16.11.18
Avropa Liqasının qrup mərhələsinin 5-ci turunda səfərdə PAOK-la 0:0 bərabərə qalan "Qəbələ"nin futbolçusu Aleksey Qay jurnalistlərin suallarını cavablandırıb.
Qol.Az-ın Yunanıstana ezam olunmuş əməkdaşının verdiyi xəbərə görə, ukraynalı futbolçu qrupdan çıxmaq şanslarını itirmələrinə baxmayaraq, "Krasnodar"la oyuna da qələbə üçün çıxacaqlarını bildirib:
- Bakıda olduğu kimi səfərdə də PAOK-a uduzmadınız. Oyun haqda nə deyə bilərsən?
- Komandanın əsas strategiyası Avropa Liqasında daha da irəliləmək idi. Bu mənada nəticədən razı qala bilmərik. Ancaq oyuna gəlincə nəticəni aktivimizə yazmaq olar.
- Havanın yağışlı və bir qədər küləkli olması oyununuza nə dərəcədə təsir etdi?
- Yaxşı hava var idi. Ən azından isti deyildi. Qazonun yaş olması da sürəti artırmışdı. Ona görə də hava ilə bağlı problem olmadığını düşünürəm.
- PAOK-la oyunda qalib gəlmək şansınız var idi. Səncə, qələbəyə nə mane oldu?
- Bu futboldur. Bəzən oyun qolsuz da başa çata bilər. Düzdür, qalib də gələ bilərdik. Ancaq ələ düşən qol imkanlarından yararlana bilmədik.
- Qrupun son matçı komanda üçün formal xarakter daşıyacaq. "Krasnodar"la oyuna hansı əhval-ruhiyyədə hazırlaşacaqsınız?
- Qrupdan çıxmaq şansımız qalmasa da, optimistik. Düzdür, "Krasnodar"la görüşdə əldə edəcəyimiz 3 xal heç nəyi dəyişməyəcək. Amma Avropa Liqasında qələbə qazanmaq istəyirik.
- "Qəbələ" bir neçə gün sonra Azərbaycan Premyer Liqasında "Rəvan"la vacib oyuna çıxacaq. Necə düşünürsən, komanda qısa müddət ərzində fiziki cəhətdən bərpa oluna biləcək?
- Aydın məsələdir ki, PAOK-la oyundan sonra komandada müəyyən yorğunluq var. Ancaq biz tezliklə "Rəvan"la oyuna hazırlaşmalıyıq və yalnız qələbəyə oynamalıyıq.
İlham Əliyev: "Dünya çempionatının Özbəkistan və Azərbaycanda təşkili ortaq tarixi nailiyyətdir"
MEDİA müsabiqə elan etdi
"Bizim vəzifəmiz hər oyunda qalib gəlməkdir"
Çempionlar Liqasında yeni rekord müəyyənləşdirdi
Əfsanəvi futbolçunun oğlu Azərbaycan millisinə 3 qol vurdu
Emin Mahmudov da millinin oyununu buraxa bilər
Ayxan Abbasov: “İslandiya daha çox təzyiq altındadır”
Millimiz seçmə mərhələyə ağır məğlubiyyətlə başladı
Zirkze “Mançester Yunayted”dən ayrıla bilər
"Qarabağ"ın rəqibinin yarımmüdafiəçisi zədələndi
