Moskvada "Bakı" ÇSKA-nın dublu ilə "Birlik kuboku"nun qrupunda qarşılaşır. ÇSKA-nın heyətində gənc Vaqif Cavadov da var. Böyük bir bayraq götürüb gedirəm oyuna. İndiyəcən heç milli komandamızın azarkeşləri sağ-əməlli şüarlar, mahnılar fikirləşə bilməyib.
Mən də ömrümdə birinci dəfədi "Bakı"nın oyununa gedirəm. Komandanın azarkeşi filanı da yoxdu. Bir tribunada tək oturub başladım Bakı haqda bildiyim bütün mahnıların nəqarətlərini var səsinlə oxumağa. Oyun manejdə olduğundan səs hər yana yayılırdı.
Düzdü ÇSKA-nın bir neçə sektor təşkilatlanmış fanat ordusu vardı. Onlar tam susan kimi başlayırdım oxumağa. Dəli olurdular)
Yüzlərlə, bəlkə minlərlə fanat üzünü mənə çevirib əllərinlə jest edə-edə bir ağızdan "Poçem arbuz?" qışqırırdı)
Xülasə, oyundan sonra gəldim soyunub-geyinmə otağına ki, jurnalist dostlarla görüşüm. Məni Hafiz Məmmədovla tanış elədilər. "Jurnalistdir" eşidən kimi əlini cibinə salmaq istədi. Dedim, gəlmişəm həmkarlarımı aparım Moskva ilə tanış edim, sağ olun, Hafiz müəllim, hər şey yaxşıdı, ehtiyac yoxdu)
Hafiz Məmmədov ürəyi geniş adamdı. Fərd olaraq Azərbaycan futboluna ondan çox pul yatıran olmayıb. Və onun ürəyi genişliyindən demək olar ki, hamı istifadə edib, onun hesabına özünə gün-güzaran düzəldib. Amma Hafiz müəllim indiyəcən Azərbaycan futboluna pul yatıran adamların içində ən doğru iş görən iki nəfərdən biri olub. Söhbət "Bakı"nın Uşaq Futbol Akademiyasından gedir ki, qısa müddətdə milli komandanın heyətinin yarısı orda yetişdi. Hələ aşağı yaşlardan ibarət millilərə verilən futbolçuları, akademiyanın yüksək liqada oynayan başqa yetirmələrini demirəm.
Hafiz Məmmədov futbolun inkişaf yolunu gözəl bilirdi, futbolun inkişafını çox istəyirdi və ən doğru işi görürdü. Bu gün onun 55 yaşı olur. Allah Hafiz Məmmədova o geniş ürəyinə görə versin!
Azərbaycan futboluna pul yatırıb düzgün iş görmüş ikinci adam isə Tale Heydərovdu. O, Azərbaycanın ən yaxşı futbol akademiyasını qurdu. Süni meydançalardan şikəst olan, məhv olan istedadlı uşaqlar üçün neçə təbii meydan, əla baza inşa etdirdi. Bəhlul Mustafazadə kimi futbolumuzun ümidləri bu akademiyada yetişdi.
Amma AFFA-ya rəhbərlik edənlər Azərbaycan futbolunda doğru iş görən, öz ağlı, pulu, bacarığı ilə uğur qazanan hər kəsə qısqanclıqla yanaşır, onlara düşmən gözü ilə baxır. Bunun nəticəsidi ki, "Bakı" klubu, futbolumuzun bu günü və gələcəyi olan o möhtəşəm akademiya ilə birgə məhv edildi. İndi eyni proses Qəbələdə gedir...
Bundan sonra Elxan Məmmədov deyir ki, futbola pul buraxan yoxdu, bütün klublar AFFA-dan maliyyələşir. Təbii ki, olmaz. Hanı "Karvan", "MKT Araz", "Xəzər Lənkəran", "Simurq" və s. Onlar ki, AFFA-dan maliyyələşmirdi. Elxan müəllim, daha bir şedevral fikri budu ki, əgər bilsəm ki, istefa versəm, milli komandamız Avropa və ya dünya çempionatının final mərhələsinə yüksələcək, istefa verərəm.
AFFA məşqçilər komitəsinin üzvü Şahin Diniyev isə deyir ki, ölkədə normal futbolçu yetişmir yaxın zamanda San Marinoya, Cəbəllütariqə uduzacağıq.
Elxan müəllim, Azərbaycan Avropa çempionatının da, dünya çempionatının da final mərhələsinə yüksələcək. Bu ölkədə futbolçular da yetişəcək. Necə ki, siz rəhbərlik edənəcən yetişirdi. Onların arasında Avropa və dünya çempionatlarının mükafatçıları da vardı, olimpiya çempionları da, yeniyetmə və gənclər arasında qitə və dünya çempionları da. Səviyyəli futbol ölkələrinin çempionları, çempionatlarının bombardirləri də öz yerində. Bundan sonra da yetişəcək! Azərbaycan futbolunda hər şey ayrılan maliyyəyə uyğun olacaq. Hər şey qaydasına düşəcək.
Siz ölkəmizi və futbolumuzu həqiqətən də zirvələrdə görmək istəyirsinizsə, qərarınızı ləngitməyin, 15 gün sonrakı iclasa belə saxlamayın.Hər keçən gün Azərbaycan futbolunu bəlkə də daha bir il geri salır...
Anar ŞABANOĞLU
"Qəbələ" cavab oyununa itkilərlə çıxacaq
Çalhanoğlu: "Bir fincan qəhvə məndən bahadır"
Azərbaycanın U-17 millisi Belarusa uduzdu
"Füzuli" liderlə fərqi belə azaltdı - Video
“Bavariya” əfsanəvi futbolçuya heykəl ucaldacaq
"Şahdağ Qusar"ın qol şousu - Video
"Liverpul"da ciddi itki
2-ci liqa: 4 oyunda 19 qol
"Azərreyl" Azərbaycan çempionu oldu
Mourinyo əsəbiləşdi
"İnter"in yeni mövsüm üçün 2 transferi hazırdır
UEFA Avro-2024 üçün iştirak ərizəsi ilə bağlı qərar verdi
"Komandaya kömək üçün əlimdən gələni edəcəyəm" - Kadi
"Bavariya" Ranqniklə danışıqları bərpa etdi
Unai Emeri ilə yeni müqavilə imzalandı
Xavi "Barselona"da qalmağa yaxındır
Azərbaycan millisinin rəqibi turnirdə iştirak edəcək
Avro-2024-ün oyunlarını onlar idarə edəcəklər - Siyahı
Aydın finala çıxdı
Şeydayevin qol imkanları... - Video
"Milan" Piolini istefaya göndərir
Mourinyo: "Məni hələ uzun məşqçilik karyeram gözləyir"
Bu mövsümün sonunda "Çelsi"dən ayrılacaq
Azərbaycan şahmatçısından maksimum nəticə
Gürcüstan ÇL-in finalına ev sahibliyi etmək istəyir
"İnter"in çempion olduğu Milan derbisi - Video
"Fənərbaxça" Sivasda büdrədi - Video
La Liqada 32-ci tur yekunlaşdı
“İnter” çempionluğunu rəsmiləşdirdi
"Roma" öz meydanında uduzdu - Video
Diniyev - Şeydayev qarşıdurmasında kim sevindi?
“Fənərbaxça”dan xal itkisi
Azərbaycanın 3 boksçusu növbəti mərhələdə
MEDİA sosial şəbəkə istifadəçilərinə müraciət edib
“Neftçi” və “Difai” rəhbərliyi arasında görüş keçirildi
Liderdən qələbə, "Şəki Siti" və "Ağdaş" uduzdu
"Uduzuruqsa, bunun tək günahkarı biz futbolçularıq" - “Araz-Naxçıvan”ın yarımmüdafiəçisi
Modriç gələcəyi ilə bağlı qərar verdi
Fabio Kannavaro A seriyası klubunda
7 oyunun vaxtı məlum oldu