15:50
"Qarabağ"ın müdafiəçisi Maksim Medvedyev Azərbaycan Premyer Liqasının 35-ci turunda Bakı "İnter"i ilə oyundan (1:2) sonra Qol.Az saytına müsahibə verib.
- Son oyunda niyə uduzdunuz?
- Turnir cədvəlinin liderlərinin mübarizəsi idi. Çempionluq üçün heç bir əhəmiyyəti olmasa da, matç maraqlı keçdi. Məğlub olduq, ancaq vaxtında lazım olan xalları toplayıb çempionluğu təmin etmişdik. “İnter” mübariz komandadır. Son turlarda demək olar ki, aramızdakı xal fərqini azalda bildilər. Onlara ancaq uğurlar arzulaya bilərəm.
- Necə düşünürsən, “İnter” bundan öncəki tur səfərdə “Qəbələ”ni məğlub etsəydi, bu matçın nəticəsi belə ola bilərdi?
- Əgər “İnter”lə oyun çempionluğun taleyini həll edəcək olsaydı, meydanda "qırğın" olacaqdı. Amma hər şey öncədən həll olunduğundan bir az ehtiyatlı davrandıq. Çünki qarşıda vacib oyunumuz var və istəmirdik hansısa birimiz zədələnək. “İnter”lə oyun bizim üçün kubokun finalına hazırlıq idi. Bununla belə, meydandan qələbə ilə ayrılmaq istəyirdik.
- Səncə, çempionluqla yanaşı Azərbaycan kubokuna da sahib ola biləcəksiniz?
- Onu deyə bilərəm ki, əlimizdən gələni edəcəyik. Düzdür, şanslar bərabərdir. Final matçı neytral meydanda keçiriləcəyi üçün hər iki komandaya çətin olacaq. Həm “Neftçi”nin, həm də bizim uyğunlaşmadığımız bir stadionda oynayacağıq. Hamını maraqlı oyun gözləyir.
- “İnter”in heyətində son oyunlarını keçirən "Qarabağ"ən yeni futbolçuları Elvin Məmmədov və Coşqun Diniyev haqqında nə deyə bilərsən?
- İnanıram ki, onların komandamıza faydası olacaq. Hər ikisi yaxşı futbolçulardır. Öz üzərlərində bir az da işləsələr, daha yaxşı olacaqlar. “Qarabağ”da əsas heyət söhbəti yoxdur ki, onlar üçün heyətə düşmək çətin olsun. Kim hazırdırsa, o da çıxıb mübarizə aparır. Buna baxmayaraq, rəqabət lazımdır. İnanıram ki, bu gündən sonra daha yaxşı olacaq. Çünki biz Çempionlar Liqasında mübarizə aparacağıq. Futbolçularımız yaxşı formada olmalıdır.
- Bu dəfə azarkeşlər “Qarabağ”ı Çempionlar Liqasının qrupunda görə bilər?
- Keçən il əlimizdən gələni etsək də, “Zalsburq” səddini keçə bilmədik. Bu il də çalışacağıq ki, Çempionlar Liqasının qrupa düşək.
- Sonda bilmək istərdik ki, bu çempionluğu kimə həsr edirsən?
- Bizim matçları izləməyə fiziki qüsuru olan azarkeşlər gəlirdilər. Bu çempionluğu onlara və bütün azarkeşlərimizə həsr edirəm.
Ergün SEYİD
“İmişli”də yeni qapıçı
"Fənərbaxça" yeni transferini açıqladı
"Atalanta" onu "Nyukasl"a buraxmır
Patrik Vieyra onun transferinin qarşısını aldı
"Mançester Yunayted"in yeni hədəfi bilindi
"Şamaxı"dan legioner transferi - Rəsmi
Yalnız "Tottenhem"i istəyir
"Arsenal" Gyökereşin transferinə yaxınlaşır
"Qarabağ" və "Zirə"dən daha çox transfer gözləntiləri var"
"Portu"nun yeni baş məşqçisi açıqlandı
Subimendi "Arsenal"da - Rəsmi
Musiala bu gün əməliyyat ediləcək
"Liverpul"un mövsümöncəsi məşqi təxirə salınıb
“Real” 23 illik rekordu yenilədi
Messi yenə rəqibi bir-birinə qatdı - Video
"Bavariya"da 756-cı - sonuncu oyun
Ayağı qırılan Musiala neçə ay oynamayacaq?
"Araz-Naxçıvan"ın rəqibi "Anderlext"lə qarşılaşdı
PSJ "Bavariya"ya belə qalib gəldi - Video
“Qalatasaray”a transferi gərçəkləşmək üzrədir
PSJ və "Real" yarımfinalda
Azərbaycan güləşçisi Avropa çempionu oldu
"Barselona"dan ayrılır
Musialanın PSJ ilə oyunda ayağı qırıldı - Şəkil
