20:34
"İmişli"nin baş məşqçisi Jorj Kaşkilya Misli Premyer Liqasının 32-ci turunda "Qarabağ"a məğlub olduqları matçdan (0:3) sonra oyun barədə fikirlərini bölüşüb.
QOL.az xəbər verir ki, müstəxəssis məğlubiyyətə rəğmən gənc oyunçulara ayrılan xüsusi rolu ön plana çəkib:
"Matçın ilk hissəsində meydanda bərabərsəviyyəli mübarizə getdi. "Qarabağ"ın hücumda daha çox vaxt keçirməsinə baxmayaraq biz də əks-hücumlarda yetərincə kəsərli idik. Heyətdəki zədəli futbolçuların çoxluğuna rəğmən, müdafiə xəttimiz ilk 45 dəqiqədə özünü tam doğrultdu. Ancaq ikinci hissənin əvvəlində buraxdığımız erkən qol planlarımızı pozdu. Vəziyyəti dəyişməyə çalışsaq da, qapımızda gördüyümüz ikinci qol komandanı həvəsdən saldı. Son 20 dəqiqə tamamilə rəqibin nəzarəti altında keçdi və yekun hesabın oyunun məntiqinə tam uyğun olduğunu düşünürəm. 'Qarabağ'ı həm qələbə, həm də Avropa Liqasına vəsiqə qazanması münasibətilə təbrik edirəm.
Fasilədən sonra meydanda gənc və yerli oyunçularımıza şans verdik. Bu cür böyük rəqiblərə qarşı oynamaq onların inkişafı və gələcək karyerası üçün əvəzedilməz təcrübədir. Artıq üç tur əvvəl əsas hədəfimizə çatdığımızı nəzərə alsaq, bu gənclərə şans yaratmaq bizim birbaşa vəzifəmizdir. Bütün komandamı mübarizəyə görə təbrik edirəm, qalan turlarda da gənclərin potensialından maksimum istifadə etməyə çalışacağıq".
Baş məşqçi komandadan ayrılacağı ilə bağlı yayılan xəbərlərə belə aydınlıq gətirib:
"Haqqımda yayılan bu cür xəbərlər əsassızdır və həqiqəti əks etdirmir. Hazırda mənim üçün yeganə prioritet məsələ bütün diqqətimi son tura qədər "İmişli"nin uğurlu çıxışına yönəltməkdir. Əsas hədəfim qalan matçları da yüksək səviyyədə, yaxşı nəticələrlə başa vurmaq və mövsüm bitdikdən sonra Portuqaliyaya qayıtmaqdır".
Mütəxəssis zədəli Sinenkanın vəziyyətindən danışıb:
"Sinenka hazırda bizimlədir və məşq proseslərində iştirak edir. Amma zədəsinə görə necə olacağı bilinmir".
“Əl-Nəsr”dən ayrılır
Andrey Demçenko: "Məşqlərimizin bəhrəsini gördük"
Kot-d'İvuar millisinin DÇ-2026 heyəti
“Şamaxı” - “Turan Tovuz” oyununda hakim dəyişikliyi
"Araz-Naxçıvan" və "Qəbələ” qalib gəldi
Azərbaycan üçün 3 "qızıl", 2 "bürünc" şansı
"Qəbələ"nin geridönüşü - Video
"Daha çox qol vura bilərdik" - Kaxaber Sxadadze
Noyer daha 2 il "Bavariya"da
"Şəfa" çempion oldu, Premyer Liqaya yüksəldi
"Araz-Naxçıvan" - "Kəpəz": Heyətlər
Belçika millisinin DÇ-2026 üçün heyəti
“UFC Bakı”nın iştirakçıları və bilet qiymətləri
