“Neftçi”yə keçəndə çox təəccübləndim. Sözün açığı, bura haqqında elə də çox məlumatım yox idi. Gələndə insanlar məni çox yaxşı qarşıladılar, mənə isti yanaşdılar. Yeni bir ölkə ilə tanış oldum. Səmimi olaraq deyim ki, burada həqiqətən də çox xoşbəxtəm”.
QOL.az saytının məlumatına görə, bu sözləri “Neftçi”nin müdafiəçisi Mustafa Sek klubun televiziyasına müsahibəsində deyib.
Seneqallı futbolçu Azərbaycana gəlişinin necə alındığı barədə danışıb: “Hazırda “Zirə”də oynayan Tiaqo Silvanı tanıyıram. Onunla danışıb, “Neftçi” haqqında soruşmuşdum. O isə mənə cavab vermişdi ki, “Neftçi” Azərbaycanın ən güclü, ən böyük klublarından biridir. Eyni zamanda “Neftçi”nin idman üzrə müşaviri Kamil Məmmədovla danışdım. O, klub haqda mənə çox yaxşı məlumatlar verdi. Bu layihə çox xoşuma gəldi. Ona görə də hal-hazırda “Neftçi”dəyəm”.
O, Bakını çox bəyəndiyini bildirib: “Adaptasiya prosesi çox yaxşı keçdi. Şəhər və insanlar çox xoşuma gəlir. Bakı müasir şəhərdir, sözün yaxşı mənasında çox təəccübləndim. Ona görə də çox yaxşı adaptasiya olmuşam”.
M.Sek vaxtı ilə çıxış etdiyi “Barselona” və “Roma”dakı günlərindən də söz açıb: “Çox yaxşı xatirələrim var. “Barselona” kimi böyük klubda futbol oynamağa başlamışam. Səmimi desəm, idman bəxti üzümə gülüb ki, bu cür klublarla yolum kəsişib. İndiyədək əldə etdiklərimlə qürur duyuram. İtaliyanın ən böyük klublarından biri olan “Roma”dakı günlərimi çox yaxşı xatırlayıram. Totti kimi əfsanəvi futbolçu ilə eyni komandada olaraq ondan çox şey öyrənmişəm. İstər meydanda, istərsə də meydandan kənarda. Eyni zamanda, Luçano Spalettini də çox yaxşı xatırlayıram. Məşqçi kimi mənə çox köməyi dəyib, çox tövsiyələr verib. Ona görə hər ikisinə də minnətdaram”.
“Neftçi”nin üzvü həyatın sürprizlərlə dolu olduğunu vurğulayıb: “Allahın izni ilə bunədək birlikdə çıxış etdiyim ulduz futbolçulardan hansısa gəlib Azərbaycanda, “Neftçi”də oynayar. Mənim təsəvvürümdə belə yox idi ki, nə vaxtsa Azərbaycanda oynayacağam. Amma Azərbaycan da, futbolu da çox xoşuma gəlir. Həyat sürprizlərlə doludur”.
O, Bakının çox təhlükəsiz şəhər olduğunu qeyd edib: “Milli mətbəxi çox bəyənirəm. Ailəmlə rahat şəkildə çıxıb şəhərdə gəzə bilirəm. Bakı təhlükəsiz şəhərdir. Bu da mənim çox xoşuma gəlir. Bəyənmədiyim şeylərdən biri tıxacdır”.
Mustafa Sek deyib ki, Azərbaycan futbolunun səviyyəsi onu yaxşı mənada təəccübləndirib: “Sözün düzü, hansı ölkədə olmasından asılı olmayaraq futbol demək olar ki, hər yerdə eynidir. Təbii ki, fərqlər də var. Amma Azərbaycan futbolunun səviyyəsi məni yaxşı mənada təəccübləndirdi. Çünki çempionat ildən ilə inkişaf edir”.
O, komandada bütün futbolçularla yaxşı münasibətinin olduğunu söyləyib: “Çalışıram hər biri ilə ünsiyyət qurum. Bununla belə, hər klubda elə bir futbolçu olur ki, onunla daha çox vaxt keçirirsən, daha sıx ünsiyyət qurursan. Bu mənada mən Dembo Darbonu qeyd edərdim”.
Seneqallı futbolçu mövsümün ikinci yarısında vəziyyəti dəyişəcəklərinə inanır: “Baş məşqçimizin öz futbol fəlsəfəsi var. Biz də çalışırıq ki, əlimizdən gələnin ən yaxşısını edək, oyunlarda özümüzü yaxşı tərəfdən göstərək, baş məşqinin istəklərini yerinə yetirək. Düşünürəm ki, bundan sonra vəziyyətimiz yaxşılığa doğru gedəcək. Çempionata yaxşı başlamadıq. Lakin hər zaman pozitiv düşünmək lazımdır. Vəziyyəti düzəltmək üçün həmişə imkan var. Ümid edirəm ki, qış fasiləsindən sonra daha yaxşı oynayaraq yaxşı nəticələr qazanacağıq ki, “Neftçi” yuxarı pillələrdə qərarlaşsın”.
Sonda Sek azarkeşlərə təşəkkür edib: “Çünki yaxşı vəziyyətdə olmamağımıza baxmayaraq, hər zaman bizi dəstəkəyirlər. Onlar bizim gücümüzdür”.
PSJ-dən yeni müqavilə
Millimiz ilk yoxlama oyununu keçirdi
"Real"dan Vinisiusa təklif
"Mənim üçün böyük sınaq olacaq"
Çempionlar Liqasında əlavə vaxt ləğv oluna bilər
Premyer Liqanın ən yaxşı məşqçisi oldu
“Sabah”ın üzvləri DOST-da oldular
Ançelottidən La Liqaya cavab: "Sistemi dəyişmək istəyirik"
Azərbaycan millisi “Avro-2027”də - Oyunların təqvimi
"Əldən heç nə gəlmir" - "Zirə"nin futbolçusu
“Karvan” Premyer Liqaya can atır – “Bizdə ideal şərait var”
Misli Premyer Liqasında 22-ci turun hakimləri
AFFA liqalarında oyunlar təxirə salındı
1-ci liqada 13-cü tura yekun vuruldu
PSJ Enrike ilə bağlı qərarını bu gün açıqlayacaq
Klüyvert Premyer Liqanın ən yaxşı oyunçusu oldu
İndi ən vacib xəbərlər telefonunuza gələcək!
Ulduz futbolçu Azərbaycanın bölgə klubuna niyə keçməyib?
Slot: “Liverpul” finalda oynamağa öyrəşib"
Fransa kubokunda 1/4 final cütlükləri müəyyənləşdi
"Fiziki tərbiyə dərsləri əyləncəli yox, maraqlı keçməlidir"
"Real"ın hədəfi bilindi
"Bundan sonra 21 yaşadək futbolçular harda oynayacaq?"
Keyn gələcəyinə qərar verdi
Serxio Ramosun yeni klubu rəsmiləşdi
Azərbaycan kubokunda son 20 mövsümün antirekordu
“Sabah”dan ilk
"Liverpul" finala bu darmadağınla adladı - Video
“Mbappenin gedişi ilə PSJ daha da gücləndi” - Luis Enrike
Nyu-Yorkun mərkəzində Ronaldonun heykəli qoyulub - Şəkillər
"Qəbələ"nin qələbəsi - Video
“Traktor” yenidən zirvədə
"İmişli" "Karvan"ı 2 qolla üstələdi - Video
La Liqanın prezidenti: "Real"da dəli olublar"
Sxadadze komandasının qələbəsini şərh etdi
Elvin Məmmədov: "Komandada inkişaf var"