FİFA-nın media əlaqəlari üzrə meneceri Monika Huser Azərbaycanda keçiriləcək 17 yaşadək qızlar arasında dünya çempionatı ilə əlaqədar Qol.Az saytına eksklüziv müsahibə verib.
Qeyd edək ki, M.Huser dünya çempionatının işıqlandırılmasında məsul şəxslərdən biridir.
- FİFA-nın 17 yaşadək qızlar arasında dünya çempionatını Azərbaycanda keçirmək istəyi hansı zərurətdən irəli gəldi?
- Biz hər zaman FİFA-ya üzv olan bütün federasiyalara öz ölkələrində böyük yarışlara ev sahibiliyi etmək üçün təkliflər vermələrini rica edirik. Mən sizə bu işin qaydasını izah edim. FİFA üzvlüyündə olan federasiyalara qarşıdan gələcək çempionatlar haqda məktub yollayır. Biz onlardan belə bir çempionata ev sahibliyi etməyə maraqlarının olub-olmamağını soruşuruq. Əgər cavab müsbətdirsə, həmin ölkə ilə danışıqlara başlanılır. Həmin ölkənin yarışı keçirmək imkanları buna yola verirsə, danışıqları daha da intensivləşdiririk. Bütün nüanslar nəzərə alındıqdan sonra isə FİFA İcraiyyə Komitəsi çempionatın ev sahibiliyini hansı ölkəyə vermək haqda qərar verir. Biz eyni proseduru AFFA ilə də tətbiq etdik. AFFA-nın çempionatı keçirmək üçün daha böyük təşəbbüs göstərməsi sonda seçimi sizin ölkənizin üzərində etməyimizə gətirib çıxardı.
- Çempionatın keçiriləcəyi stadionların hazırkı durumu oyunları qəbul etməyə tam hazırdırmı? Otellərin, aeroportların vəziyyəti barədə fikirləriniz necədir?
- Bilirsiniz, FİFA dünya çempionatına ev sahibiliyini heç də asanlıqla hansısa ölkəyə vermir. Yəni hər yerindən qalxan bu turniri keçirməyə nail ola bilməz. Sizin dediyiniz stadionlar isə bizim tərəfimizdən dəfələrlə yoxlanılıb. Həmin stadionların çoxu yenidir. Bəziləri isə yenicə təmirdən çıxmış arenalardır. Əgər hər şey FİFA-nın planlarına uyğun davam etsə, həmin stadionlar yarışa qədər daha rahat və gözəl vəziyyətə gətiriləcək. Komandaların, hakimlərin və FİFA nümayəndələrinin məskunlaşacağı otellər isə mükəmməldir. Otellərdən birinin tikintisi davam edir. İnanıram ki, həmin otel tam vaxtında hazır vəziyyətə gətiriləcək. Hava limanındakı şəraitdən isə FİFA məsuliyyətli deyil. Hərçənd ki, cəmi bir neçə həftə əvvəl çempionatın püşkatması ilə bağlı FİFA nümayəndələri və möhtərəm qonaqlar Bakıya gəlmişdilər. Həmin vaxt aeroportla bağlı heç bir problem qeydə alınmamışdı.
- Dünya çempionatının keçirilməsi üçün Azərbaycan dövlətinin və Azərbaycan Futbol Federasiyaları Assosiasiyanın səylərini yetərli hesab edirsinizmi?
- Bəli. Bir daha qeyd edirəm ki, AFFA yarışı keçirmək üçün böyük təşəbbüs göstərir. İndiki məqamda FİFA-nın AFFA ilə çox yaxın əlaqələri mövcuddur. Biz federasiya ilə əməkdaşlıqdan məmnunuq və işbirliyimizi daha da yaxından qurmaq istəyirik.
- Ümumiyyətlə, hazırda FİFA ilə AFFA arasındakı əməkdaşlığın səviyyəsini necə dəyərləndirirsiniz?
- Çox müsbət.
- Çempionatın oyunlarının işiqlandırılması üçün təşkilat komitəsinə dünyanın necə media orqanından müraciət olunub? Oyunların Azərbaycandan əlavə, daha hansı ölkələrdə yayımlanması nəzərdə tutulub?
- Hələlik bu barədə sizə dəqiq bir cavab verə bilməyəcəyəm. Çünki indi media orqanları çempionatı işıqlandırmaq üçün akkreditasiyadan keçirlər. Bunun üçün son tarix avqustun 10-da bitir. Ümumilikdə isə 190 ölkədən yayım şirkəti çempionatın yayım hüququna malikdir. Konkret olaraq hansı ölkələrin yarışı efirdə göstərəcəyi isə danışıqlardan sonra bəlli olacaq.
- Dünya çempionatının açılış və final oyununa FİFA və UEFA prezidentlərinin iştirakı gözlənilirmi?
- FİFA prezidenti Yozef Blatter çempionatın bir neçə oyununda iştirak edəcək. Cənab Blatterlə yanaşı turniri izləməyə bir neçə yüksək vəzifəli qonaq təşrif buyuracaq. Onu da əlavə edim ki, FİFA-dan 150 nəfərlik nümayəndə heyəti Bakıya gələcək.
Ümid AYXAN
Arda Güler son 5 oyunda 5-ci qolunu vurdu
"Fənərbaxça" 10 nəfərlə "Qalatasaray"a qalib gəldi
Azərbaycan millisi ikinci oyununda da uduzdu
Derbidən əvvəl ara qarışdı - Şəkillər
"Mançester Siti" 10-cu dəfə İngiltərə çempionu oldu
"Sabah"ın U-14 komandası beynəlxalq turnirin qalibi oldu
"Qəbələ" "Araz-Naxçıvan"a belə qalib gəldi - Video
"3 qol buraxdığıma görə utanıram" - "Qarabağ"ın qapıçısı
"Qəbələ"dən ardıcıl 3-cü qələbə
Asif Məmmədova 250 nömrəli forma təqdim olundu
"Sabah" Türkiyədə 4-cü oldu
"Bayer" bunu bacaran ilk klubdur
"Qəbələ" - "Araz-Naxçıvan": Heyətlər
Ataa Caber: "Qələbə mənim qolumdan vacibdir”
"Yuventus" müvəqqəti baş məşqçisini açıqladı
"İnanıram ki, "Sabah"ı məğlub edəcəyik"
Klopp: "İngiltərədə başqa komandaya baş məşqçilik etməyəcəm"
Mourinyo "Beşiktaş"a gəlməyə razılaşdı
Filip Ozobiç: "Yalnız "Neftçi" haqqında düşünürəm"
Messili "İnter Mayami" qalib gəldi
Renat "Beşiktaş"a qarşı belə oynadı - Video
"Milan"ın məğlubiyyəti - Video
Mahir Emreli 2024-cü ildə ilk oyununa çıxdı
Azərbaycan cüdoçularından Avropa kubokunda 2 medal
Çexiyada çempion bilindi
Roys azarkeşlərə pivə aldı
"Hər şey öz əlimizdədir” - "Neftçi"nin futbolçusu
Renat oynadı, komandası "Beşiktaş"dan xal aldı
"Sabah"ın "Sumqayıt" üzərində qələbəsi - Video
"Bizi uşaq yerinə qoymayın" - Samir Abasov
“Neftçi”nin qələbəsinə kölgə salmaq istəmirəm, amma…”
"Zirə" Tovuzda belə qələbə qazandı - Video
"Neftçi" 3 xalı bu 3 qolla qazandı - Video
Adil Şükürov: "Kişi kimi əllərini sıxıb təbrik etdim"