"Bakı-2015": Stadnikdən qızıl, Sinişindən bürünc medal

Bu gün "Bakı-2015" I Avropa Oyunlarında sərbəst güləş üzrə qadınlar arasında yarışlara start veriləcək.

Qol.Az-ın məlumatına görə, ilk oyun günündə mübarizəyə qoşulacaq 4 güləşçimiz 48, 55, 60 və 69 kq çəki dərəcələrində yarışacaqlar.


48 kq

Qadın güləşçilərin 48 kq çəki dərəcəsində mübarizə aparan Azərbaycan təmsilçisi Mariya Stadnik 1/8 final mərhələsində Portuqaliya güləşçisi Lilian Santosu 12:2 hesabı ilə məğlub edərək 1/4 finala vəsiqə vəsiqə qazanıb. Güləşçimiz 1/4 finalda fransalı Julie Sabatieni 11:0 hesabı ilə qalib gəlib. Təmsliçimiz yarımfinalda İvona Matkovska (Polşa) ilə gücünü yoxlayıb. Stadnik bu döyüşdən də qalib ayrılıb - 8:2. Güləşçimiz finalda bolqarıstanlı Elitsa Yankova ilə qarşılaşıb. Güləşçimiz vaxtından əvvəl 12:1 hesabı ilə təmiz qələbə qazanıb və qızıl medalın sahibi olub.

55 kq

Xalça üzərinə ilk olaraq 55 kq çəki dərəcəsində yarışacaq güləşçimiz Natalya Sinişin çıxıb. O, 1/8 finalda italiyalı Patrizia Liuzzi ilə münasibətlərinə aydınlıq gətirib. Bu görüşdə təmsilçimiz 10:0 hesabı ilə qalib gəlib. İdmançımız  1/4 finalda Türkiyə təmsilçisi Bediha Gün ilə qarşılaşıb. Güləşçimiz rəqibi üzərində 12:0 hesabı ilə vaxtından əvvəl parlaq qələbə qazanaraq yarımfinala vəsiqə qazanıb. N.Sinişinin yarımfinalda Sofia Mattssonla (İsveç) qüvvəsini sınayıb. Lakin idmançımız 5:6 hesabı ilə uduzaraq, həlledici görüşə yüksələ bilməyib. Bununla belə, Sinişin bürünc medal uğrunda ukraynalı Tatyana Kitlə qarşılaşıb. O, vaxtından əvvəl 10:0 hesabı ilə qalib gələrək bürünc medal qazanıb.
 
60 kq

60 kq çəki dərəcəsində yığmamızın üzvü Yuliya Ratkeviç ilk görüşündə bolqarıstanlı Taybe Yuseini sınağa çəkib. Bu görüşdə təmsilçimiz 4:14 hesabı ilə uduzub. Bolqar güləşçi finala yüksələ bilmədiyindən Ratkeviç yarışla erkən vidalaşıb.


69 kq

69 çəki dərəcəsində ölkəmizi Nadya Muşka təmsil edəcək. Mübarizəyə 1/8 finaldan qoşulacaq güləşçimiz ilk döyüşündə rusiyalı Natalya Vorobeva ilə qarşılaşıb. İdmançımız rəqibinə 0:3 hesabı ilə uduzub. Rusiyalı güləşçi finala qədər irəliləyə bilmədiyindən Nadya Muşka yarışı medalsız başa vurub.