazanmağı bacarıblar. Bu isə onu göstərir ki, komanda yaxşı formadadır. Yeni futbolçular transfer ediblər, baş məşqçiləri də artıq ikinci ildir Azərbaycandadır, həm Azərbaycan futbolunu yaxşı öyrənib, həm də “Qarabağ”ı. Ümumiyyətlə, “Sumqayıt” bizim üçün həmişə ağır rəqib olub və bu dəfə də bizi çətin oyun gözləyir.
- Quzanlı məsələsinə də toxunmaq istərdik. Artıq rəsmi olaraq məlum oldu ki, bu mövsüm Ağdamda oynamayacaqsınız. Deyilənə görə, burada əsas səbəb rəhbərliyin yox, futbolçuların istəyi olub...
- Biz artıq bu haqda danışmışıq, hər şeyə də aydınlıq gətirmişik. Ümumiyyətlə, bu məsələni tez-tez gündəmə gətirmək düzgün deyil.
- Hər halda, yenə də bu məsələyə toxunsaq, yaxşı olar.
- Bilirsiniz, hər bir futbolçu yaxşı şəraitdə oynamalıdır. Deyirlər ki, guya Quzanlı stadionunun vəziyyəti yaxşıdır. Amma xeyr, heç də yaxşı deyil. Payız aylarında, ümumiyyətlə, meydança bərbad vəziyyətdə olur. Bu, o demək deyil ki, biz Quzanlıda oynamaq istəmirik, yaxud oradakı azarkeşlərə qarşı hörmətsizlik edirik. Sadəcə, dediyimiz kimi, orada oynaya bilmərik, çünki şərait yoxdur. Yol yorğunluğu da əlavə problemdi. Buna görə də Bakıya köçməyə qərar verdik. Artıq Suraxanıdakı Tofiq İsmayılov adına stadionu da icarəyə götürməyə hazırlaşırıq. “Qarabağ”ın bazası orada olacaq, komanda Bakıda məskunlaşacaq. Peşəkar klub mütləq bir yerdə məskunlaşmalı, oyuna gedəndə də bir məkandan yığışıb yola düşməlidir.
- Bu addımınız azarkeş amilinə təsir etməyəcək ki?
- Xeyr, bu barədə hansısa problem yaşayacağımıza inanmıram. Belə baxanda, Bakıda da “Qarabağ”ın xeyli azarkeşi var. Söhbət tək ağdamlılardan getmir. Paytaxtda Şuşadan, Cəbrayıldan və işğal altında olan digər bölgələrimizdən olan xeyli insan yaşayır. Klub rəhbərliyi onlarla da əlaqə quracaq və həmin azarkeşləri paytaxtdakı oyunlarımıza cəlb etmək üçün iş aparacaq. Klub azarkeşləri də sağ olsunlar, bizi başa düşürlər. Artıq “İmarət” fan-klubu ilə söhbətimiz olub, onlar da bizi başa düşdüklərini bildiriblər. Sadəcə, bəzi adamların tez-tez Quzanlı məsələsini gündəmə gətirməsinin tərəfdarı deyiləm.
Anar XANLAROV
_22.01.19.jpg)
"Arsenal" satılır?
"Atletiko" yenidən lider oldu
Ev sahibliyi Dublindən alınıb bu şəhərə verildi - Avro-2020
"Barselona" Superliqada qaldı - Bəyanat
Avropa Superliqasına qoşulan İtaliya klubları cəzalanacaq?
Mariya Stadnik 8-ci dəfə Avropa çempionu oldu - Video
Yunan-Roma güləşçilərimizin rəqibləri bilindi
İbrahimoviç "Milan"la müqaviləni uzatdı
Aquero "Barselona"ya şərt qoydu
Mourinyo La Liqaya qayıdır?
"Zirə"də qol hesabını açdı
Levandovski: “Həyat yoldaşım dedi ki…”
Elxan Məmmədov səfirlə görüşdü - Şəkillər
"Barselona"nın oyununu buraxacaq
Almaniya klubları karantinə göndəriləcək
Pirlodan Ronaldonun hərəkətinə münasibət
Avro-2020-nin daha çox oyunu İngiltərədə keçiriləcək
"Aleksandriya" Paşayevlə yolları ayırır
İtaliya millisi yeni formasını təqdim etdi - Şəkillər, Video
“Mançester Yunayted” azarkeşləri klubun bazasına girdi
"Real" - "Çelsi" oyunu ləğv olunacaq? - Çeferindən açıqlama
Avropa Superliqasının əsl qurucusu ortaya çıxdı
Pike Messidən danışdı
Azərbaycan yığması Avropa çempionatında 4-cü oldu
Kubokun oyunlarının başlama saatı bilindi
PFL təxirə salınmış oyunun vaxtını açıqladı
İbrahimoviç Çalhanoğlunu ayaq üstə alqışladı
"Özümü Avropa çempionu kimi hiss edirəm"
"Qara bulud" üstümüzdən çəkilmir" - "Keşlə"nin kapitanı
"Real" Zidanla bağlı qərarını açıqladı
Sezar 100-ə çatdı
Qvardiola: "Rəhbərlik üzr istəməməlidir"
Benzema Ronaldonu geridə qoydu
50-ci oyunda 10-cu məğlubiyyət
"Sabah" "Neftçi" ilə oyuna hazırlaşır - Video
Honda Olimpiadada oynamaq üçün het-trik etməlidir
26 yaşında karyerasını başa vurdu, 29 yaşında tarixə düşdü
350-ci oyun
