09:05
"Qarabağ" necə komandadır? Onun "Dinamo"nu adlamaq perspektivi necədir?"
QOL.az-ın məlumatına görə, Xorvatiyada nəşr olunan "Jutarnji List" nəşri belə yazır. Nəşr Çempionlar Liqasının pley-off mərhələsinin "Dinamo" (Zaqreb") - "Qarabağ" cütünə yazı həsr edib.
Qəzet əvvəlcə Ağdam klubunun ÇL-in üçüncü təsnifat mərhələsində səfərdə "Ludoqorets" (Bolqarıstan) üzərindəki 7:2 hesablı qələbəsinə və iki oyunun nəticəsinə əsasən mərhələ adlamasına toxunur.
"Dinamo" ilə "Qarabağ" arasında keçiriləcək matçla bağlı isə Xorvatiya nəşri çox arxayın qeydlər edir. Yazı müəllifinin fikrincə, Razqraddakı matçın nəticəsi (7:2) qorxulu görünsə də, "Dinamo"nun rəqibdən çəkinməsinə əsas yoxdur.
"Düzdür, "Ludoqorets" "göylər"ə ("Dinamo"ya - red.) daha uyğun idi. Çünki azərbaycanlılar daha təcrübəli, təşkilatlanmış, intizamlı və güclüdür. Amma obyektiv qiymətləndirsək, keyfiyyət baxımından üstünlük "Dinamo"nun tərəfindədir. "Göylər"in də Azərbaycan komandası barədə sadaladığımız yaxşı tərəfləri var. Amma fərdi baxımdan onlar ("Dinamo") müqayisəolunmaz dərəcədə yaxşıdırlar və kağız üzərində "pley-off"un favoritidirlər" - deyə nəşr yazır.
Yazı müəllifi "Dinamo"nun "Qarabağ"ın "iki arzuolunmaz futbolçusuna" diqqət yetirməli olduğunu qeyd edir:
"Hücumameylli yarımmüdafiəçi Yassin Benzia (29 yaş) Razqradda 2 qol vurdu və 1 qol ötürməsi etdi. Benzia Əlcəzair millisinin oyunçusudur. O, "Qarabağ"a ötən il "Dijon"dan gəlib. Buna qədər isə "Lill", "Lion", "Olimpiakos" "Fənərbaxça"da oynayıb. Azərbacan komandası oyunu onun üzərində qurur. Qısa ifadə etsək, o, "Qarabağ"ın Baturinasıdır ("Dinamo"nun 21 yaşlı yarımmüdafiəçisi Martin Baturina nəzərdə tutulur - red.).
İkinci oyunçu - 32 yaşlı Abdullah Zubir komandanın kapitanıdır. O, hücumun hər iki cinahında yaxşı oynayır. Zubirin əsas mövqeyi isə sol cinahdadır. O, Fransada doğulub, Mərakeş vətəndaşlığı var və altı il əvvəl "Lans"dan "Qarabağ"a gəlib".
Xorvat nəşri "Qarabağ"ın, onların fikrincə, çatışmayan tərəflərinə də toxunur: "Müdafiə tez-tez boşluqlara yol verirdi. Böyük ölçüdə bunun səbəbkarı isə kolumbiyalı stopper Kevin Medina (31) idi. Onun hər iki oyunda xeyli aşağı qiymətləndirməsi oldu. "Ludoqorets" əsasən onun səhvi ucbatından təhlükəli vəziyyətlər yaradırdı".
"Jutarnji List" sonda qeyd edir ki, "Dinamo"nun "Qarabağ"dan qorxması üçün səbəbi yoxdur. "Əgər "göylər" istənilən səviyyədə oynasa, özlərinə inansa, onda bahalı Çempionlar Liqası tamamilə əlçatandır. Amma aydın məsələdir ki, bizim çempion çox ehtiyatlı olmalı və matça ciddi yanaşmalıdır. Axı, rəqibi kiçik də olsa qiymətləndirməmə onlara baha başa gələ bilər. Əlbəttə, "Qarabağ" hörmətə layiqdir (eləcə də digər rəqiblər), amma "Dinamo"nun "kozır"ı daha güclüdür".
Xatırladaq ki, "Dinamo" ilə "Qarabağ" arasında ilk oyun avqustun 20-si Zaqrebdə, cavab matçı avqustun 28-si Bakıda keçiriləcək.
Tarixin 70-cisi
"Sabah" "Qəbələ"yə qarşı
“Latsio” sonda sevindi
"Bu uğurun sirri barədə danışmaq çətindir" - Kurban Berdiyev
“Turan Tovuz”dan qələbə, “Zirə” - “Kəpəz” matçında heç-heçə
Neymar DÇ-2026 üçün ilkin heyətə daxil edildi
"Zirə" - "Kəpəz" matçında vurulan 4 qol - Video
"Mançester Siti" ilə oyunu buraxacaq
Sadıqovdav şüarlara cavab
La Liqa prezidenti Xavinin Messi açıqlamasını təkzib etdi
"Atletiko" Qonsalesi transfer etməyə tələsmir
Hakimi tənqid etdiyinə görə cərimələndi
"Neftçi" - "Turan Tovuz": Heyətlər
“Şəmkir” - “Xankəndi” matçı niyə baş tutmadı? - PFL açıqladı
"Liverpul" "Qalatasaray"la matça ciddi itkilərlə çıxacaq
"Şirvan" evdə qələbə qazandı, Şəmkirdə matç baş tutmadı
"Zirə" - "Kəpəz": Heyətlər açıqlandı
Mbappe "Real"ın həkimlərinə etibar etmir
Azərbaycan millisinin üzvü Yunanıstan kubokunu qazandı
"Xavi özündənrazı olmuşdu" - Joan Laporta
"Vallah, bilmirəm nə deyim" - "Sumqayıt"ın kapitanı
Nəriman artıq ABŞ-dadır
PSJ yeni formasını təqdim etdi - Şəkil
Braziliya futbolunda belə dava olmayıb - Video
