Krunoslav Renduliç: "Mövsümü 2-ci yerdə də bitirə bilərik, 4-cü yerdə də"

Krunoslav Renduliç: "Mövsümü 2-ci yerdə də bitirə bilərik, 4-cü yerdə də"
ÖLKƏ FUTBOLU 30 Mart 2024 / 22:35 2699
-  A +

"Sabah"ın baş məşqçisi Krunoslav Renduliç Misli Premyer Liqasının 28-ci turunda  "Zirə"yə 0:1 hesablı məğlubiyyətdən sonra mətbuat konfransı keçirib.

- Belə oyundan sonra nəticədən danışmaq çətindir. Futbolçularımı təbrik edirəm. Nəticə yox, onların göstərdiyi mübarizədən razı qaldım. Oyunun əvvəlində nəzarət bizim tərəfdə idi. "Zirə"nin çox yaxşı komanda olduğunu bilirdik. Standart vəziyyətdə kiçik səhv etdik və bu, qolla nəticələndi. Bu, futboldur, belə hallar baş verə bilər. Sona qədər təslim olmadıq. Rəqibi də təbrik edirəm. Qələbəyə layiq idilər.

- "Zirə" şəxsi oyunlarda üstünlüyü ələ keçirdi. Bunun məyusluğunu yaşayacaqsınız?

- Hələ heç nə həll olunmayıb. Qarşıda 8 tur var. Hər həftə hər şey dəyişə bilər. 5-6 komanda bir-birinə yaxındır. Bir qələbə ilə daha irəli gedə bilərik. Mövsümü 2-ci yerdə də bitirə bilərik, 4-cü yerdə də.

- Bu gün əsas rəqibinizə məğlub oldunuz. Amma komandada təlaş hiss olunmurdu. Bu, arxayınlıq nədən irəli gəlir?

- Bir oyun heç nəyi həll etmir. Bura gələndə inanırdım ki, bizim oyunçuların mövsümü 2-ci yerdə bitirmək üçün keyfiyyəti var. Burda olduğum müddətdə keçirdiyimiz 3 oyundan ən yaxşısı bugünkü matç idi. Əvvəlki görüşlərin ikinci hissəsində oyundan düşmüşdük. Bu gün isə 90 dəqiqə oynadıq. Amma belə oyunlarda qol vurmalısan.

- "Qəbələ" ilə yoldaşlıq oyunundan sonra demişdiniz ki, futbolçular yüz faizlərini meydanda qoymalıdır. Bu gün bunu gördünüz?

- Onların mübarizəsindən, döyüşməklərindən razıyam. Futbol belədir, bəzən yaxşı oynasan da, qələbə qazana bilmirsən (presssport.az)
 

Daha çox


Son xəbərlər
20.02.26  13:07

13 il, 80-ci qol

topaz banner