"Panatinaikos"un baş məşqçisi: "Qələbəyə yaxın idik"

"Panatinaikos"un baş məşqçisi: "Qələbəyə yaxın idik"
GÜNDƏM 20 Avqust 2015 / 23:27 6246
-  A +

"Hər iki komadanı təbrik edirəm. Qələbəyə yaxın idik. Bəzi epizodlarda bəxtimiz gətirmədi. Oyunçularım bacardığını etdi. Artıq Afinada keçiriləcək oyunu düşünürük. "Qəbələ" klubuna və Azərbaycan xalqına dostluq münasibətinə  görə təşəkkürümüzü bildirik. Biz də Yunanıstan da bu cür münasibəti göstərəcəyik".

Qol.Az-ın məlumatına görə, bu sözləri "Panatinaikos"un baş məşqçisi Yannis Anastasio Avropa Liqasının "pley-off" mərhələsində "Qəbələ" ilə ilk qarşılaşmadan (0:0) sonra keçirdiyi mətbuat konfransında deyib.

-Düşünmürsüz ki, qələbə işinizi daha da asanlaşdıra bilərdi?

-Artıq düşünməkdən keçib. Son 10 gündə 4 vacib oyun keçirmişik. "Qəbələ" ilə matç da bizim üçün önəmli idi. Qələbə üçün əlimizdən gələni etdik.

-Qələbəni əldən verdiyinizi düşünürsünüz?

- Artıq hesabı düşünməyə dəyməz. Bütün fikrimizi cavab oyununa yönəltmişik

- Bir epizodda "Qəbələ"nin futbolçusu Arif Daşdəmirov sizin zədələnən oyunçunuza yardım etmək istəyəndə, “Panatinaikos”un digər oyunçusu ona sərt reaksiya göstərdi. Bunu necə başa düşmək olar?

- Belə hallar futbolda baş verə bilər. Komanda yoldaşının meydançada əziyyət çəkdiyini görən oyunçu bundan narahatlığını büruzə verir. Bunu sırf oyun epizodu kimi qiymətləndirmək lazımdır. Həmin futbolçumuz xəstəxanaya aparılıb. Komanda ilə birlikdə qayıda bilməyəcək. Bir gün xəstəxanada qalmalıdır. Zədəsinin hansı durumda olduğunu isə hələ dəqiq bilmirəm.

 

Daha çox


Son xəbərlər