15:23
Meksikanın "Monterrey" komandasının futbolçusu Serxio Ramos bu il keçiriləcək klublararası dünya çempionatı haqda danışıb.
QOL.az xəbər verir ki, o, FİFA-nın rəsmi saytına müsahibəsində deyib: "Bu turnir özünü göstərə bilməyən klublar üçün əla fürsət və unikal platformadır. FIFA turnirləri həmişə əlavə motivasiya verir. Yaşından asılı olmayaraq, "Monterrey"i təmsil etmək böyük həyəcandır. Biz böyük həvəslə hazırlaşırıq və yaxşı çıxış etməyi hədəfləyirik".
Təcrübəli müdafiəçi turnirin ABŞ-da keçirilməsi qərarını müdrik hesab etdiyini qeyd edib: "Düşünürəm ki, turnirin burada keçirilməsi ağıllı qərardır. Bu, Amerika cəmiyyətinin futbolu daha yaxşı tanıması ilə bağlıdır. Avropada futbola daha dərin bağlılıq var. ABŞ-da futbol, bəlkə də, əhalinin çoxluğuna və ya Amerika futbolu və NBA kimi idman növlərinin nüfuzuna görə hələ də eyni təsirə malik deyil. Amma böyük irəliləyiş var. Bu addımlar ABŞ-da da futbola marağı artıracaq. Bu, futbol dünyası üçün yaxşı bir inkişafdır və Meksikada da bu maraq artır”.
O, Los-Ancelesdə Meksika əsilli azarkeşlərdən dəstək gözlədiklərini bildirib: "Los-Ancelesdə çoxlu meksikalı azarkeşlərin olması vacibdir. Səfərdə olsaq da, onların sevgisi və dəstəyi bizə güc verəcək. Hətta tribunada rəqiblərimizdən daha çox azarkeşimiz ola bilər. Bu, böyük üstünlükdür və özümüzü evdəki kimi hiss edəcəyik".
S. Ramos titulu qazanmaq ehtimalından danışıb: "Kuboku qazanmaq inanılmaz yuxu olardı. Ötən gün FİFA prezidenti Canni İnfantino yeni kuboku ABŞ prezidenti Donald Trampla birlikdə təqdim edib. Bu, həqiqətən də gözəl kubokdur. Əslində, məni Meksikaya gətirən amillərdən biri də yeni turnirdə oynamaq imkanı idi. Mən həmişə optimistəm və yüksək yerləri, qalib gəlmək haqda düşünürəm. Komanda meydana bu mentalitetlə çıxır”.
Qeyd edək ki, sözügedən turnir iyunun 15-dən iyulun 13-dək ABŞ və Meksika ölkələrində keçiriləcək.
"Çelsi" transfer etdi, 8 illik müqavilə bağladı
Türkiyə millisində ciddi itkilər
"Atletiko"dan Qrizmannla bağlı qərar - Rəsmi
Qəbələdə futbol festivalı
Mauritsio Sarrinin təyinatı açıqlandı
"Möminə Xatun" Azərbaycan çempionu oldu
“Matç TV”nin Azərbaycanda yayımı dayandırıldı
La Liqada mövsümün ən yaxşı məşqçisi seçildi
"Sabah" beynəlxalq turnirdə 6-cı oldu
Bədavi Hüseynov millinin heyətindən çıxarıldı
Mahir Məmmədov yenidən federasiya prezidenti seçildi
41 yaşlı Vaqner Lavın yeni klubu açıqlandı
Neymar əsəbiləşdi
Mehriban Əliyeva: "Sizinlə fəxr edirik!"
Messidən Azərbaycana təbrik - Video
"Çelsi"də 6 illik müqavilə
"Liverpul" israr, "Bayer" isə rədd edir
PSJ 2 futbolçusunu satır
Ən məhsuldar final
Azərbaycan kubokunda son 2 mövsümün rekordu
Kubokun 10-cu sahibi
"Araz-Naxçıvan" daha bir futbolçusunu komandada saxladı
Orxan Məmmədov: “Bizim qələbəmiz çox böyükdür”
Messi Ronaldo ilə komanda yoldaşı ola bilər
Neymar əllə qol vurdu, meydandan qovuldu - Video
"Beşiktaş"dan darmadağın - Video
Azərbaycan cüdoçularından Avropa Kubokunda 4 medal
Millimizin dünya çempionluğu - Video
