12:33
“Araz-Naxçıvan”ın yarımmüdafiəçisi Qara Qarayev “Qarabağ”a qarşı keçirilən Azərbaycan kubokunun yarımfinal mərhələsinin cavab oyunundan sonra jurnalistlərin suallarını cavablandırıb.
QOL.az xəbər verir ki, təcrübəli yarımmüdafiəçi əvvəlcə 0:3 hesablı məğlubiyyəti şərh edib:
- Birinci hissədə real qol epizodlarımız olsa da, istifadə edə bilmədik. “Qarabağ”a qarşı oynamaq çətindir, lakin düşünürəm ki, hər iki oyunda layiqli mübarizə apardıq. Qol epizodlarını dəyərləndirə bilsəydik, yekunda fərqli ssenari olardı.
- Hakimlərin idarəçiliyini necə qiymətləndirirsiniz?
- Hakimliklə bağlı iki müəmmalı məsələ var. Birincisi, Jatobanın epizodudur. Epizodun təkrarına baxanda görünür ki, Jatoba topa oynayır, Bəhlul isə onu vurur. Mənə görə, bu, penaltidir. Hakimə yaxınlaşırsan, gah deyir şiddət yoxdur, gah deyir birinci topa o oynadı. Bilmirsən nə deyəsən.
- Artıq kubokla vidalaşdınız. Çempionatdan avrokuboklara yollanmaq şansınızı necə dəyərləndirirsiniz?
- Yanvardan sonra heyətlə bağlı ciddi problemlərimiz oldu. Mən özüm də bir aya yaxın oynamadım. Düzdür, artıq bəzi zədəlilərimiz sıraya dönüblər. Amma zədədən sonra ideal formada deyillər. Bu da anlaşılandır. Çünki mövsümün sonuna yaxın optimal forma düşmək çətindir. Bütün çətinliklərə baxmayaraq, sona qədər döyüşəcəyik. Düşünürəm ki, yaxşı yerlərə layiq komandayıq. Avroliqa, yaxud Konfrans Liqasına getməyimiz klub üçün də önəmli addım olacaq. “Araz-Naxçıvan” daha böyük uğurlar qazana bilər. Avrokuboklar bizim üçün əhəmiyyətlidir. Ora yollanmaq istəyirik. Bunun üçün də sona qədər döyüşəcəyik. Təslim olmamışıq, olmaq fikrimiz də yoxdur.
- Mövsümün sonuna 5 tur qalıb. Demək olar ki, hər matç “Araz-Naxçıvan” üçün finala bərabərdir?
- Bəzən 100 faiz də problem ola bilər. Ona görə qarşıdakı matçlara optimal formada yanaşmalıyıq. Buna qədər kubok oyunlarına görə 4-5 gündən bir meydana çıxırdıq. Bu da bir qədər çətinik yaradırdı. Ümumilikdə, pis təsir bağışlamadıq. Bu tempi qoruya bilsək, daha yaxşı nəticələr əldə edəcəyik.
- Uzun illər “Qarabağ”da çıxış etmisiniz. Sabiq klubunuzla oyuna psixoloji cəhətdən hazırlaşmaq sizin üçün çətin olmadı?
- Psixologiyam özümə aiddir. Dünən xoş xatirədir, amma bu gün buradayam. Futboldan uzaq qalmamaq, daha çox oynamaq istəyirəm. “Qarabağ”la görüşə xüsusi hazırlaşmamışdım, fərqli bir motivasiya da yox idi. “Qarabağ”a həmişə hörmətlə yanaşıram. Orada böyümüşəm. Motivasiyam hansısa oyuna görə artıb-azalmır. “Qarabağ”ı xüsusi rəqib kimi görmürəm. Hər şey qaydasındadır. Matça da normal hazırlaşmışdım.
Futbolda yeni cəza: "Qara kart" göstəriləcək
“İnkişaf edirik və daha yaxşı oynayacağıq” - Filipe Kandido
“Səfərdə oynamaq daha çətindir” - Azər Bağırov
Ozan Canın komandası heç-heçə etdi
Baş məşqçi futbolçularını niyə çətin vəziyyətə salır?
"Sumqayıt" - "Şamaxı" matçında heç-heçə, "Kəpəz"dən qələbə
Nuriyevin komandası 9 qollu qələbə qazandı
"Kəpəz" "Qəbələ"ni belə məğlub etdi - Video
Meydanda qəfil yerə yıxıldı, xərəkdə aparıldı
“Mançester Yunayted”dən azarkeşlərə qarşı sərt addım
"Sumqayıt" - "Şamaxı": Heyətlər
İnfantino qərarından dönmədi
Həm ilk qollarını vurdu, həm də Messinin rekordunu yenilədi
"Bir-birimizi tamamlayırıq"
Millinin heyətinə kimlər çağrıldı?
"Kəpəz" - "Qəbələ": Heyətlər
La Liqanın ən yaxşısı seçildi
İnfantino FIFA prezidentliyinə yenidən namizəd olacaq
“Sabah”ın rəqibi futbolçusunu icarəyə verdi
Çempionlar Liqasında həftənin rəmzi komandası
"Arsenal" gürcüstanlı futbolçu transfer etdi
Mbappe Messi və Ronaldodan danışdı
“Hall Siti”nin futbolçusu qəzaya düşdü, avtomobili aşdı
Atası nigeriyalı, anası azərbaycanlı olan futbolçu - Video
Caka "Çelsi"yə niyə "yox" deyib?
Milli karyerasını başa vurdu
Mahirin paltardəyişmə otağında çılğın qələbə sevinci - Video
VAR 26 turda 113 qərar dəyişdirib
Millinin rəhbərliyi Emreli ilə nələrdən danışdı? - Şəkil
Fransa İnfantinoya qarşı namizəd hazırlayır
“Fiorentina” sonuncu pillədən qurtuldu
“Şalke” mövsümdə ilk qələbəsini qazandı
MOİK - “Şimal” matçında heç-heçə - Video
Nəriman ehtiyatda qaldı, komandası “Beşiktaş”a uduzdu
Azərbaycan klublarının yay transferləri - Yenilənir
La Liqada ayın futbolçusu kim oldu?
