04.07.25
Hazırda Kazanda olan “Neftçi”nin və millimizin müdafiəçisi Mahir Şükürov Avropa Liqasının qrup mərhələsində “Rubin”lə oyun öncəsi Qol.Az-ın Tatarıstana ezam olunmuş xüsusi müxbirinə müsahibə verib.
- Komandanı “Rubin”lə oyuna hazır saymaq olar?
- Bəli. Bütün kollektiv bir yerdə hazırlıq keçdi. Yalnız mən millinin düşərgəsində olduğumdan bir müddət komandadan kənar qaldım. Amma sonradan kollektivə qoşuldum və deyərdim ki, hər şey yaxşıdır.
- Oyundan nə gözləyirsən?
- Səfərdə oynayırıq. Özü də zəif olmayan bir komandaya qarşı. Rəqib təkcə heyətinə yox, büdcəsinə görə də güclüdür. Nəzərə alaq ki, “Rubin” iki il ard-arda Çempionlar Liqasınıjn qrupunda oynayıb. Yəni bizimlə müqayisədə beynəlxalq təcrübəsi də çoxdur. Lakin buna baxmayaraq, Kazana üç xal dalınca gəlmişik.Çünki bizim də güclü heyətimiz var. Bir sözlə, rəqibdən çəkinmirik. Bu futboldur, hər şey ola bilər. Uda da, heç-heçə də oynaya, uduza da bilərik. Amma dediyim kimi, əsas hədəfimiz üç xaldır. Təbii ki, rəqib də eyni məqsədlə meydançaya çıxacaq. Bilirsiniz ki, MOİK, “Zenit” Avropa Liqasını qazanıb. “Rubin” də bu uğuru təkrarlamaq istəyir.
- Bu oyunu “Neftçi” üçün həlledici saymaq olar? Çünki məlum məsələdir ki, qrupun favoriti “İnter”dir və ikinci yer üçün “Rubin”, “Partizan” və “Neftçi” mübarizə aparacaq. Serbiyadan xalla dönmüsünüz. Kazanda da uduzmasanız, ikincilik şansınız xeyli artacaq...
- Bəli, sizinlə razıyam. Serbiyadan xalla qayıtmışıq. Əminəm ki, Kazanda da uduzmasaq, evdə həm”Partizan”ı, həm də “Rubin”i məğlub edəcəyik.
- Bilirik ki, hazırda Kazanda soyuq hava var. Məhz bu amil oyununuza nə dərəcədə təsir edə bilər?
- İnanmıram ki, hansısa problem yaransın. Çünki biz Moskvada Rusiya millisinə qarşı –yeddi dərəcədə oynadıq. Əksinə əsl futbol oynamalı havadır. Ola bilsin Cənubi dmerikalı futbolçularımız üçün bir qədər çətin olsun. Buna görə də səfərə iki gün öncədən gedirik ki, onlar da yerli ab-havaya uyğunlaşa bilsinlər.
- Bir vaxtlar sən özün də “Anji”nin heyətində Rusiya Premyer Liqasında çıxış etmisən. Bu mənada rusiyalı jurnalistlər səni tanımamış olmaz. Matç öncəsi səninlə əlaqə saxlayan olub?
- Rusiya ilə millimizin oyunundan əvvəl zəng eləmişdilər. Amma “Rubin”lə oyun öncəsi əlaqə saxlayan olmayıb.
- Ümumiyyətlə, “Rubin”i rəqib kimi necə xarakterizə edərdin?
- Məlum məsələdir ki, Rusiya klubları fiziki cəhətdən güclü olur. Hazırkı baş məşqçiləri Qurban Berdiyev də güclü mütəxəssisdir. Hər halda güclü olmasaydı, uzun müddətdi orda işləməzdi. Həm də mənim fikrimcə, indiki “Rubin” daha güclüdür. Çünki səviyyəli legionerlər cəlb ediblər.
- “Anji”nin heyətində “Rubin”ə qarşı oyununu xatırlayırsan?
- Bəli, uğurlu oyun olmuşdu, səfərdə 0:0 oynamışdıq. Evdəki oyunda isə sarı vərəqə cəzalısı olduğumdan oynamamışdım.
- Millinin düşərgəsindən gəldikdən sonra özündə yorğunluq hiss edirsən?
- Desəm yorğunluq var, deyəcəklər, özünü əvvəllcədən sığortalayır. Amma həqiqətən də yorğunluq var. Hərçənd bunu yaddan çıxarıb oyuna köklənmək lazımdır.
Anar XANLAROV
Tramp klublararası dünya çempionatının finalında olacaq
"Kəpəz"dən növbəti transfer - Rəsmi
"Arsenal" onunla yeni müqavilə imzalamağa yaxındır
"Barselona" onu Levandovskinin əvəzi kimi istəyir
“PSJ favoritdir, amma biz qalib gələcəyik”
"Real" 20 yaşlı hücumçunu transfer etdi
"Zirə" İordaniya klubuna qalib gəldi
"İmişli"də yeni müqavilə - Rəsmi
“Mən də Haaland, Keyn və Levandovski səviyyəsindəyəm”
"Mançester Yunayted"də ciddi itki
Emreli yoxlama oyununda yenə qol vurdu
"Real" Vinisiusla aparılan danışıqları dayandırdı
"Barselona"da 4 illik müqavilə
"Karvan" braziliyalı futbolçu transfer etdi
"Kəpəz"dən Ehtiram Şahverdiyev qərarı
Pioli rəsmən "Fiorentina"da
“Qəbələ” yeni transferini açıqladı
"Bayer" ABŞ millisinin üzvünü aldı
“Turan Tovuz” “Traktor”la qarşılaşacaq - Rəsmi
"Sabah"ın rəqibində ayrılıq
Levandovskinin yeni imici - Şəkillər
Azərbaycan klublarının mövqeyi məlum oldu - Dünya reytinqi
Donnarummanı transfer etmək istəyən nəhəng klub
Lui van Qal xərçəngə qalib gəldi
DÇ-2030-un finalı bu stadionda keçiriləcək
“Araz-Naxçıvan”ın rəqibindən növbəti transfer
“Komandamızın çıxışı gələcəyə ümid verdi” - Qurban Qurbanov
"Komo" "Milan"dan 16 yaşlı hücumçunu aldı
"Atletiko"nun sabiq oyunçusu "Turan Tovuz"da - Rəsmi
"Qarabağ" növbəti transferini açıqladı - Rəsmi
"Beşiktaş" onu azad agent kimi transfer edir
