07.04.26
“Bakı”nın baş məşqçisi Novruz Əzimov Qol.Az saytına müsahibə verib
- “Bakı”nın kubokun finalında “Neftçi”ni bu dərəcədə aşkar üstələməsi çoxları üçün gözlənilməz oldu. Sizcə, bunun səbəbi nədə oldu?
- Şəxsən mənim üçün gözlənilməz olmadı. Çünki “Bakı” oyuna daha hazırlıqlı idi. Meydanda da kimin nə gücü var, sona qədər ortaya qoydu, əsl əzmkarlıq nümayiş etdirdi. Nəticədə layiq olduğumuz mükafatı qazandıq.
- Amma etiraf edək ki, oyundan öncə heyətlə bağlı kifayət qədər ciddi problemləriniz var idi...
- Bəli, problemlərimiz var idi. Demək olar, heyətin yarısı zədəli-zədəli oynadı. Parks köhnə zədəsini təzələdi, oyunu yarımçıq tərk etməli oldu. Şoliçin sifətində sınıq var idi və hələ tam sağalmamışdı. Junior özü də zədəli idi, ağrıları var idi. Bununla belə, hamısı tam gücləri ilə oynayacaqlarını bildirdilər və həqiqətən də, öz oyunları ilə bunu sübut etdilər.
- Yəqin ki, klubun prezidenti Hafiz Məmmədovun müalicəsini yarımçıq qoyaraq Amerikadan bu oyunu izləmək üçün Bakıya qayıtması da komandaya əlavə ruh verdi...
- Şübhəsiz, Hafiz müəllimin stadionda olması komandaya çox böyük ruh verdi.
- Qələbəyə görə mükafat aldınız?
- Mükafat olacaq. Çünki “Bakı” rəhbərliyi həmişə futbolçuların zəhmətini yüksək qiymətləndirib. Düzdür, legionerlərimiz artıq vətənlərinə yola düşüblər, amma, hər bir futbolçu çəkdiyi zəhmətinin qarşılığını alacaq.
- Bəs, siz özünüz necə, postunuzda qalırsınız?
- Yaxın üç gün ərzində Hafiz müəllimlə görüşümüz olacaq və o görüşdən sonra bu suala da aydınlıq gələcək.
- Prinsipcə, üzərinizə düşən işi yerinə yetirdiniz. Nəzərə alaq ki, Starkovun bərbad günə qoyduğu bir komandanın sükanı arxasına keçmişdiniz. Ancaq maraqlıdır ki, kuboku qazansanız da, artıq mətbuatda yerinizə namizədlər göstərilir. Hətta “Karabükspor”dan ayrılan Bülənt Qorxmazın da adı o siyahıda var. Bu cür söhbətlərin yayılması sizə mənfi təsir etmir ki?
- Bilrsiniz, bu cür söhbətlər istənilən məşqçiyə pis təsir edir. Ölkənin ən tanınmış idman qəzetini açırsan, harda işsiz məşqçi var, hamısını Azərbaycana gətirir. Amma, bunlar məni ruhdan salmır. Sadəcə, bu cür söhbətləri yayanları başa düşmürəm. Sanki qəsdən, qərəzli olaraq, kiminsə sifarişini yerinə yetirirmiş kimi yayırlar. Özümü qoyuram kənara. Axı, futbolçulara da pis təsir edir. Təsəvvür edin, futbolçu qəzeti açır, bu məlumatı oxuyanda özü də çaş-baş qalır, bilmir ki, hazırkı baş məşqçisi postunda qalır, yoxsa onun yerinə başqası gəlir. Bu qarışıq beyinlə də meydana çıxıb mübarizə aparmaq çox çətindir. Sağ olsun, futbolçularıma minnətdaram ki, bütün kənar söhbətlərə baxmayaraq, meydana çıxıb layiqincə mübarizə apardılar. Zeynal müəllim, Nail müəllim də dəfələrlə demişdi ki, hər şeyə kubok oyunundan sonra aydınlıq gələcək. Ancaq bəzi mətbuat orqanları yenə öz yazdıqlarını yazırdılar.
- Belə başa düşdük ki, komandanın hazırlıq planı da klub prezidenti ilə görüşdən sonra tərtib olunacaq?
- Mən öz hazırlıq planımı tərtib etmişəm. Əgər postumda qalası olsam həmin plan öz təsdiqini tapacaq və ona uyğun olaraq, hazırlığa başlayacağıq.
Anar XANLAROV
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
Daha az maaşla klubunda qaldı
"Millini çalışdırmaq istəsə, onu dəstəkləyərdim"
“Bakı Sportinq” və “Cəbrayıl” tura qələbə ilə başladı
14 illik həsrət bitdi
Azərbaycan millisinin İspaniyadakı ilk məşqindən - Şəkillər
Matçın ən yaxşısı seçilən 40 yaşlı Noyerdən açıqlama
Daha 4 il üçün federasiya prezidenti seçildi
Növbəti mövsüm ÇL-də İngiltərənin 5 klubu iştirak edəcək
"Barselona" bu hücumçunu satacaq
"Marsel"in baş məşqçisinin evi qarət olundu
"Qarabağ"da iclas keçirildi - Şəkillər
Çempionlar Liqasında rekord qırdı
Avrokubokların oyunlarını yayımlayacaq kanallar
Son 4 mövsümün ən böyük hesabı
Azərbaycan çempionatlarının 21-ci əsrdəki rekordu yeniləndi
Azərbaycandakı amerikalıların 10-cu het-triki
Bəxtiyar Həsənalızadə: “Qələbədən başqa yolumuz yoxdur”
Arbeloa: "Münhendə "Real" qalib gələcək"
65 il sonra qayıtdılar
"Bavariya"nın Madrid zəfəri - Video
"Quba" "Şəki Siti" ilə üz-üzə
"Bavariya" "Real"a, "Arsenal" "Sportinq"ə qalib gəldi
6 qol və "Sabah"ın qələbəsi - Video
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
