Qol.Az
Canlı nəticələr
WAP
RSS Qol.Az Facebook-da

Ana səhifə
Bütün Xəbərlər
Müsahibə
Video
DÇ-2018
 
Tarixin şəkli
Turnir cədvəli
Premyer Liqa
Yazarlar
Layihə
Haqqımızda
Reklam
Əlaqə
İstanbulda keçiriləcək UEFA superkubokunun vaxtı açıqlandı

Yazarlar
 Rəşad haqda...
Aydın BAĞIROV
 FİFA və UEFA-ya belə üzv olduq...
Şakir YAQUBOV
 Futbol, bazar, qovhaqov...
Səbuhi MƏMMƏDLİ
 Yoxa çıxan uşaqlar
İlqar Tağıyev
 Onlara futbol yox, yeni "qurban"lar lazımdır...
Tahir SÜLEYMANOV
Fotoreportaj
Bütün 
Mükafatlandırma mərasimindən şəkillər - DÇ-2018
Top 5
Klublarımızın yay transferləri - Yenilənir
"Qarabağ" ÇL-də mübarizəni dayandırdı
"Fənərbaxça", "Seltik" və "Spartak" ÇL-dən kənarda qaldı
UEFA Superkubokunu "Atletiko" qazandı
"Qoy, Qleb "Qarabağ" haqda bir də belə danışmasın"
Linklər
525ci Qəzet

“Ramillə Emin Azərbaycana gəlməklə geriyə addım atdılar”
A A A

[24.09.2017]
“Ramillə Emin Azərbaycana gəlməklə geriyə addım atdılar”

Azərbaycanlı futbolçuların Avropa arenasına çıxa bilməməsi çoxdanın problemlərindəndir. İstedadlı gənc futbolçularımızın inkişafının müəyyən bir həddə qədər olması onların legioner həyatı yaşaya bilməməsinə gətirib çıxarır.

Ölkə xaricinə gedən azsaylı futbolçularımız da müəyyən çətinliklərə tab gətirə bilməyib vətənə qayıdırlar. Çünki bizim futbolçuların həyata baxışı və potensialı avropalılar kimi deyil. Bu, Azərbaycan futbolunun reallığıdır. Bəs, Rusiya futbol məktəbinin yetişdirdiyi Ramil Şeydayev və Emin Mahmudova nə oldu? Onlar niyə qısa “Avropa səyahəti”ndən sonra Azərbaycana gəldilər?

Milli komandamıza böyük ümidlərlə cəlb olunan bu futbolçulardan hazırda nəsə gözləmək düzgün olmaz. Çünki hər ikisi oyun təcrübəsi sarıdan əziyyət çəkir.

Rusiya “Zenit”indən “Trabzonspor”a transfer olunan Şeydayev heyətə düşə bilmədi və qısa zamandan sonra Slovakiyanın “Jilina” klubuna icarəyə verildi. Bir müddət sabit çıxış etsə də, daha sonra ehtiyata göndərildi və sonda hücumçu Azərbaycana – “Qarabağ”a gəlməli oldu. Müqavilə ilə “Trabzonspor”a məxsus olan gənc futbolçu Ağdam klubunda icarə əsasında çıxış edəcək. Ümid edək ki, “Qarabağ”ın baş məşqçisi Qurban Qurbanov onu lazımi səviyyəyə gətirəcək.

Emin Mahmudov isə Rusiyanın “Mordoviya” klubundan ayrılaraq Portuqaliyaya üz tutdu. Bir mövsüm “Boavişta”da çıxış edən 25 yaşlı yarımmüdafiəçi cəmi 12 oyuna çıxdı və 1 qol vurdu.  Mövsümün sonunda isə portuqaliya klubu Mahmudovu göndərdi. O isə digər Avropa klublarına can atmaqdansa, “Neftçi”də oynamağı üstün tutdu.



Emin Mahmudov

Ramil Şeydayevlə Emin Mahmudovun Azərbaycana gəlməsi onların karyerasına necə təsir edə bilər? Futbolçuların bu qərarı geriyə atılmış addımdırmı? Bu suallarla ilk olaraq veteran futbolçu Arif Əsədova müraciət etdik. Vaxtilə Rusiyanın “Spartak” (Vladiqafqaz), “Tümen” və “Anji” klublarında çıxış etmiş “Neftçi”nin sabiq baş məşqçisi problemin futbolçuların xarakterlərində olduğunu düşünür.

- Onlar Azərbaycana qayıtmaqla ən asan yolu seçiblər. Bacardıqca kənarda oynamalıdırlar. Legioner həyatı yaşamaq futbolçudan xarakter, dözümlülük tələb edir. Bir çox şeylərdən imtina etməlisən. Görünür, bu xarakter onlarda çatışmır ki, çətinliyə dözə, xarici klublarda möhkəmlənə bilmirlər. Əgər bunları bəyənib kluba götürüblərsə, deməli, nəsə görüblər. Ancaq onlar heyətə düşmək üçün lazım olan qədər mübarizə aparmayıblar. Təkcə xarici kluba keçməklə iş bitmir, orda möhkəmlənmək lazımdır. Bizim futbolçularda bu sarıdan problemlər var. Onların Azərbaycana gəlməsi bir qədər də arxayınlaşmalarına səbəb olacaq ki, bununla da bir futbolçu kimi sönməyə doğru gedə bilərlər.

Bizim çempionatımız yüksək səviyyədə deyil ki, bu futbolçular Azərbaycanda daha da inkişaf etsinlər. Çempionatımızı alçaltmaq fikrində deyiləm, sadəcə olaraq reallıq budur ki, yalnız avrokuboklarda daim çıxış edən “Qarabağ” futbolumuzu yaşadır. “Qarabağ”ın da Premyer Liqamızın səviyyəsinə görə Çempionlar Liqasında necə çətinlik çəkdiyini görürsünüz”.


Arif Əsədov

Arif Əsədov ölkə xaricinə çıxmağın futbolçu olduğu dönəmlə müqayisədə indi daha asan olduğunu deyir: “Bizim vaxtımızda çalışırdıq ki, ölkədən çıxaq, legioner həyatı yaşayaq. Müəyyən yaşa qədər Rusiya klublarında oynamaq istəyirdik ki, istədiyimiz səviyyədə çıxış edək. Artıq 30 yaşdan sonra yenə karyeranı Azərbaycanda davam etdirə bilərsən. Ancaq belə gənc futbolçularımızın Azərbaycana qayıtması artıq onların ölkə xaricinə getməsinin qarşısını alır.

O vaxt menecer sistemi yox idi. Hansısa kluba gedirdimsə, orda 2-3 ay hazırlıq dönəmində özümü elə göstərməliydim ki, mənimlə müqavilə bağlasınlar. İndi isə menecerlər var. Onlar futbolçuları klublara müxtəlif yollarla təqdim edirlər. Ona görə də indi futbolçularımızın legioner həyatı yaşaması daha asan olmalıdır”. 

Ölkə xaricinə oyunçu göndərə bilməməyimizi futbolumuzun qlobal problemi adlandıran Arif Əsədov deyir: “Bizim futbolçularımız 17 yaşa qədər normal oynayırlar. Artıq 17 yaşdan sonra futbolçular itirlər. Bunun səbəbini də axtarmalıyıq. Avropa ölkələrində əksinədir. 17-18 yaşlı futbolçuları artıq milli komandaya dəvət edirlər. Yəni futbolçu davamlı inkişaf edir. Bizim futbolçular isə bu yaşdan sonra itib-batırlar, nə çempionatda möhkəmlənə bilirlər, nə də ölkə xaricinə gedirlər.

Futbolçularımız Azərbaycandakı qazancı ölkə xaricində olan çətinliklərdən üstün tuturlar. Yəni müəyyən məbləği Azərbaycanda daha asan qazanmaq olur, nəinki ölkə xaricində. Əsas səbəblərdən biri də budur. Uşaq futbolundakı problemlər və klubların futbolçularla yüksək maaş qarşılığında müqavilələr bağlaması da problemin kökündə duran məsələlərdir.  Futboldan nəyəsə nail olmaq istəyirsənsə, bu idman növü sənin üçün ön planda olmalıdır. Nələrisə qurban verməlisən. Futbolu ikinci plana atsan, uğur qazana bilməzsən. Bizim futbolçuların isə bəzisi valideynləri üçün darıxır, bəzisi sevdiyi xanım üçün Azərbaycana qayıdır”.

İndikilərdən fərqli olaraq normal legioner həyatı yaşayan veteran futbolçularımızdan biri də Kamal Quliyevdir. Odur ki, mövzumuzla bağlı millimizin sabiq üzvü ilə danışdıq. 2002-2004-cü illərdə Ukraynanın “Volın” klubunda çıxış etmiş veteran yarımmüdafiəçi Şeydayevlə Mahmudovun Azərbaycana gəlməklə geriyə addım atdıqlarını düşünür:


Kamal Quliyev

“Bəzən kluba gələn yeni baş məşqçi öz futbolçularını gətirir və əsasən onlardan istifadə edir. Ancaq istənilən halda hər bir futbolçuya özünü göstərmək üçün şans verilir. Eminlə Ramilə də bu şans verilib. Ancaq onların zəif futbolçu olduğunu düşünmürəm. Zəif olsaydılar, xarici klublar onları transfer etməzdi. Məncə, Ramil Şeydayevi “Qarabağ” istəyib gətirib. Emin Mahmudovun “Neftçi”yə gəlişi haqda isə heç nə bilmirəm. Təbii ki, onların hər ikisi geri addım atıb. Əgər böyük futbola qədəm qoymusansa, əlbəttə, geri qayıtmaq olmaz. Mən istərdim ki, Emin “Neftçi”də möhkəmlənmək haqda düşünməsin. O, oyun səviyyəsini artırıb, Avropanın daha güclü klublarında çıxış etməlidir. Qoy, “Boavişta” rəhbərliyi bunu görəndə təəssüflənsin ki, belə futbolçunu əldən buraxdıq. Eminlə Ramilin  klublarında niyə möhkəmlənə bilməməsinin əsl səbəbini dəqiq bilmirəm. Bəlkə də onlar oyun təcrübəsi qazanmaq, milli komandada müntəzəm çıxış etmək üçün daha çox meydana çıxa biləcəkləri komandaları seçiblər. Əgər onlar burda formalarını bərpa edib yenidən Avropa klublarına gedəcəklərsə, burda pis bir şey yoxdur. Əksinə, burda qalacaqlarsa, artıq bu geriyə addımdır.

Bəzi futbolçular ölkə xaricinə gedən kimi ordakı şəraiti görür və oyun yaddan çıxır. Yəni bu cür səbəblər də olur. Futbolçu xarici klubda möhkəmlənə bilmirsə, birinci səhvi özündə axtarmalıdır. Öz oyununu, davranışını təhlil etməlidir. Bunların hamısı şərtdir. Mənim Ukraynaya getməyim Azərbaycanda bir neçə futbolçunun yolunu açdı. Çünki biz orda özümüzü yaxşı tərəfdən göstərirdik”.

Kamal Quliyev futbolçularımızın xairici klublarda möhkəmlənə bilməməsini onların qeyri-peşəkarlığı ilə əlaqələndirir: “İndiki futbolçularımızın əksəriyyətində peşəkarlıq yoxdur. Əgər sən bu yola çıxmısansa, çətinlik də olacaq, darıxmaq da. Yeri gələndə müəyyən şeylərdən imtina etməlisən. Mən Ukraynada oynayanda xeyirdən, şərdən də qalırdım. Hamı da bunu başa düşürdü ki, biz idmançıyıq. Evdə də üzümü çox az görürdülər. Futbolçunun hanısasa mühitə uyğunlaşması ifadəsi mənə çatmır. O, nə deməkdir? Avropanın havası da yaxşıdır, şəraiti də. Biz yazıqlar Ukraynada 4-5 ay qarın içində futbol oynayırdıq. Hər bir işin çətinliyi var. Uğur əldə etmək üçün bunlara dözməlisən. Futbol kişi oyunudur, baş və ayaqla oynanılır. Buna xarakter lazımdır”.

Mövzumuzla bağlı son olaraq Azərbaycanın əməkdar məşqçisi Ağasəlim Mircavadovun da fikirlərini öyrəndik.


Ağasəlim Mircavadov

- Cavan oyunçularda xarakter olmalıdır. Futbloçu qarşısına məqsəd qoymalıdır. Emin və Ramil Rusiyada doğulub, futbolu orada öyrəniblər. Onlar üçün legioner həyatı o qədər də çətin olmamalı idi. Bu futbolçular klublarında şans qazana bilmirdilər. Dəqiq deyə bilmərəm. Bəlkə də çıxış etdikləri klublarda rəqabət böyük idi. 10-15 dəqiqə oynamaqla futbolçu inkişaf edə bilməz.  Məncə, Ramillə Eminin Azərbaycana gəlməkdə məqsədi müntəzəm oynamaq şansı əldə etmək və milli komandada möhkəmlənərək özlərini tanıtmaqdır. Bununla yenidən xarici klublara gedə bilərlər.


Bizim uşaqlar qarşılarına məqsəd qoymurlar. Çünki klublarımızın maliyyə cəhətdən yaxşı vaxtında heç kim Azərbaycanı tərk etmək istəmirdi. İndisə vəziyyət tam fərqlidir. Klublarımız maddi cəhətdən çox çətin vəziyyətdədir. İndi də getmək istəyən futbolçularımızı qəbul etmirlər. Çünki futbolçularımızın uğuru yoxdur. İndi "Qarabağ" Çempionlar Liqasının qrup mərhələsində oynayır. Bu, böyük uğurdur. Bu turnir cavan futbolçularımız üçün böyük bir reklamdır. Yaxşı oynasalar, xarici klublardan dəvət alacaqlar. Burda menecerlərdən də çox şey asılıdır.  Menecersiz xaricə getmək olmaz”.

Ramiq AĞAMƏMMƏDOV

Yazı AFFA yanında Media Komitəsinin maliyyə dəstəyi ilə “İstənilən aktual mövzuda fərdi jurnalist araşdırması” layihəsi çərçivəsində hazırlanıb



9290 dəfə baxılıb   
   Facebook Twitter MySpace Google
 
 

 
ARXİV                       
 
28.03.2018  13:00 “Qurban Qurbanova təkcə Böyükağa Hacıyev söz atmaqdan çəkinmirdi”
23.03.2018  12:15 “Dedim, Böyükağa müəllim, Mourinyo deyilsiniz ki, İtaliyada sizi tanısınlar”
16.03.2018  14:44 Avrokubokların yeni formatı çempionumuza necə təsir edəcək?
08.03.2018  15:10 “Azərbaycanda hələ də futbolçu qızlara qəribə baxırlar”
02.03.2018  13:32 “Qarabağ”ın xanım fanatları: "Kişilərdən daha yaxşı azarkeşlərik”
21.02.2018  13:38 Biz niyə öz futbolumuzu sevmirik?
14.02.2018  13:40 “Transfer işləri ən bərbad vəziyyətdə olan klubumuz “Neftçi”dir”
06.02.2018  18:18 Millətlər Liqasındakı rəqiblərimiz – ikisi tanış, biri yeni
26.12.2017  18:28 Dövlət Proqramı futbolumuza nə verdi?
19.12.2017  12:57 “Getdikcə Banişevskini də yaddan çıxaracağıq...”
13.12.2017  14:16 "Avropada uşaq 5 yaşında qaçmağı bilirsə, biz 10 yaşında necə yeriməyi öyrədirik"
05.12.2017  15:15 Divizionla Premyer Liqa arasındakı uçurum
28.11.2017  12:09 Biz niyə qol vura bilmirik?
20.11.2017  13:32 Bu çempionat hara gedir?
12.11.2017  10:05 Hakim çatışmazlığı, yoxsa qeyri-peşəkarlıq?
07.11.2017  18:23 Bombardirin millimizə qayıdışı
31.10.2017  12:32 “Gürcülər uduzduqlarına inanmırdılar” – millimizin ilk qələbəsi
21.10.2017  14:15 “Futbol+”də münasibətlər dəyərlər üzərində qurulub” – Mahir Rüstəmli
02.10.2017  13:25 “Azərbaycanda 10 ildən sonra da futbol olmayacaq”
14.09.2017  14:48 Bakının dağılan “Bakı”sı – reportaj + fotolar
 
 
  16.08.18
14:29
  Şeydayev Rusiya Premyer Liqası klubuna keçir - rəsmi
13:59
  "Millidən getməyi düşünürdüm, amma.." - Toni Kroos
13:28
  Poqbanın "Barselona" israrı
13:05
  "Arsenal"ın qapıçısı "Napoli"də
12:41
  Rəşad futboldan getməlidirmi? - Mütəxəssislərin rəyi
12:15
  “Qafqazinfo” 8-ci qolu vurdu…
12:14
  Millimiz neçəncidir? - FİFA reytinqi açıqlandı
11:53
  De Brüynenin son durumu - neçə ay oynamayacaq?
11:29
  İstanbulda keçiriləcək UEFA superkubokunun vaxtı açıqlandı
11:11
  Avroliqanın oyunları - Etopaz-da
10:52
  Simeone superkubok zəfərindən danışdı
10:30
  “Qarabağ”ın rəqibi müəyyənləşir – Yenilənir
10:15
  Avropanın ən güclüsü! - Şəkillər
09:48
  "Atletiko" bizi cəzalandırdı" - Lopeteqi
02:35
  Avroliqada pley-offçular bəlli olur - Yenilənir
01:55
  "Real" - "Atletiko" oyununda 6 qol - Video
01:33
  UEFA Superkubokunu "Atletiko" qazandı
01:00
  Dieqo Kostadan tarixi qol
00:01
  Klublarımızın yay transferləri - Yenilənir
  15.08.18
23:00
  "Barselona" "Boka Xuniors"a qalib gəlib kubok qazandı
22:15
  "Real" - "Atletiko": heyətlər
21:39
  O da millidəki karyerasını başa vurdu
20:59
  "Kapitan olmaq böyük şərəfdir" - Lionel Messi
20:18
  "Mançester Siti"də ciddi itki
19:29
  Ronaldo "Yuventus"da növbəti qolunu vurdu
18:48
  Ndlovudan 11-ci qol
18:25
  Orxan Sadıqlı "Sumqayıt"da – rəsmi
18:02
  İnyesta ardıcıl 2-ci oyunda qol vurdu
17:34
  "Qarabağ"ın uğursuzluğunu Rəşadla bağlamaq ədalətsizlik olardı" – Şahin Diniyev
16:50
  Subaşiç Xorvatiya millisindən getdi
16:23
  Kovaçdan "Bavariya"nın futbolçularına telefon qadağası
16:07
  “Mən əyyaş deyiləm” – Aleksandr Əliyev
15:33
  "İnyesta "Barselona"ya qayıdacaq" - Bartomeu
15:00
  "Çelsi"nin futbolçusu "Torino"da
14:45
  "Qarabağ"la oyun daha ağır oldu" – BATE-nin yeni transferi
14:27
  Zidan Mourinyonun yerinə göz dikib
13:58
  Çempionlar Liqasının yeni topu – Şəkil
13:30
  “Zirə” - “Keşlə” oyununun yeri dəyişdirildi
13:18
  "Premyer Liqada 8 komanda çox azdır" – Bahodir Nasimov
12:50
  Kavani qayıdır
12:35
  Messi milli karyerasına fasilə verir
12:10
  "Mançester Yunayted"in təklifini rədd edib
11:45
  "Roma" millinin üzvü ilə yolları ayırdı
11:27
  "Real" - "Atletiko": əmsallar açıqlandı
11:10
  "Fənərbaxça" - "Benfika" - Video
10:55
  "Qarabağ"ın hücumları elə də kəsərli alınmırdı"
10:30
  "Real" - "Atletiko": hansı kanallarda?
10:09
  "Qarabağ"ın azlıqda qalması bizə çox kömək etdi" - BATE-nin futbolçusu
09:42
  Azərbaycanın mövqeyi dəyişdi - UEFA reytinqi
01:46
  Dünya çempionu “Roma”da
01:29
  ÇL-in pley-offunda qarşılaşacaq cütlüklər
01:10
  “Fənərbaxça” “Qalatasaray”a milyonlar qazandırdı
01:02
  "Fənərbaxça", "Seltik" və "Spartak" ÇL-dən kənarda qaldı
00:32
  "Qarabağ" layiqli rəqib idi” - Qleb
00:14
  Qriqorçuk və Almeyda da ÇL-lə vidalaşdı
BÜTÜN XƏBƏRLƏR
© 2008-2018 Qol.Az - Müəllif hüquqları qorunur. Məlumatdan istifadə etdikdə istinad mütləqdir. Yerləşdirilən reklamların mətninə görə redaksiya məsuliyyət daşımır.
  Proqramlaşdırma: Elshad100.
Livescore