İdmançılarımızın tarix yazdığı, komandamızın Braziliyanın Rio şəhərində iki həftə ərzində əvvəldən axıra qədər əsl əzmkarlıq nümunəsi göstərdiyi, finiş xəttini 18 medalla 39-cu pillədə geridə qoyduğu 31-ci Yay Olimpiya Oyunları artıq başa çatıb. Bir neçə gün əvvəl yekunlaşan planetin ən ali idman yarışında idmançılarımız qazandığı nailiyyətlərlə Olimpiada rekordumuzu yenilədilər.
Rioda qazandığımız müvəffəqiyyətlər, boksçularımızın çıxışları və bizi maraqlandıran bəzi suallarla bağlı peşəkar boks üzrə dünya çempionu, “Qəbələ” İdman Klubunun boks bölməsinin rəhbəri, Olimpiadada ölkəmizi təmsil edən nümayəndə heyətimizin üzvlərindən olan Fariz Məmmədovla həmsöhbət olduq. Müsahibimiz suallarımızı səmimi cavablandırdı.
- Fariz müəllim, ilk növbədə sizi qazandığımız uğurlar münasibəti ilə təbrik edirik. İdmançılarımızın Olimpiadada qazandığı nəticələr sizi qane etdimi?
- Çox sağolun, mən də öz növbəmdə sizi və bütün xalqımızı təbrik edirəm. Əlbəttə, birmənalı şəkildə deyə bilərəm ki, çox razı qaldım. Bu cür böyük idman yarışında 18 medal qazanmaq heç də asan deyil. Qazandığımız nəticə təkcə idmançılarımızın yox, bütün xalqımızın qələbəsidir.
- Bir mütəxəssis kimi boksçularımızın çıxışları haqda nə deyə bilərsiniz?
- Təbii ki, ancaq müsbət rəy söyləyə bilərəm. “Qəbələ” idman klubunun yetirmələri Kamran Şahsuvarlı və Lorenso Sotomayor bizi çox sevindirdilər. Fürsətdən istifadə edib hər ikisini bir daha təbrik edirəm. Həm Kamran, həm Sotomayor ikisi də gənc idmançıdırlar. Onların hər birinə gələcəkdə daha böyük uğurlar arzulayıram, hər ikisi Olimpiya çempionu olmağa qadirdirlər və inanıram ki, buna nail olacaqlar. 
- İdmançılarımızın hakim haqsızlığı ilə üzləşdiyi məqamlar oldumu?
- Bəli, bir neçə dəfə oldu. Adətən böyük yarışlarda hakim haqsızlıqları olur. Amma bəlkə də həmin haqsızlıqlar bizim səhv qiymətləndirdiyimiz epizodlardır. Hər halda bunu böyütməyə ehtiyac yoxdur. Əsas odur ki, nəticələr əla oldu.
- Yəqin ki, ispan dilindən tərcümədə mənası “yanvar çayı” olan Rio şəhərində ilk dəfə olurdunuz.
- Bəli, indiyə kimi bir çox ölkələrdə olmuşam, amma Braziliyaya ilk dəfə idi ki, gedirdim. Rio çox gözəl və maraqlı şəhərdir. İki həftə ərzində bacardığım qədər şəhəri gəzməyə çalışdım. Təəssüratlarım əla oldu.
- Bəs, Rioda hansısa maraqlı hadisə ilə qarşılaşdınızmı? Bizimlə bölüşmək istədiyiniz bir xatirəniz oldumu?
- Əminəm ki, oldu. İlk dəfə tanımadığın bir şəhərə gedib, iki həftə qalıb, oradan xoş xatirəsiz ayrılmaq mümkün deyil (gülür). Amma həmin vaxtlarda bütün diqqətimizi idmançılarımızın çıxışlarına yönəltdiyimizə görə belə şeylərə elə də fikir vermirdim. Digər bir tərəfdən isə ən böyük xatirəmiz şübhəsiz ki, qazandığımız 18 medal oldu.
- Bir qədər də rəhbəri olduğunuz “Qəbələ” boks bölməsi haqda danışaq...
- “Qəbələ” boks bölməsinin əsası 2013-cü ildə qoyulub və həmin vaxtdan etibarən bu bölməyə mən rəhbərlik edirəm. Üç ildir ki, klubumuzun yetirmələri müxtəlif beynəlxalq turnirlərdə yer tutmaqla bizi sevindirirlər. Artıq yüzlərlə yeniyetmə və gənc Avropa rinqlərində “Qəbələ”ni layiqincə təmsil edir. Bu, çox sevindiricidir. Elə bayaq da qeyd etdiyim kimi Olimpiya Oyunlarında mükafatçı olan hər iki boksçu - Kamran Şahsuvarlı və Lorenso Sotomayor bizim klubu təmsil edir. Onların qazandığı nailiyyətlər şəxsən mənim üçün iki qat qürurvericidir. Bunun üçün isə ilk növbədə federasiyamızın prezidenti Kəmaləddin Heydərova təşəkkür etməliyik. 
- Gələcək planlarınız haqqında da oxucularımıza məlumat verərdiniz.
- Əlbəttə, idman elə bir sahədir ki, burada həmişə çalışmaq lazımdı. Yaxın gələcəkdə yarışlar olmasa belə müntəzəm olaraq məşq prosesini davam etdirmək vacibdir. Ən böyük məqsədimiz gələn il ölkəmizin ev sahibliyi edəcəyi IV İslam Həmrəyliyi Oyunlarında Azərbaycanı layiqincə təmsil etməkdir.
- Sonda nəyi qeyd etmək istərdiniz?
- Nəzərinizə çatdırım ki, “Qəbələ” idmançıları təkcə boksda yox bütün idman növlərində layiqli şəkildə mübarizə aparır, əzmkarlıqla qələbə uğrunda çalışır. Eləcə də futbolda. “Qəbələ” futbol komandasnın qazandığı uğur münasibəti ilə bütün azarkeşləri təbrik edirəm. Bu uğurlara görə klub rəhbəri Tale Heydərova təşəkkür etməliyik. Və son olaraq idman jurnalistlərimizə dərin minnətdarlığımı bildirirəm ki, bizim qələbələrimizi, uğurlarımızı işıqlandıraraq xalqımıza çatdırırlar.
Kənan NOVRUZOV
Həm oyun nəticələri, həm maliyyə göstəriciləri pisləşir
Həftənin hakimləri açıqlandı
Xankəndidə vurulan qollar - Video
“Messiyə belə yox deyərdim”
38 ildən sonra doğma stadionuna qayıtdı
Bu gün Xankəndidə yaşananlar - Şəkillər
“Real”ın ən yaxşısı seçildi
Veteran futbolçu Xankəndi ilə bağlı xatirələrini bölüşdü
“Bu stadionda çox qollar vurmuşam” - Samir Ələkbərov
“Gələn mövsüm çempionluq üçün mübarizə aparacağıq” - Nəcəfov
Tarixi oyunda topa ilk toxunuşu şəhid övladı etdi - Şəkil
“Xankəndi” doğma stadionda ilk oyununa çıxdı
“Real” Tçuameni ilə müqaviləni uzatdı
Azərbaycan millisinin heyəti açıqlandı
Hakimə daş atan futbolçu 8 il futboldan uzaqlaşdırıldı
Kompani səhhətindəki problemlərdən sonra ilk dəfə danışdı
“Real”ın sabiq futbolçusu karyerasını başa vurdu
“Millimizə sürətli vingerlər lazımdır” – Mircavadov
"Sabah”ın futbolçusu məyusluğunu gizlətmədi
Millimizin üzvləri məktəblilərlə görüşdü - Şəkillər
PSJ-dən Markinyos qərarı
İnfantino gizli danışıqlar aparıb
Avropa Klublar İttifaqı UEFA-dan şikayət etdi
Kvaratsxeliya 2026-cı ilin adamı seçildi
"Real" pankarta görə cərimələndi
İtaliya klubu itlə müqavilə bağladı - Şəkil
Kloppun keçmiş köməkçisi baş məşqçi oldu
Avropa çempionatı: Daha 4 boksçumuz 1/4 finalda
Arda Güler “Real”la yeni müqaviləsindən danışdı
Cəzalı olsa da, millinin toplanışını yarımçıq qoymadı
İlin ən yaxşı klubuna namizədlər bilindi
Bellinqemin “Real”dan tələbləri var
Qvardiolanı ABŞ millisinə dəvət etdi
“Qarabağ” Qazaxıstan klubu ilə qarşılaşdı
Premyer Liqada hakimlər 6 səhv qərar verdi
“Arsenal” onların müqaviləsini yeniləyir
“Mançester Yunayted” FİFA-ya şikayət etməyə hazırlaşır
Kompani yenidən iş başında
“Qalatasaray” azarkeşlərə təzminat ödəyə bilər
DÇ-2030-da məcburi su fasilələri olacaq?
2-ci liqada 11 oyunun saatı açıqlandı
Azərbaycan cüdoçularının DÇ-dəki ilk rəqibləri məlum oldu
Azərbaycan millisi FİFA reytinqində 3 pillə irəlilədi
Onana "Aston Villa"da qalacaq