19.12.25
Sabah Avropa Liqasının qrup mərhələsinin III turu çərçivəsində Kazanda “Rubin”lə üz-üzə gələcək “Neftçi”nin serbiyalı qapıçısı Saşa Stamenkoviç Qol.Az-a müsahibə verib.
- Düşərgənizdə oyun öncəsi əhval-ruhiyyə necədir?
- Azərbaycan çempionatının son turunda qələbə qazandığmızdan (“Kəpəz” 4:0) əhval-ruhiyyəmiz çox yüksəkdir. Bu cür oyun öncəsi belə qələbə komandaya əlavə motivasiya verir. Ümid edirik ki, Kazan səfərindən uğurlu nəticə ilə dönəcəyik. Rəqib çox güclüdür, kifayət qədər Avropa təcrübələri var, bunu öz oyunları ilə sübut ediblər. Ancaq biz də çalışacağıq ki, ən azı uduzmayaq.
- Matçın favoriti kimdir?
- Favorit əlbəttə ki, “Rubin”dir. Ancaq bu, futboldu. Burda hər şey mümkündür.
- Demək olarmı, əgər “Rubin”i məğlub etsə, “Neftçi”nin qrupdan çıxmaq şansı xeyli artacaq?
- Mən də o cür düşünürəm. Bilirsiniz, burada hər şey özümüzdən aslıdır. Qrupdakı şansları dəyərləndirsək, “İnter”lə “Rubin” favoritlərdir. “Partizan”la “Neftçi” isə üçüncülük uğrunda oynayır. Ancaq bunlar kağız üzərində belədir. “İnter” - “Rubin” matçında “İnter” yüzfaizlik favorit idi. Ancaq bir xalı güclə, son dəqiqələrdə əldə etdilər. “Barselona”, “Real” kimi komandalar da oyun uduzur. Deməli, futbolda hər şey mümkündür.
- “Rubin”lə oyunda hansı nəticə sizi razı salacaq?
- Principcə, heç-heçə də pis nəticə sayılmamalıdır. Yetər ki, uduzmayaq.
- Yəqin ki, Kazan təmsilçisinin son oyunlarının videoyazısını izləmisiniz. Rəqibi necə şərh edərdin?
- Etiraf edək ki, Rusiya çempionatı çox güclüdür. Orda MOİK, “Zenit”, “Spartak” kimi komandalar oynayır. “Rubin”i də bu sıraya aid etmək olar. Düşünürəm ki, “İnter”lə Bakıdakı qarşılaşmanın ikinci hissəsində oynadığımız kimi oynasaq, nəticə qazana bilərik. Mənim fikrimcə, ən əsası ilk 20-30 dəqiqə ərzinə qol buraxmamalıyıq. İlk yarım saatda top buraxmasaq, “Rubin”dən xal ala bilərik.
- Serbiya - İngiltərə U-21-lərinin oyununda baş verənlərdən xəbərin var. Ola bilsin ki, UEFA Serbiya millisini və ümumiyyətlə, Serbiya klublarını cəzalandırsın, onlara qarşı ağır sanksiyalar həyata keçirsin. Belə olan halda, “Partizan” da Avropa Liqasından kənarlaşdırıla bilər ki, bu da sizin qrupdan çıxmaq şansınızı daha da artırmış olacaq. Bu barədə nə deyə bilərsən?
- Bəli, bundan xəbərim var. Ancaq bilirsiniz necədir, şəxsən mən bunu istəməzdim. Yəni taleyimizi başqalarının yox, özümüzün həll etməyini istəyirəm. Qoy, hər şey meydanda, fair-play çərçivəsində həll olunsun.
- Demək olar ki, həm daxili çempionatda, həm də beynəlxalq arenada bütün oyunları əvəzolunmadan keçirirsən. Necə deyərlər, layiqli əvəzləyicin olmadığından, bütün yük sənin çiyinlərindədir. Yorğunluq hiss eləmirsən ki?
- Öncə onu deyim ki, “Neftçi”də Emin Balayev kimi gənc qapıçı var. Mən inanıram ki, yaxın 2-3 il ərzində o, Azərbaycanın ən yaxşı qapıçılarından biri olacaq.
- Bu öz yerində. Amma fakt odur ki, hazırda bütün yük sənin çiyindədir...
- Mən burada heç bir problem, yorğunluq hiss etmirəm və bütün gücümü də sərf etməyə hazıram ki, “Neftçi”yə kömək edim.
Anar XANLAROV, Kazan
Salah üzr istəyib
"Şəfa" 3 xalı tək qolla qazandı - Video
“Liverpul”un futbolçusu “Qızıl top”u qazandı
4 penalti dəf edən qapıçının qolu sındı
Çexiya millisinin yeni baş məşqçisi açıqlandı
“Şəfa” “Cəbrayıl”a qalib gəldi
4 gün əvvəl ayrıldığı kluba qayıtdı
Anri mükafatlandırıldı
“Turan Tovuz” “Kəpəz”ə belə qalib gəldi - Video
"İstəməzdik bu gün belə olsun" - Azər Bağırov
"Qarabağ"dan zədəli futbolçularla bağlı açıqlama
Azərbaycanda FİFA referilərinin sayı artdı
"Turan Tovuz" "Kəpəz"ə qalib gəldi
"Şəki Siti"yə texniki məğlubiyyət verildi
AFFA "Qarabağ"ı 10 min cərimələdi
"Qarabağ"ın rəqibi ilk qış transferini reallaşdırdı
Azərbaycanın yeni Deflimpiya dövrü
"Kəpəz" - "Turan Tovuz": Heyətlər açıqlandı
Tanınmış məşqçi vəfat etdi
Millimizin sabiq üzvü Estoniya klubunda
Bikalyo "Sabah"la oyun haqda - "Dözümlülük çatmadı"
UEFA-dan AFFA-ya məktub
Azərbaycan UEFA reytinqində gerilədi
Zlatan İbrahimoviçin oğlu ilk peşəkar müqaviləsini imzaladı
“Napoli” “Milan”a qalib gəlib finala yüksəldi - Video
Konfrans Liqası: 1/8 finalçılar və pley-offçular
Konfrans Liqasında Liqa mərhələsi yekunlaşdı
Misli Premyer Liqasında həftənin hakimləri açıqlandı
