14:59
Ukraynada yaşayan daha bir idmançı soydaşımız uğura imza atıb. Soydaşımız Rizvan Talıbov bu günlərdə keçirilən karate üzrə Avropa çempionatında bürünc medal qazanıb.
Ukraynanın Çernovtsı şəhərində anadan olan gənc həmyerlimiz əslən qarabağlıdır. Valideynlərindən atası Ağdamın Novruzlu kəndindən, anası isə Ağdam şəhərindəndir. AZƏRTAC agentliyi soydaşımızla görüşərək uğurları və gələcək hədəfləri barədə müsahibə götürüb.
- Necə oldu ki, sizdə karateyə həvəs yarandı?
- Təşəkkür edirəm ki, Ukraynada yaşayan soydaşlarımıza belə diqqət göstərirsiniz. Sözsüz ki, idmana, xüsusilə karateyə həvəsim uşaq ikən başladı. Bu da səbəbsiz deyil. Qanımda Azərbaycan qanı axırsa demək ki, idmana həvəsim də təsadüfi deyil. Azərbaycandan da kifayət qədər dünyaca məşhur karateçilər çıxıb.
- İdmançı karyeranda ən çox kimin dəstəyini hiss etmisən?
- Mənim idmançı olmağımda öncə valideynlərim dəstək olub. Qazandığım uğurlarda onların da əməyi böyükdür.
- Qazandığın uğurlar haqqında nə deyə bilərsiniz?
- 2020-ci ilə qədər Çernovtsı şəhərində məşq etmişəm. Son üç ili isə Kiyevdə intensiv məşqlər edirəm. Ukraynanın beynəlxalq dərəcəli idman ustasıyam. 2023-cü ildə karate üzrə Avropa çempionu olmuşam. 2017-2022-ci illərdə Ukrayna çempionu titulunu qazanmışam.
- İdmançı kimi əsas hədəfiniz nədir?
- Əsas hədəflərimdən biri Olimpiya medalı qazanmaqdır. Bu hədəfimə çatmaq üçün yorulmadan məşqlərimə davam edirəm. İnanıram ki, məqsədimə çatacağam. Bunun üçün enerjim və istəyim böyükdür.
- Əslən qarabağlısan, özü də Ağdamdan. İndi Ağdam da daxil olmaqla, Azərbaycanın bir çox rayon və şəhərləri işğaldan azad edilib və həmin ərazilər yenidən qurulur. Bunları görmək necə hissdir?
- Əlbəttə, baş verənlər qürurvericidir. Xüsusilə, xaricdə yaşayan azərbaycanlılar üçün. İndi biz özümüzü daha xoşbəxt və bəxtəvər hiss edirik. Mən bütün yarışlarda tək Ukraynanı yox, həm də daxilən Azərbaycanı təmsil etmişəm. İmkan olan kimi dilbər Ağdama gedib, oranın gözəlliklərini görmək istəyirəm. Ümid edirəm ki, doğma yurduma getmək qismət olar. Azərbaycan mənim ana Vətənimdir və bu hər zaman belə də qalacaq. Ukraynanı da ikinci Vətənim kimi görürəm. Bu ölkəni çox sevirəm. Şanslı idmançıyam ki, mənə beynəlxalq turnirlərdə Azərbaycan və Ukraynadan olan insanlar azarkeşlik edir. Bütün yarışlarda Azərbaycan xalqının da dəstəyini hiss edirəm. Bu, mənə əlavə güc verir. Bütün bunlar mənim üçün çox dəyərli və xoşdur.
“Əl-Nəsr”dən ayrılır
Andrey Demçenko: "Məşqlərimizin bəhrəsini gördük"
Kot-d'İvuar millisinin DÇ-2026 heyəti
“Şamaxı” - “Turan Tovuz” oyununda hakim dəyişikliyi
"Araz-Naxçıvan" və "Qəbələ” qalib gəldi
Azərbaycan üçün 3 "qızıl", 2 "bürünc" şansı
"Qəbələ"nin geridönüşü - Video
"Daha çox qol vura bilərdik" - Kaxaber Sxadadze
Noyer daha 2 il "Bavariya"da
"Şəfa" çempion oldu, Premyer Liqaya yüksəldi
"Araz-Naxçıvan" - "Kəpəz": Heyətlər
Belçika millisinin DÇ-2026 üçün heyəti
“UFC Bakı”nın iştirakçıları və bilet qiymətləri
2029-cu ilin yayına kimi "Borussiya"da - Rəsmi
"Mançester Yunayted"də mövsümün ən yaxşısı açıqlandı
Yevlaxda heyətlər açıqlandı
"Zalsburq"dan İngiltərə klubuna
Qarabağdan Belçikaya gedən futbol yolu - "Suqovuşan" turniri
"Everton"un əfsanəsi komandadan ayrılır
Aspas 70 ildən çoxdur davam edən rekordu qırdı
Avropa çempionu: “Qələbəni atama həsr edirəm”
"Arsenal" yeni formasını təqdim etdi - Şəkil
Rodri ilə müqavilə uzadılacaq
"Mançester Yunayted" Onananı satacaq
Fransa millisinə düşə bilmədi, Əlcəzairi seçdi
"Bavariya" Qordonun transferini bitirir
Onları niyə DÇ-2026-yə aparmamasından danışdı
Azərbaycan taekvondoçusu Avropa 3-cüsü oldu
Fransa millisinin DÇ-2026 üçün heyəti
Baş məşqçi futbolçudan üzr istədi
40 yaşlı qolkiper yenidən mundial yolunda
