16.11.18
AFFA İcraiyyə Komitəsinin üzvü, Məşqçilər Komitəsinin sədri Vaqif Sadıqov “Kəpəz”in Premyer Liqaya qayıdışına münasibət bildirib.
Qol.Az-ın məlumatına görə, o, Futbolxeber.az saytına verdiyi açıqlamada Gəncə klubunun Premyer Liqaya qayıtmasının futbolumuzun inkişafına təkan verəcəyini vurğulayıb:
“Kəpəz”in Premyer Liqaya qayıdışına ancaq sevinmək olar. Bu, təqdirəlayiq haldı. Bölgələrdə futbol mütləq olmalıdır. “Kəpəz”in Premyer Liqaya qayıtması futbolumuzun inkişafına təkan verəcək. Ölkənin ikinci şəhəri futbolsuz qala bilməz. Əminəm ki, biz Gəncə futbolunu əvvəlki səviyyəsinə qaytara biləcəyik. Bir neçə il əvvəl “Kəpəz” ölkə futbolunda sözünü deyən komandalardan biri idi. Dəfələrlə ölkə çempionu olan, kuboku qazanan komandanın üzvləri millidə də aparıcı mövqe tuturdular. AFFA-nın bu təşəbbüsünü müsbət qarşılayıram. Bu, ilk addımdı. Əminəm ki, bunun davamı da gələcək. AFFA rəhbərliyi də bölgələrdə futbolun inkişaf etməsini çox istəyir. Bu gün böyük futbol Gəncəyə qayıdır. Zaman keçdikcə digər şəhər və rayonlarda da eyni hala rast gələcəyik”.
Xatırladaq ki, ötən gün AFFA Lisenziyalaşdırma Komissiyasının iclası keçirilib. Toplantıda “Kəpəz”ə növbəti mövsüm Premyer Liqada çıxış etmək üçün lisenziya verilib.
3 aydır qol vura bilməyən futbolçu azarkeşlə dalaşdı - Video
Bu stadion hərraca çıxarılır
Avropada uduzmayan yeganə komanda oldular
Paris klubu üçün antirekord
La Liqada yeni ofsayd sistemi tətbiq olunacaq
Sabirin het-triki, “Qaradağ Lökbatan”ın qələbəsi - Video
Çempionat matçı ləğv edildi
"Atletiko"nun futbolçuları zədələndi
Rumıniya millisinin yeni baş məşqçisi bəlli oldu
