20:31
“Qəbələ”nin prezidenti Tale Heydərov Azərbaycan Premyer Liqasının 35-ci turunda “Bakı” ilə keçirilən oyundan (3:0) sonra müsahibə verib.
- “Qəbələ” ardıcıl ikinci mövsüm ölkə çempionatında bürünc medallara sahib çıxdı. İlk öncə təəssüratlarınızı öyrənmək istərdik.
- Komanda üçün minimum nəticə üçüncü yeri tutmaq idi. Bu da əldə olundu. Bürünc medala sahib çıxmağımız sevindirici haldır.
- Növbəti mövsüm “Qəbələ”nin hədəfi nə olacaq?
- Bu il üçüncü olduq. Gələn mövsüm isə çempionluq uğrunda mübarizə aparacağıq. Hədəf olaraq komandanın qarşısına da çempionluq qoyulub. Yeni məşqçi, yeni heyətlə istəyimizə çatacağımıza inanıram.
- Baş məşqçi Roman Qriqorçukun işi sizi qane edir?
- Qriqorçukun işi məni qane edir. İlk oyunlarda bir qədər çətinliklər var idi. Uğurlu olmamışdı. Amma sona yaxın komanda yaxşı təsir bağışladı. Məğlubiyyətsiz oyunlar seriyası əldə etdik. Bu nəticə klub tarixi üçün rekord göstəricidir.
- Komandanın qazandığı nəticə məlumdur. Bəs, sərgilənən oyun ürəyinizcədir?
- Hazırkı durumdan çox razıyam. İndi “Qəbələ” həmişə istədiyim oyunu nümayiş etdirir.
- Qarşıdan Avropa Liqasının oyunları gəlir. Qitə kuboklarında komandanın qarşısına hansı hədəf qoyulub?
- İnanıram ki, bu dəfə ötənilki kimi olmayacaq. Hədəfimiz bacardıqca maksimum irəli getməkdir.
- Heyətdə hansı dəyişikliklər olacaq?
- Bir neçə yeni oyunçunun komandaya götürülməsi üzərində iş gedir. Bəzi futbolçuları göndərəcəyik. Yeni heyətlə bu il Avropa Liqasında inamlı çıxış edəcəyimizi düşünürəm.
- “Qəbələ” üçün daha böyük stadionun inşası planı qüvvədə qalıb, yoxsa hazırkı arena ilə kifayətlənəcəksiniz?
- Bütün dünyada olduğu kimi, Azərbaycan futbolunda da infrastruktur inkişaf edir. Tələbat olanda arenanın tutumu da artır. Daha böyük stadionlar inşa olunur. Yeni, daha böyük azarkeş tutumuna malik stadiona ehtiyac olduqda, qərar verəcəyik. İndiki halda bu stadion bizi qane edir.
Mənbə: Futbolxeber.az
"Roma" Dibalanı itirdi
Azərbaycan güləşçisindən bürünc medal - Dünya çempionatı
"Ən yaxşı oyunlarımızdan birini göstərəcəyik" - Kadi
"Benfika"ya qarşı çəkinmədən oynayacağıq" - Qurban Qurbanov
"Şəmkir" 3 xalı 3 qolla qazandı - Video
Dünya çempionu 31 yaşında karyerasını bitirdi
"Şəmkir" 2-ci oyunda da qalib gəldi
"Panatinaikos" Ruy Vitoriyanı istefaya göndərdi
"Benfika"ya qol vuracağımı hiss edirəm" - Leandro Andrade
“Mən sağ və salamatam”
"Qarabağ" və "Neftçi"nin sabiq məşqçisi istefaya göndərildi
1-ci liqada 3-cü turun oyunlarının saatı müəyyənləşdi
Misli Premyer Liqasında 6 oyunun hakimləri açıqlandı
“Benfika”nın baş məşqçisi “Qarabağ”la oyundan danışdı
FİFA-dan yeni qərar
"Qarabağ"la oyunu buraxa bilərlər
"İmişli"nin icraçı direktoru: "Texniki məğlubiyyət alsaq, apellyasiya şikayəti verəcəyik"
"Baş məşqçilik edə biləcəyim yeganə klub "Real"dır"
Levandovski 150-yə çatdı
