16.11.18
"Əlbəttə, stadionun ot örtüyü ilə bağlı bizdə bir qədər narahatçılıq var. Lakin Bakıya gedib, qazonun necə olduğunu yoxlayacağıq. Bir qədər əvvəl telefonla danışdım və mənə ot örtüyünün yaxşı vəziyyətdə olmadığını dedilər. Bununla belə, oyunun baş tutmayacağını düşünmürəm".
Qol.Az-ın məlumatına görə, bu sözləri "Seltik"in məşqçisi Con Kollins Bakıya yola düşməzdən əvvəl Qlazqo hava limanında Britaniya mətbuatına açıqlamasında deyib.
Çempionlar Liqasının III təsnifat mərhələsində "Qarabağ"la matçın keçiriləcəyi Tofiq Bəhramov adına Respublika stadionunun ot örtüyü ilə bağlı yaranmış problemə münasibət bildirən Kollins qazonun yaxşı vəziyyətdə olmamasının hər iki komandanın oyununa təsir edəcəyini vurğulayıb: "Bakıda havanın hərarəti olduqca yüksəkdir. Əgər qazonda hər hansı problem varsa, yəqin ki, ot örtüyünün görünüşü də yaxşı deyil. Təbii ki, biz yüksək standartlara malik ot örtüklü meydanda oynayacağımızı gözləyirik. Lakin əgər bu baş verməsə, o zaman oyunumuza köklənməliyik.
Stadionun qazonunda kələ-kötür yerlər varsa, oyun zamanı uzun ötürmələrdən istifadə etməli və topu meydanın özümüzə aid hissəsində saxlamamalıyıq. Təbii ki, bəhs etdiyim şeylər futbol üçün ideal deyil. Ancaq biz hər vəziyyətə uyğunlaşmalıyıq. Çünki hər iki komanda eyni şərtlər altında çıxış edəcək. Bilirik ki, "Qarabağ" da bizim kimi yerdən oynamağı sevən komandadır. Ona görə də meydanın durumu hər iki komandanın oyununa təsir edəcək".
Qeyd edək ki, sabah keçiriləcək "Qarabağ" - "Seltik" oyunu saat 21:30-da başlayacaq. Bu komandalar arasında keçirilən ilk görüşdə 1:0 hesabı ilə Şotlandiya təmsilçisi qalib gəlib.
"Sevilya"dan getdi
Klub ÇL-yə vəsiqə qazansa da, baş məşqçini göndərdi
Kolumbiya millisinin DÇ-2026 üçün yekun heyəti
"Tottenhem" onu hədəfə aldı
Cəlal oynadı, komandası qalib gəldi
PSJ azarkeşlərinə çempionluq paradına icazə verilməyəcək
"Şamaxı" müdafiəçisi ilə yollarını ayırdı
Millinin təxirə salınan matçının yeri və vaxtı bilindi
“Milan” Alleqrini istefaya göndərir
Bütün Tovuzun gözlədiyi xəbər - UEFA nümayəndəsi nə dedi?
Kanada millisi DÇ-2026-ya bu heyətlə yollanır
"Real"a keçə bilər
Messi zədələnib?
Aşağı liqaya düşən klub baş məşqçisini göndərir
Yeni klubu Toralı belə təqdim etdi - Video
Toral Bayramov Türkiyə klubuna keçdi - Rəsmi
“Dünya çempionu olmaqla rəqiblərimizi qıcıqlandırmışıq”
Azərbaycan millisi Avropa çempionatına bu heyətlə yollanır
Vəli Qafarov: “Bütün rəqiblərdən təhlükə gözləyirik”
