12.05.26
“Səbail”in ukraynalı müdafiəçisi Dmitro Litvinin QOL.az saytına müsahibəsi
- Premyer Liqada qalmaq baxımından finala bərabər oyunda “Kəpəz”lə heç-heçə (1:1) etdiniz. Görüş haqda fikirləriniz necədir?
- Gözlənildiyi kimi, oyun çətin keçdi. Əslində, matça yaxşı başlamışdıq. Ani diqqətsizlik səbəbindən rəqib bizi əks-hücumda tutdu. Amma qapımızdan qol buraxdıqdan sonra ruhdan düşmədik. Buraxılan qola verdiyimiz reaksiya xoşuma gəldi. Xüsusən ikinci hissədə daha cəld və aqressiv oynadıq. Hesabı bərabərləşdirməyə müvəffəq olduq. 1:1-dən sonra hər iki komandanın fərqlənmək üçün şansları oldu. Təəssüf ki, ikinci qolu vura bilmədik.
- Vurduğunuz qolu “Səbail”in Premyer Liqada qalması baxımından həlledici hesab etmək olar? Çünki uduzsaydınız, xal fərqi 8-ə çatacaqdı...
- Doğrudur, vacib qol idi. Sevinirəm ki, fərqlənə bildim və bu qol komandaya xal qazandırdı. Lakin bunu təkcə öz adıma yaza bilmərəm. Qol vurmuşuqsa, bunda hamının əməyi olub. Komanda şəklində yaxşı oynadıq.
- Cavid Hüseynovun gedişi komandaya necə təsir edib?
- Çempionatda yaranan fasilə zamanı böyük iş gördük. Yeni baş məşqçimizin oyun sxeminə öyrəşirik. Fikrimcə, “Kəpəz”ə qarşı da çıxışımız pis alınmadı. Müdafiədən yaxşı çıxırdıq, düzgün ötürmələr verirdik. Sadəcə gərək epizodları reallaşdırmaq üzərində bir qədər də çalışaq.
- Necə düşünürsünüz, “Səbail” Premyer Liqada qala biləcək?
- Sona qədər mübarizə aparacağıq. Başqa variantımız da yoxdur. Çünki “Səbail” böyük klubdur. Burada xeyli insan çalışır. Üstəlik, aşağı yaş qrupları üzrə komandalarımız da var. Bir sözlə, çıxış yolumuz yoxdur, sona qədər vuruşacağıq. Klubdakı insanlar, azarkeşlərimiz üçün bunu edəcəyik. Mən komandamıza inanıram. Çətin də olsa, istəyimizə çatacağıq.
- Növbəti turda “Turan Tovuz”u qəbul edəcəksiniz. Həmin matçda qələbə həsrətinə son qoymaq mümkün olacaq?
- Bu mövsüm “Turan Tovuz”a qarşı 3 oyun keçirmişik. Onlara qarşı matçlarımız heç də pis alınmayıb. Fikrimcə, gücümüz var. Qalib gələ bilərik. Əsas odur ki, “Kəpəz”lə görüşdən sonra yaxşı bərpa prosesi keçib, matça ciddi hazırlaşaq. "Turan Tovuz"un güclü tərəflərini, necə oynadıqlarını bilirik. Ümidvaram ki, hər şey yaxşı olacaq.
"Oyunçularımla fəxr edirəm" - Valdas Dambrauskas
Azərbaycandan UEFA-nın avrokuboklarına kimlər gedəcək?
“Sabah”dan “qızıl dubl”
Avrokuboklardan kənarda qala bilərlər
DÇ-2026 finalında fasilə daha uzun olacaq
41 yaşlı Silva dünya çempionatına yollanır
Mbappe, Rafinya, Kurtua...
Arbeloa Madrid klubunda qalacaq?
Konate klubunu dəyişə bilər
FİFA prezidenti narazılıqlara aydınlıq gətirdi
"Sabah" - "Zirə" : Heyətlər
Millimiz Türkiyədə yoldaşlıq oyunu keçirəcək
“Neftçi”nin qızlar komandası yenə Azərbaycan çempionu oldu
PSJ davadan sonra onu hədəfə aldı
"Napoli"dən gedir
Dibaladan yeni müqavilə iddialarına cavab
Meksika millisinin DÇ-2026 üçün geniş heyəti
Region Liqasında finalın yeri və vaxtı müəyyənləşdi
ABŞ İraq millisinin beş futbolçusuna viza vermir
MEDİA jurnalistlər üçün müsabiqə elan edib
"İnter"də 5 illik müqavilə
"Bakı–Xankəndi" yarışında 4-cü mərhələnin qalibi oldu
Künc zərbəsinə görə VAR - İngiltərədə tətbiq ediləcəkmi?
Məşhur serialın ulduzu peşəkar futbolçu oldu
“Araz-Naxçıvan”ın legioneri milliyə dəvət aldı
İsveç millisinin DÇ-2026 üçün ilkin heyəti
Nərimanın illik maaşı açıqlandı - Rəsmi
Elitaya yüksələn komanda Madzarriyə tapşırıldı
21 il sonra yenidən Çempionlar Liqasında
Premyer Liqaya vəsiqə üçün finalda oynayacaqlar
"Əl-Nəsr" - "Əl-Hilal" oyununda dava - Video
Gəncədə məktəblilər arasında minifutbol turniri keçirilib
Avropa kubokunda iştirak edəcək Azərbaycan cüdoçuları
"Qollarımı ailəmə həsr edirəm" - Cəlal Hüseynov
