03.02.26
“Qarabağ”ın yarımmüdafiəçisi Kadi Borges “Neftçi” ilə oyundan sonra jurnalistlərin suallarını cavablandırıb. QOL.az saytının əməkdaşının da iştirak etdiyi müsahibəni təqdim edirik:
- Gərgin keçən oyunda “Neftçi”ni 1:0 hesabı ilə məğlub etdiniz. Oyun barədə nə deyə bilərsiniz?
- Çox çətin oyun oldu. Matçın əvvəlində azlıqda qaldıq. Buna baxmayaraq, təslim olmaqdır. Əsl komanda ruhu göstərdik. Yekunda bu birliyimiz öz nəticəsini verdi və matçdan 3 xalla ayrıldıq.
- Penalti epizodunu necə şərh edərdiniz?
- Açıq-aşkar penalti idi. Mən heç rəqib futbolçunun hardan gəldiyini görmədim. Topa təmas yox idi.
- Qeyd etdiyiniz kimi, matçın əvvəlində azlıqda qaldınız. 10 nəfərlə qaldıqdan sonra qələbəyə olan inamınız itmədi?
- Xeyr, inam var idi. İlk dəfə deyil ki, bu cür situasiya ilə üzləşirik. Daha əvvəllər də bu cür hallar olub. Əsl xarakter nümayiş etdirdik. Bu da nəticədə özünü göstərdi.
- Müəyyən fasilədən sonra yenidən “Neftçi”yə qarşı oynadınız. Rəqibdə hər hansı dəyişiklik var?
- Mənim üçün dəyişən bir şey yoxdur, çünki yenə də qalib gəldik. Bu, Azərbaycan derbisidir. Bütün ölkənin diqqəti bu oyunda olur. Odur ki, bu matçda qələbə qazanmaq bizim üçün vacib idi.
- Ötən oyunda qol vurdunuz, məhsuldar ötürmə müəllifi oldunuz. Bu dəfə isə komandanıza penalti qazandırdınız. Qayıdışınızı uğurlu hesab etmək mümkündür?
- Düşünürəm ki, hə. Əslində özümün bu barədə nəsə deməyim düz çıxmaz. Amma ümumi mənzərəyə baxdıqda belə görünür.
Başlayırıq!
Maaşı azaldılan Dibala vətəninə qayıda bilər
"Turan Tovuz" "Karvan Yevlax"ı belə məğlub etdi - Video
Arda Güler tənqid hədəfinə tuş gəldi
"Tottenhem"in futbolçusu sıradan çıxdı
"Kim güclü olacaqsa, o da oynayacaq" - Kurban Berdiyev
Ronaldo boykotu dayandırdı: Klub onun şərtlərini qəbul etdi
"Neftçi" "Qəbələ" ilə oyuna itkilərlə çıxacaq
"İmişli" - "Kəpəz" matçından - Video
