29.05.26
“Qarabağ” klubunun müdafiəçisi Qara Qarayevin Qol.Az saytına müsahibəsi
- Premyer Liqanın IX turunda “Bakı” ilə 1:1 hesabıyla bərabərə qaldınız. Səncə, nəticə oyuna görə oldu?
- Bu qarşılaşmaya bir çox əsas futbolçumuz çıxmamışdı. Ona görə də bizim üçün çox çətin oldu. Lakin komandamız hər iki hissədə çox yaxşı təsir bağışladı. Mən deyərdim ki, sona qədər mübarizə apardılar. Bu matçda xeyli qol imkanımız olsa da, istifadə edə bilmədik. Məncə, biz daha üstün idik və qələbə qazanmalıydıq.
- Görüşün 24 dəqiqəsində qapınızdan tez bir zamanda qol buraxaraq, geri düşəcəyinizi gözləyirdinizmi?
- Biz əksini düşünürdük. Lakin öz səhvlərimiz ucbatından qapımızda erkən qol gördük. Müdafiəmizdə bir anlıq anlaşılmazlıq baş verdi. Rəqib də bundan maksimum yararlandı.
- Ümumiyyətlə, “Qarabağ” hesabda geri olarkən oyununuzda tələskənlik hiss olunur. Hücumlarınızı istədiyiniz kimi tamamlaya bilmirsiniz. Bu fikirlə razısan?
- Komanda yoldaşlarım kimi, mən də tez bir zamanda məqsədimizə nail olmağa çalışırıq. Oyunun sonlarına az qaldıqda isə tələsirik. Buna görə də hücumları məntiqi sonluğa çatdıra bilmirdik. Ancaq elə olur bu, sənə uğur da gətirir.
- Məğlubiyyətdən yalnız 78-ci dəqiqədə penalti sayəsində qurtuldunuz. Səncə, bu epizodda qayda pozulmuşdu? Rəqib hakimin düzgün qərar vermədiyini iddia edir.
- Hakimin qərarı düzgün idi. Həmin epizodda təmiz qayda pozuntusu vardı. Bu barədə əlavə heç bir şərh verməyə ehtiyac yoxdur. Əlbəttə, “Bakı” buna etiraz edəcək. Əgər penalti vardısa, hakim mütləq verməliydi. Komanda yoldaşım İlqar Qurbanovun ayağı oyundan sonra şişmişdi. Doğrudan da rəqib futbolçu ona qarşı kobudluq etmişdi. Hətta PFL-in Prezdenti Ramin Musayev də mətbuata açıqlamasında penaltinin olduğunu söyləyib.
- “Bakı” ilə oyundakı nəticə “Qarabağ”ın cari mövsümdə doqquz görüşdə beşinci heç-heçəsi oldu. Bunu nə ilə əlaqələndirərdin?
- Biz heç-heçə etdiyimiz bütün qarşılaşmalarda üstün tərəf olmuşuq. İnanın, həm “Kəpəz”, həm də “Bakı”la oyunlarda 4-5 real qol imkanımız oldu. “Simurq”la görüşdə rəqibin cəmi bir real qol imkanı oldu ki, o da dirəkdən döndü. Qalan vaxt ərzində qol epizodlarımızın sayı-hesabı yox idi. “Kəpəz”lə oyunda da həmçinin. Hətta Gəncədə hakim təmiz penaltimizi vermədi. Qol vursaq da, sayılmadı. Bütün heç-heçələrdə “Qarabağ” qələbəyə layiq olub. Sadəcə, nədənsə, üstünlüyümüzdən yararlana bilmirik.
Əli HƏYATİ
"Şamaxı" onu da göndərdi
UEFA Superkubokunda onlar qarşılaşacaqlar
PSJ yenə çempionlar çempionudur!
Onların qolları 8 illik həsrətə son qoydu
Zədəsinə görə mundialı buraxacaq
"Arsenal"dan final antirekordu
"Barselona"dakı gələcəyi bəlli oldu
Haverts Çempionlar Liqası tarixinə düşdü
ABŞ millisinin kapitanı oldu
Kuboka qədər milyonlar qazandılar
PSJ - "Arsenal": Heyətlər açıqlandı
"Real"dan Vinisiusa qarşı sərt mövqe
"Oğlum futbol oynamaq istəmir"
Çempionlar Liqasının finalından öncə kütləvi dava - Video
Aparıcı klubların hədəfinə düşdü
Azərbaycan millisi Fransaya qalib gələrək qrup lideri oldu
"Liverpul" Arne Slotla yolları ayırdı
Azər Bağırov "Kəpəz"dən getdi - Rəsmi
"Şamaxı"dan ayrılanların sayı 12-yə çatdı
Azərbaycan millisinin növbəti məşqi - Şəkillər
“Barselona” Qordonun transferini rəsmən açıqladı
Sterlinq narkotikə görə saxlanıldı
Çempionlar Liqasının finalı bu kanallarda
