“Qarabağ”ın futbolçusu Con Delarj Topaz Premyer Liqasının 5-ci turunda “Qəbələ”ni 4:1 hesabı ilə məğlub etdikləri oyundan sonra jurnalistlərin suallarını cavablandırıb. Qol.az-ın məlumatına görə, o, ilk olaraq qələbəni şərh edib:
- Ağır oyun keçdi. Təbii ki, “Sportinq” məğlubiyyətindən sonra qələbə qazanmaq vacib idi. Sevinirəm ki, bunu bacardıq. Məncə, bu qələbə növbəti oyunlar üçün bizə motivasiya verəcək.
- Bu gün qol vurdun. Öz oyunun haqda nə deyə bilərsən?
- Uzun müddət meydana çıxa bilməmişdim. Öz oyunu göstərmək üçün vaxt lazım idi. Yavaş-yavaş oyunumu daha da yaxşılaşdırıram. Avroliqada meydana çıxıb, çıxmayacağıma məşqçimiz qərar verəcək. Heyətimizdə 25 futbolçu var. Hər kəs oynamaq istəyir. “Sportinq”lə matçda oynamadım, amma ola bilər ki, “Arsenal”la oyunda meydanda olum.
- “Bursaspor”dan ayrıldıqdan sonra Türkiyə mətbuatında qalmaqallı futbolçu olduğun haqda xəbərlər yazılmışdı. Məşqlərə vaxtlı-vaxtında gəlmədiyin iddia olunurdu...
- Bu xəbərləri Türkiyə mətbuatı yox, “Bursaspor” mətbuatı yaymışdı. Keçmiş komandam “Bursaspor”a hörmətlə yanaşıram. Amma bu xəbərlər məqsədli şəkildə yayılmışdı. Həmin vaxt komandamızdan 16 nəfər ayrılmışdı. Kludakı maliyyə problemləri öz sözünü demişdi. Məşqlərə qatılmamağımın səbəbi 5-6 ay maaş ala bilməməyim idi. Məndən başqa, 16 futbolçuda da vəziyyət beləydi. Məncə, öz maaşımı istəmək mənim haqqım idi. Hələ də borcları qalıb. Bu səbəbə görə orada oynamaq istəmirdim. İndi mən “Bursaspor”a ancaq televiziya arxasından baxıram. Hazırda mənim əsas fikrim “Qarabağ”dır. Gecə yatanda da, duranda da “Qarabağ” haqda fikirləşirəm. Mənim haqda yayılan məlumatlar yalandan başqa bir şey deyildi.
- “Qarabağ”a yeni qoşulmağına baxmayaraq, Azərbaycan futbolu haqda nə deyə bilərsən?
- Premyer Liqada komanda sayı Türkiyədəki kimi çox olmasa da, məncə, yaxşı səviyyədədir. Ölkənin komandası Avropa Liqasının qrup mərhələsində çıxış edirsə, bu, yaxşı haldır. Çempionatın səviyyəsi normaldır.
“Bir neçə məşqçi ilə danışıqlar gedir” - AFFA-dan açıqlama
"Füzuli" Göygöldə 3 xalı belə qazandı - Video
Kosta 100-dən çox insanı xilas etdi
"Şahdağ Qusar"ın 4 qolu - Video
İkiqat Avropa çempionu müharibədə həlak oldu
Tiaqo Silvanın yeni klubu rəsmiləşdi
"Şahdağ Qusar"dan darmadağın, "Füzuli" qalib gəldi
Şehiç milli karyerasını başa vurdu
Acun "Hall Siti"nin baş məşqçisini istefaya göndərdi
Poqba komediya filminə çəkildi
Futzal üzrə Azərbaycan kubokunun qalibi bəlli oldu
İngiltərə klubunun şikayəti rədd edildi
"Atletiko" Poçettino ilə danışıq aparır
"Real" - “Bavariya” oyununa hakim təyinatları açıqlandı
Luis Enrikedən iddialı açıqlama
U-17 millisi Türkiyəyə böyük hesabla uduzdu
"İnter"dən Lautaro Martinesin gələcəyi ilə bağlı açıqlama
"Səbail"in legioneri səhvi hakimdə yox, özlərində görür
"Bavariya" yeni mövsüm formasını təqdim etdi - Şəkil
PSJ Donnaruma ilə bağlı qərar verdi
Musa "Yurqorden"in U-21 komandasında növbəti qolunu vurdu