07.04.26
“Simurq”un müdafiəçisi Ruslan Poladov bu gün AZAL-a qarşı keçiriləcək Azərbaycan kubokunun 1/8 final oyunu ilə bağlı Qol.Az saytının suallarını cavablandırıb
- AZAL-la oyunda mərhələ adlamaq şanslarınızı necə qiymətləndirirsən?
- Şanslar bərabərdir. Biz səfərdə oynadığımız üçün çətin bir matç olacağını düşünürəm. Bu mərhələ bir oyundan ibarət olduğundan hər iki komanda ehtiyatlı davranacaq. Hansısa bir səhv bizi kubok yarışından kənar qoya bilər. Buna görə də istənilən mübarizəyə hazır olmalıyıq.
- Hazırda çempionatın liderisiniz. Demək olar ki, ilk “altılığ”a vəsiqə qazanmağa yaxınsınız. Bəs, klub rəhbərliyi hansını daha önəmli hesab edir: kuboku qazanmağı, yoxsa çempionatda yüksək yeri tutub Avroliqaya getməyi?
- Avroliqaya ən yaxın yol kuboku qazanmaqdan keçir. Düzdü, çempionatda hazırda işlərimiz yaxşı gedir. Lakin qarşıda hələ bizi çox çətin mübarizə gözləyir. Buna görə də nəyəsə qabaqcadan əmin olmaq olmaz. Məhz bu üzdən hər iki yarışmada var gücümüzlə mübarizə aparmağı düşünürük.
- Bir müdafiəçi kimi AZAL-ın hücum xəttindən ehtiyat edirsən? Çünki bu mövqedə çıxış edən futbolçular demək olar ki, bütün rəqiblərin qapsına yol tapıblar.
- Rəqibin əks-hücumları çox təhlükəli olur. Demək olar ki, bir çox halda məhz belə vəziyyətdən qol vurublar. Bəli, onların hücum mövqeyində səviyyəli legionerlər çıxış edirlər. İstər-istəməz ehtiyat edirsən. Çalışacağıq ki, onların əks-hücumları zamanı müdafiəmizdə az boşluq buraxaq.
- Baş məşqçinizlə birlikdə rəqibinizi yaxşı analiz edə bilmisiniz?
- Bəli. Onların zəif və güclü nöqtələrini müəyyənləşdirmişik. Çalışacağıq ki, zəif mövqelərindən yararlanıb, güclü tərəflərindən müdafiə olunaq. Demək olar ki, onların boş zonalarını yaxşı öyrənmişik.
- Necə düşünürsən, hər iki cəbhədə mübarizə aparmaq sizin üçün çətin olmayacaq?
- İddial komanda bütün çətinliklərin öhdəsindən gəlməlidir. Çempionatda bir neçə oyun qalıb. Kubok yarışında mərhələ adlaya bilsək, gələn il üçün komandamız daha da güclənəcək. Bundan sonra yəqin ki, klub rəhbərliyi transferlər həyata keçirərək komandanı daha da gücləndirəcək. İstənilən komandada hansısa mövqedə çatışmayan cəhətlər var. Bunları aradan qaldırmağa çalışacaqlar. Belə olan halda hər iki yarışda mübarizə aparmağımız nisbətən yüngülləşəcək.
Əli HƏYATİ
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
