16:45
Cari mövsümdə Topaz Premyer Liqasında ikinci dəfə protokol xətasına yol verilib.
İlk dəfə belə bir hadisə “Sabail”- “Zirə” görüşündə baş vermişdi. O zaman “Zirə” protokola 1998-ci il təvəllüdlü və ya daha gənc futbolçu adı yazmadığı üçün bir xaldan məhrum olmuşdu. İndi isə “Qarabağ” protokolda adı olmayan futbolçunu meydana buraxdığına görə texniki məğlubiyyət alacaq. Komandaların cəzalanması anlaşılandır. Əsasnaməni pozan komanda cəzalanmalıdır. Bəs hakimlər? Hakimlərin vəzifəsi təkcə 90 dəqiqə meydançada baş verənləri müşahidə edib, hadisələri qeydə almaqdan ibarətdirmi? Əlbəttə ki, yox. Hakimlərin oyunun başlanmasına qədər yerinə yetirməli olduqları xeyli vəzifələri var. Onlardan biri də protokola nəzarət etmək, protokolda adı olmayan futbolçuları ehtiyat oyunçular skamyasına buraxmamaqdır. Zənnimizcə, “Səbail” – “Zirə” oyunundan əvvəl də hakimlər protokolu nəzərdən keçirib, onun düzgün doldurulmadığını “Zirə”nin rəhbərliyinə bildirməli idilər. Əgər “Zirə”nin məşqçiləri bundan sonra da protokola gənc oyunçu adını salmaqdan imtina etsəydilər, onda onlara texniki məğlubiyyət verilməli idi. Amma hakimlər onlara protokolun düzgün doldurulmaması barədə heç bir irad bildirməyiblər. Nəticədə öz işinə səhlənkar yanaşan “Zirə” həmin oyunda qazandığı bir xalı itirdi. Amma oyunun hakimlərinə gözün üstündə qaşın var deyən olmadı. Əslində hakimlər də həmin oyunda “Zirə”nin məşqçiləri qədər səhlənkarlıq etmişdilər.
İndi də “Qarabağ” texniki məğlubiyyət alacaq. Çünku, adını protokola yazmadığı, amma hamının “Qarabağ”ın futbolçusu kimi tanıdığı Abbas Hüseynovu meydana buraxıb.
Təbii sual ortaya çıxır. Adı protokolda olmayan futbolçunu texniki zonaya kim buraxıb? Protokolda adı olmayan şəxslərın texniki zonadan uzaqlaşdırılması kimin səlahiyyətinə aiddir? Qurban Qurbanovun? Əlbəttə ki, yox. Oyundan əvvəl dördüncü hakim protokolu nəzərdən keçirməli, orada adı olmayan şəxslərin texniki zonaya girməsinə icazə verməməlidir. Əgər texniki zonada adı protokola salınmayan şəxs varsa, dördüncü hakim onu oradan uzaqlaşdırmalıdır. Elə isə Abbas Hüseynov niyə texniki zonadan uzaqlaşdırılmayıb? Əgər hakim üzərinə düşən bu vəzifəni yerinə yetirsəydi, yəni Abbas Hüseynovu texniki zonadan kənarlaşdırsaydı, məşqçi onu meydana buraxa bilməzdi. Yəni, bu boyda mərəkə də baş verməzdi. Məhz hakimin məsuliyyətsizliyi üzündən bu gün “Qarabağ” texniki məğlubiyyətlə üz-üzə qalıb. “Qarabağ” mütləq cəzalanacaq, amma görək oyunun hakimlərini cəzalandıran olacaqmı?
Ürfan MƏMMƏDLİ,
çempion.az
"Real"dan ilk transfer
Sadıqov məşq keçdi, Qurbanov baxdı - Şəkillər
UEFA-dan Çakıra mühüm təyinat
Koke "Barselona"ya qarşı oynayacaq?
"Bavariya"da ciddi itki
Venger İngiltərə klubunda işləməkdən imtina etdi
Sxadadze karyerasını bitirdi
"Sumqayıt" Ayxan Abbasovun köməkçilərini açıqladı
"Bu titul mənim üçün qürurvericidir" - Maksim Medvedev
Farer adaları yığması "Neftçi"nin bazasında - Şəkillər
"Real"da daha bir itki - 1 ay oynamayacaq
De Xea "Mançester Yunayted"dən gedir
Millimiz Avropa çempionatına ağır məğlubiyyətlə başladı
"Keşlə” “İnter”in bütün tarixini mənimsədi" - Georgi Nikolov
Kubokun püşkatma mərasimi - Şəkillər
"Bu, nə AFFA-nın, nə də PFL-in günahıdır - Ramin Musayev
"Sumqayıt" yeni baş məşqçisini açıqladı
Ranyeri yenidən Premyer Liqada - rəsmi
“Qəbələ” nümayəndələri UEFA forumunda
Azərbaycan - Farer adaları oyununun hakimləri
Vüqar Nadirovla kuryoz hadisə
