28.10.25
Sabah Avropa Liqasının qrup mərhələsinin III turu çərçivəsində Kazanda “Rubin”lə üz-üzə gələcək “Neftçi”nin özbəkistanlı hücumçusu Bahadır Nasimov Qol.Az-a müsahibə verib.
- Başlayaq zədəndən. Vəziyyət necədir?
- Artıq hər şey normaldı. İkinci dəfə Almaniyaya getdim, həkim baxdı, müayinə elədi və artıq qaçmağa, topla yüngül işləməyə icazə verir. Hardasa 2-3 həftədən sonra komandayla birgə məşq edə biləcəyəm.
- Bəs tam olaraq, nə vaxt yaşıl meydanlara dönəcəksən?
- Bunu deyə bilərəm. Çünki həkimlər qərar verəcək.
- Sənin üçün 2012-ci ilin bitdiyini demək olar?
- (gülür) Bilmirəm. Baxaq görək necə olacaq. Hər şey bərpa prosesinin gedişindən asılı olacaq. Mən də çox istəyirəm ki, Avropa Liqasında oynayım. Ola bilsin, “İnter”lə son görüşdə iştirak etdim. Bəlkə də bu, tez baş verə bilər. Yenə deyirəm, bilmirəm necə olacaq. Artıq dörd aydır futbol oynamıram. Bu qədər müddət futbolsuz qaldıqdan sonra yenidən yaşıl meydanlara qayıtmaq çox çətindir.
- Futbolsuz həyat necədir?
- Çox pisdir. Xüsusən də, kənardan komanda yoldaşlarının məşqlərini və oyunlarını izləmək. Ancaq neyləmək olar, qismət belədir.
- Yəqin ki, Avropa Liqasının qrup oyunlarında oynaya bilmədiyin üçün çox təəssüflənirsən. Xüsusən də “İnter” kimi komandaya qarşı...
- Əlbəttə. Komanda tarixi ərzində ən böyük uğura imza atdı. Mən özüm də indiyə kimi Avropa Liqasının qrupunda oynamadığım üçün bunu çox istəyirdim. Ancaq yenə deyirəm, qismət. Əgər bilsəydim ki, hər şey bu cür olacaq, o zaman çempionatın hansısa oyunlarında oynamazdım və bu zədəni də almazdım (gülür). Ancaq bunu bilmək olmur.
- “Rubin”lə oyundan nə gözləyirsən?
- Hamı bilir ki, “Rubin” çox güclü komandadır, ard-arda iki il Çempionlar Liqasının qrupunda oynadılar, bu il Avropa Liqasının qrupunda çıxış dirlər. Ancaq bu futboldu, bütün rəqiblərə qarşı oynamaq olar. Əgər uşaqlar doxsan dəqiqə əzmlə, ürəklə, bütün gücləri ilə mübarizə aparsalar, qalib də gəlmək olar.
- Mahir Şükürov bildirib ki, hazırkı “Rubin” daha güclüdür, nəinki əvvəlki...
- Xeyr, əksinə, düşünürəm ki, əvvəlki komanda daha güclü idi. Çünki həmin vaxt komandada Semak, Dominges, Buxarov kimi futbolçular oynayırdı. Onda iki il ardıcıl olaraq Çempionlar Liqasının qrupunda oynadılar. Amma indi Rusiya çempionatında səkkizinci yerdə gedirlər. Buna baxmayaraq, istənilən halda “Rubin” güclü komandadır, başında Qurban Berdiyev kimi məşqçi dayanıb.
- Səncə, Kazandakı matçdan üç xal götürmək mümkündür?
- Əlbəttə. Əsas olan meydançada can qoymaq və baş məşqçinin bütün tapşırıqlarını yerinə yetirməkdir.
- Bir vaxtlar “Rubin”də oynadığından rusiyalı jurnalistlər səni tanıyırlar. Hələ ki, zəng edən, müsahibə götürmək istəyən yoxdur?
- Yox, hələ ki, belə bir şey olmayıb.
Anar XANLAROV, Kazan
Mbappedən penalti qərarı - Hamısını özü vuracaq
“Mançester Yunayted” bu mövsüm Premyer Liqanı qazanmayacaq"
"Xankəndi"nin qələbəsindən - Video
Haaland özünü Messi və Ronaldo ilə müqayisə etmədi
İslam Oyunlarında iştirak edəcək güləşçilər müəyyənləşdi
“Qalatasaray” "Ayaks"la matça itki ilə çıxacaq
“Tofiq Bəhramov”da güclü yağış altında məşq - Video
Azərbaycan futzal millisi İslamiadaya qələbə ilə start verdi
“Beşli müdafiə ilə oynamağı xoşlamıram”
“İnter”lə oyun özümüzü göstərmək üçün böyük şansdır”
Qurban Qurbanov "Çelsi" ilə oyun haqda
Dibalanın durumu açıqlandı
Voleybol millimiz İslamiadaya qələbə ilə başladı
2-ci liqa: Biri het-trik etdi, digəri dubl
Ronaldo, Messi, Ramos...
Finlandiya çempionu oldular
Stefano Pioli istefaya göndərildi - Rəsmi
2-ci liqada “Ayın qolu”nun qalibi mükafatlandırıldı
Ağayevin birnömrəli klub yarışında altıncı oyunu
Azərbaycan derbisinə doğru
"Çelsi"nin futbolçusu cəzalandırıldı
