Millimiz dünya çempionatına bu heyətlə gedir

Millimiz dünya çempionatına bu heyətlə gedir
BOKS 26 Aprel 2023 / 15:00 1322
-  A +

Mayın 1-də Özbəkistanın paytaxtı Daşkənddə kişi boksçular arasında dünya çempionatı start götürəcək.

Qol.az Azərbaycan Boks Federasiyasının saytına istinadən xəbər verir ki, 14 gün davam edəcək mundialda Azərbaycan milli komandası tam heyətlə mübarizə aparacaq.

Dünya çempionatında Tural Sarıyev (48 kq), Məsud Yusifzadə (51 kq), Nicat Hüseynov (54 kq), Ümid Rüstəmov (57 kq), Tayfur Əliyev (60 kq), Malik Həsənov (63,5 kq), Nəbi İsgəndərov (67 kq), Sərxan Əliyev (71 kq), Mirşərif Kazımzadə (75 kq), Murad Allahverdiyev (80 kq), Alfonso Dominqes (86 kq), Eldar Quliyev (92 kq) və Məhəmməd Abdullayevə (+92 kq) şans veriləcək.

Komandamız aprelin 28-də Daşkənddə yollanacaq, mayın 15-də Bakıya qayıdacaq.

Qeyd edək ki, 5,2 milyon ABŞ dolları mükafat fondu olan yarışın püşkü aprelin 30-da atılacaq. Mundialda 100-dən çox ölkədən 700-ədək boksçusunun iştirakı gözlənilir. Dünya çempionu tituluna yiyələnəcək boksçular 200 min dollar gəlir əldə edəcək. İkinci yerin sahibləri 100 min, bürünc medal qazananlar isə 50 min dollarla mükafatlandırılacaq.

Daha çox


Son xəbərlər