20:25
"Zirə"nin baş məşqçisi Rəşad Sadıqov Azərbaycan Kubokunun 1/4 finalında "Araz-Naxçıvan"a 0:1 hesabı ilə məğlub olduqları matçı şərh edib.
QOL.az xəbər verir ki, o, görüşdən sonra keçirilən mətbuat konfransında deyib:
- Kuboka yarışına uyğun oyun keçdi. Çox qol epizodundan danışa bilmərik. Hər iki komanda mübarizə apardı. Küləkli hava da futbolçulara mane olurdu. Ona görə də baxımlı futbolun şahidi olmadıq. Kubok oyunları bu şəraitdə keçir. Penaltidən qol buraxdıq. Başqa qol epizodu xatırlamıram. Biz də epizodlara girə bilmədik.
- Cavab oyununda şanslar necə olacaq?
- İlk oyundan sonra rəqib öndədir. Biz də udsaydıq, ikinci matçda eyni ssenari olacaqdı. "Araz-Naxçıvan" çox az qol buraxır. Etibarlı müdafiə olunmağı bacarırlar. Ola bilər ki, işimiz əziyyətli olsun. Çalışacağıq ki, evdəki matçda nəticə əldə edib mərhələ adlayaq. Qalib gəlmək istəyirik. Sıx qrafikdə oynayırıq. Cavab matçından sonra Tovuzda oynayacağıq. Çox güc sərf edəcəyik.
- Salifu Sumaya təkliflər var. Komandadan gedəcək?
- Tək Salifuya yox, bir neçə futbolçumuza təkliflər var. Rəsmi də var, rəsmi olmayan, maraqlananlar da. Hansı klubdur, açıqlamayacağam. Amma rəsmi təklif də gəlib. Biz də Salifu ilə söhbət etdik, müqaviləsini artırdıq. Onun və bizim xeyrimizə olan qərar qəbul etdik. Klubumuz hər zaman təklifə açıqdır. Vacib olan odur ki, bizdən gedən oyunçu irəli getsin, inkişaf etsin. Təkliflər futbolun bir hissəsidir. Suma bizimlədir, yenə də ciddi təklif olsa, götür-qoy edərik, həm bizim, həm də onun özü üçün uyğun qərarı verərik. (sportal.az)
"İnter"dən ayrılır
"Barselona"da oyundan öncə itki
Masazırda yaranan qol epizodları - Video
"İndi rəy bildirmək tezdir" - Vaqif Cavadov
"Məqsədimiz hər bir oyunda qalib gəlməkdir" - Berezutski
"Neftçi"nin "Kəpəz" üzərində qələbəsi - Video
“Qalatasaray” yeni transferi rəsmən açıqladı
Samir Abasovun qələbə şərhi
"Sabah" - "Sumqayıt": Heyətlər
Luk Şou yenə zədələndi
Romao "Qarabağ"la bu sözlərlə vidalaşdı
