02.11.24
"Zirə”nin kapitanı Qismət Alıyevin QOL.az saytına müsahibəsi
- Misli Premyer Liqasının 30-cu turunda Sumqayıt səfərində qazanılan 1 xalı necə dəyərləndirirsiniz?
- Bilirdik ki, bizi çətin oyun gözləyir. Çünki “Sumqayıt” son turlar baxımlı futbol sərgiləyir. Bütün komandalar Sumqayıt səfərində çətinliklə üzləşirlər. Oyuna yaxşı hazırlaşmışdıq. Düşünürəm ki, heç-heçə ədalətli nəticə oldu. Bundan sonra artıq “Neftçi” ilə matça köklənməliyik.
- İlk hissə elə də parlaq alınmadı. Təkcə qapıya ilk zərbənin 38-ci dəqiqədə endirildiyini desək, kifayət edər. Bu məqamı nəzərə alaraq demək olar ki, komandalar daha çox uduzmamaq barədə düşünürdülər?
- Bəli, hər iki komanda bir qədər ehtiyatlı oynayırdı. Heç kim uduzmaq istəmirdi. Çünki “Sumqayıt” qələbə qazansaydı, turnir cədvəlində bizi geridə qoyacaqdı. Biz qələbə qazansaydıq, turnir cədvəlində rəqibdən bir qədər aralanacaqdıq. Ona görə də hər iki tərəf ehtiyatlı davranırdı. Bu səbəbdən bir o qədər də baxımlı futbol alınmadı. Oyun ərzində qol epizodlarının sayı elə də çox deyildi.
- Bütün bunları nəzərə alsaq, sizcə, “Zirə” səfərdə 1 xal qazandı, yoxsa 2 xal itirdi?
- Komandalardan heç biri digərindən aşkar üstün deyildi. Nə bizim, nə də rəqibin real qol epizodları oldu. Ona görə də düşünürəm ki, 0:0 ədalətli hesabdır.
- Mövsümün sonuna artıq 6 tur qalıb. “Zirə”nin avrokuboklar şansını necə qiymətləndirirsiniz?
- Qarşıda bizi 2 vacib oyun gözləyir. Əvvəlcə çempionatda “Neftçi”ni qəbul edəcəyik. Daha sonra isə kubokda yarımfinal mərhələsinin cavab görüşündə “Qəbələ”nin qonağı olacağıq. Çalışırıq ki, həm kubokda finala çıxaq, həm də çempionatda medalçılar siyahısında yer alaq. İndidən şanslar barədə nəsə demək çətindir. Çünki 5-6 komanda demək olar ki, avrokuboklar uğrunda mübarizəni davam etdirir. Bu mübarizədə hər bir komanda digərini üstələyə bilər.
- Qeyd etdiyiniz kimi, növbəti turda “Neftçi”ni qəbul edəcəksiz. Bu oyundan gözləntiləriniz nədir?
- Turnir cədvəlində vəziyyət elədir ki, komandalar bir-birinə çox yaxındır. Hansısa komanda ardıcıl 2 qələbə qazansa, rəqiblərindən aralana bilər. Biz də çalışacağıq ki, “Neftçi” ilə matçda qələbə qazanaq. Turnir cədvəli baxımından da çox mühüm bir görüş olacaq.
- Kubokdakı final şansı barədə nə deyə bilərsiniz? Nəzərə alsaq ki, ilk oyunda 2:1 hesabı ilə qalib gəlmisiniz və bu, bir qədər “sürüşkən” hesabdır...
- “Qəbələ” ilk matçda da yaxşı oynadı. Sona kimi mübarizə aparırlar. Hətta 90-cı dəqiqədə belə dayanmırlar. Üstəlik, nəzərə almaq lazımdır ki, hava şəraitinə görə Qəbələdə oynamaq əlavə çətinliklər yaradır. Matça çox ciddi hazırlaşmalı, meydanda bir an belə diqqətsizliyə yol verməməliyik. Çünki turnir cədvəlində vəziyyəti yaxşı olmasa da, “Qəbələ” heç də zəif komanda deyil. Çempionat oyununda qazandığımız 4:0 hesablı qələbə aldadıcı ola bilər.
_22.01.19.jpg)
Endrik gedir, ya qalır?
"Yunayted" də onunla maraqlanır
"Onlar mənə satqın deyirdilər"
"Tottenhem" ona görə apellyasiya şikayəti verdi
Yamal UNİCEF-in səfiri oldu
Kosovo millisinə texniki məğlubiyyət verildi
"Yaxşı işləyirsənsə, nəticəsi olacaq” - "Kəpəz"in legioneri
"Real" Diası satmaq fikrində deyil
Xavi "İnter Mayami"ni çalışdırmayacaq
Cüdoçularımız Avropa Kubokunda iştirak edəcəklər
Tayson - Pol döyüşü ən çox izlənilən idman hadisəsi oldu
"Real"ın futbolçusu əməliyyat olundu
"Şamaxı" məşqçisi ilə yolları ayırdı
Acun Ilıcalı haqqında araşdırma başladıldı
Patrik Vieyranın təyinatı açıqlandı
"Arif Əsədov Santuşdan qat-qat yaxşı işləyirdi”
Xavi Messinin baş məşqçisi ola bilər
"Qarabağ" - "Lion" oyununa 1 gündə nə qədər bilet satılıb?
"Türkiyə D liqası səviyyəsində futbol oynadı" - Video
Arda Güler üzr istədi
"Barselona" Salahdan imtina etdi
Rəqibləri Azərbaycan millisidir - Rusiya açıqladı
