"Qəbələ"nin kapitanı Rəşad Sadiqovun müsahibəsi
- Cəzalı olduğundan, komandana "Neftçi" ilə yarımfinal mərhələsinin cavab matçında kömək edə bilməyəcəksən. Səncə, "Qəbələ"yə kapitansız nə dərəcədə çətin olacaq? Ümumiyyətlə, finala çıxma şansınızı necə dəyərləndirərdin?
- Hər iki komandanın finala çıxma şansı var. Səfərdən yaxşı nəticə - 1:1 hesablı bərabərliklə qayıtmışıq. Qalib gələ də bilərdik, ancaq alınmadı. Oyunda iştirak etməməyim, ilk növbədə, özümə çətin olacaq. Kənardan matçı izləmək doğrudan da çox pis, acınacaqlıdır. Adam çox həyəcanlı olur, oyunda olanda isə rahat olursan. Futbolçularla söhbətim olub. Çalışacaqlar ki, yerim oyunda bilinməsin. Meydanda yoxuğumunun hiss olunmaması və komandamızın finala çıxması üçün əllərindən gələni edəcəklər.
- "Neftçi" ilə 1 həftədə ardıcıl 3-cü oyunu keçirmək komandaya necə təsir göstərə bilər?
- "Neftçi" Qəbələdəki çempionat matçında 2-3 əsas futbolçusunu ehtiyatda saxlasa da, pis oynamadı. Bu komanda da finala layiqdir. Evdə oynadığımızdan, nəyin bahasına olursa-olsun, qələbə qazanmağa çalışmalıyıq. Bir həftədə eyni komanda ilə 3 dəfə oynamaq doğrudan da çox çətindir. Ancaq hər iki komandaya çətin olmalıdır. "Neftçi" də bizimlə 3 dəfə görüşəcəyindən, bunu heç bir tərəf üçün bəhanə gətirmək olmaz. Qələbə qazanmağa çalışacağıq ki, gülən, sevinən tərəf biz olaq. Cari mövsümü titulsuz başa vurmaq istəmirik.
- AFFA İntizam Komitəsi "Neftçi" ilə kubok oyununuzu müzakirə edərək baş hakim Əliyar Ağayevin iki qərarını ləğv etdi. Bunlardan biri komanda yoldaşın Aleksey Qaya göstərilən sarı vərəqənin ləğvidir. Sən özünə göstərilən ikinci sarı vərəqənin ləğvini gözləyirdin?
- Çox istərdim ki, mənim də vərəqəm, ikinci "sarım" ləğv olunsun və komandama kömək edim. Ancaq buna baxmayaraq, heç nə edə bilmərəm. Yəqin ki, həmin epizoda baxıblar, sarı vərəqəni ləğv etməyiblər.
- O fikirdə qalırsan ki, sənə ikinci "sarı"nı verməmək olardı?
- Ola bilərdi ki, verməsin. Bu, hakimin özü ilə bağlı qərardır. Sarı vərəqə verə də bilərdi, verməyə də. Yəni 50-nin 50-yə. Mən də çox etiraz etməyərək meydandan çıxdım.
- Hər halda, baş hakimin aşkar səhvləri sübuta yetirildi və komandanıza haqsızlıq olduğu təsdiqləndi...
- Biz daha çox verilməyən penaltiyə görə əsəbiləşmişdik. Ona görə bir az sinirlərimiz yerində deyildi. Qırmızı vərəqəm ləğv olunsaydı, bu, həm özüm, həm də komandamız üçün çox xoş olardı. "Qəbələ"yə cavab matçında da kömək etmək üçün əlimdən gələni edəcəkdim. Ancaq alınmadı. Komandaya minnətdar olacağam ki, yerimi bildirməsin və qələbə qazanaraq finala adlayaq.
- "Qəbələ"də ilk qolunu elə kubok qarşılaşmasında vursan da, çempionatda yalnız ötən tur fərqlənə bildin. Rəşad Sadiqov 15 aylıq suqluğununu bəxtsizliklə əlaqələndirərdi, yoxsa?
- Doğrudan da "Qəbələ"də ilk qolumu uzun müddət gözləməli oldum. Vaxt getdikcə insan da əsəbi, stressdə olur. Öz-özünə hirslənir ki, qol vura bilmirsən, qol olmur, nə qədər belə olar. Karyeramda belə uzun müddətlik qolsuzluq olmamışdı. Sonuncu qolumu "Neftçi"də AZAL-a 1:2 hesabı ilə uduzduğumuz oyunda vurduğum yadımdadır. Açığı, "Qəbələ"də qol vurmaq üçün həddən artıq imkanlarım olmuşdu. Avrokuboklarda da, Tiflis "Dinamo"su ilə Qəbələdəki oyunda da belə fürsətim oldu. Ya dirəyə dəyirdi, ya qapıçılar qaytarırdı, ya da futbolçular topu boş qapıdan çıxardırdılar. Mənə elə gəlir ki, bu, bəxtsizliklə əlaqədardır. İnanıram ki, tilsim qırılar, qollarımı sıralamaqla komandama xeyir verərəm.
Mənbə: sportnet.az
Avro-2024 üçün heyəti açıqladılar
"Çelsi" Poçettino ilə yolları ayırdı
2-ci liqanın bombardiri təltif edildi
AFFA-nın danışıq apardığı mütəxəssis Almaniya klubunda
Ramos və Ronaldodan Kroosun qərarına reaksiya
Dibala Amerika kubokuna aparılmır
Sterlinq Avro-2024-dən kənarda qalacaq
2-ci liqada mövsümə yekun vuruldu
Minifutbol üzrə dünya çempionatı Bakıda keçiriləcək
Avro-2024: İngiltərə millisinin də heyəti açıqlandı
Portuqaliya millisinin Avro-2024 üçün heyəti - Ronaldo...
"Bavariya" Kompani ilə danışıqlara başladı
Kroos karyerasını başa vurur - Rəsmi
Daha bir komandanın Avro-2024 üçün heyəti açıqlandı
Avro-2024-ün bombardirinə bu mükafat veriləcək - Şəkillər
Azərbaycan millisinin oyunlarına hakim təyinatları açıqlandı
Benzema qərarını verdi
Bir oyunda 56 penalti vuruldu
Bu gün 9 güləşçimiz Avropa çempionatında mübarizə aparacaq
Klopp vida gecəsində rəqs etdi - Video
"Barselona" Xavini niyə istefaya göndərmək istəyir?
Mbappe vida yeməyi təşkil etdi - Makron da getdi
"Bavariya" Tuhelə nə qədər təzminat ödəyəcək?
"Dinamo" 3 xalı 5 qolla qazandı - Video
Rəşad Nəbiyev Hidayət Heydərovu təbrik edib
Musasız “Yurqorden”dən növbəti qələbə
“Yuventus”dan geridönüş
"Cəbrayıl" "Füzuli"ni belə məğlub etdi - Video
Azərbaycan millisi Sloveniyaya yollanıb
Rahil Məmmədov 90 dəqiqə oynadı
Cəlal Hüseynovun komandasından heç-heçə
Azərbaycan millisinin üzvü: "Hədəfimiz böyükdür"
Hidayət belə dünya çempionu oldu - Video
"Liverpul"un yeni baş məşqçisi rəsmiləşdi
Hidayət Heydərov dünya çempionu oldu - Yenilənib
Əvəzedicilər Liqasında çempion oldular
Qusar" - "Lerik" oyununda 6 qol - Video
Azərbaycan liqalarında pley-off oyunlarının vaxtı bilindi
Bundesliqada mövsümün ən yaxşısı müəyyənləşdi