İqor Tudor bu gün istefaya göndərilə bilər

İqor Tudor bu gün istefaya göndərilə bilər
DÜNYA FUTBOLU 15 Mart 2026 / 14:30 363
-  A +

"Tottenhem" rəhbərliyi baş məşqçi İqor Tudora bu gün Premyer Liqanın 30-cu turunun "Liverpul"la oyunundan əvvəl ultimatum verib.

QOL.az xəbər verir ki, bu barədə The Touchline X sosial media səhifəsində məlumat verib.

Mənbənin məlumatına görə, əgər komanda qalib gələ bilməsə və zəif çıxış edərsə, Tudor istefaya göndəriləcək.

"Tottenhem" rəhbərliyi zədələrin və digər amillərin nəticələrə təsir etdiyini başa düşür, lakin Tudorun klub və onun hazırkı vəziyyəti haqqında açıqlamalarının vəziyyəti daha da pisləşdirdiyinə inanır. Klubda baş məşqçinin öz rolunu tam başa düşmədiyini və mediaya verdiyi açıqlamalarda həddindən artıq irəli getdiyi düşünülür.

Tudor 14 fevraldan bəri "Tottenhem"in baş məşqçisir. Onun "Tottenhem"lə müqaviləsi bu mövsümün sonuna qədərdir.

İqor Tudorun komandası hazırda 29 xalla turnir cədvəlində 16-cı pillədə qərarlaşıb. “Düşmə zonası”nda ən yüksək pillədə - 18-ci yerdə olan “Nottingemin isə 28 xalı var.

Qeyd edək ki, "Liverpul" - "Tottenhem" oyunu Bakı vaxtı ilə saat 20:30-da başlayacaq. 


Son xəbərlər
14.03.26  21:41

Qavi geri dönür

14.03.26  11:13

"Atletiko"da itki

topaz banner