Avropa çempionatının seçmə mərhələsində İngiltərə və Ukrayna ilə qarşılaşacaq Azərbaycanın U-21 millisi bu gündən toplanışa başlayıb.
Azərbaycan millisi martın 22-də İngiltərə, martın 26-da Ukraynanın U-21 yığması ilə qarşılaşacaq. Hər iki oyun "Azersun Arena"da keçiriləcək.
Yığmanın baş məşqçisi Samir Əliyev QOL.az-a açıqlamasında qarşıdan gələn oyunlardan və komandasının durumundan danışıb:
“Bu gündən toplanışa başladıq. Hər iki rəqibimiz qrupun favoritidir. Həqiqətən çox güclü rəqiblərdir. Bizi çox ağır oyunlar gözləyir. Amma məni ən çox narahat edən bizim futbolçuların hansı durumda olmasıdır. Çünki milliyə dəvət olunanlar əsasən əvəzedici heyət və 1-ci liqanın oyunçularıdır. Əlbəttə ki, istəyərik ki, bizim futbolçular daimi olaraq Premyer Liqada oynasınlar. Amma bugünkü reallıq budur. Biz baxırıq, kim daha hazırlıqlıdırsa, onu da milliyə dəvət edirik. Onun hansı liqada oynamasına fikir vermirik”.
Azərbaycan millisi martın 22-də Bakıda İngiltərəni qəbul edəcək. Rəqibin heyətində “Liverpul”, “Çelsi”, “Arsenal”, “Mançester Siti”, “Borussiya” (Dortmund) kimi klubların oyunçuları çıxış edir. Samir Əliyevin komandası isə əsasən 1-ci liqa və əvəzedici heyət oyunçularından ibarətdir. Bu amil baş məşqçidə ruh düşkünlüyü yaradırmı?
“Məndə ruh düşkünlüyü onda yaranır ki, futbolçularım Premyer Liqada oynamır, ehtiyatda qalır. Dünən İngiltərə kubokunda “Liverpul”un heyətində “Mançester Yunayted”ə qarşı oynayanlar arasında İngiltərənin U-21 millisinin üzvləri də var idi. Eləcə də, “Çelsi”nin heyətində “Lester”ə qarşı bizim rəqibimizin də futbolçusu oynadı. Onlar həm də qolun vurulmasında iştirak etdilər. Əlbəttə, biz də istərdik ki, heyətimizdə yaxşı futbolçular olsun. Buna baxmayaraq, meydana çıxıb mübarizə aparacağıq. Biz həmin bu heyətimizlə Ukraynaya qarşı yaxşı oynamışdıq. Düzdür, 0:1 hesabı ilə uduzduq, amma yaxşı mübarizə apardıq. Qarşıdakı iki oyunda da çalışacağıq ki, ən azından layiqli mübarizə aparaq. Ustalıq səviyyəmiz rəqiblərdən aşağı olsa da, mübarizədən çəkinməyəcəyik”.
S.Əliyev qeyd edib ki, rəqiblər nə qədər güclü olsa da, bundan çəkinmirlər: “Futbolçuların fiziki durumu, klublardan hansı səviyyədə gəlməsi bizi narahat edir. Amma qorxulu, çəkinəsi heç nə yoxdur. Əksinə, belə oyunlar bizə lazımdır ki, futbolçularımız o səviyyəni görsünlər, təcrübə toplasınlar. Biz ancaq zəif rəqiblər axtara bilmərik. Güclü rəqiblə mübarizəyə girib, öz zəif cəhətlərini görməsən, inkişaf edə bilməzsən”.
Yığmanın çalışdırıcısı bu cür oyunlarda əsasən psixoloji hazırlığın önəmli olduğunu bildirib: “Əlbəttə, belə məqamda ən çox psioxoloji durum vacibdir. Çünki bu gün yığışıb 4 gündən sonra oyuna çıxacağıq. Cəmi 4 günə fiziki və texniki olaraq nəyisə dəyişmək çətindir. Çalışırıq ki, taktiki və psixoloji hazırlığa üstünlük verək. İstəyirik ki, futbolçularda özünəgüvən yarada bilək. Onlar da rəqibi izləyir. Orada kimlərin oynadığını görürlər. Biz də çalışırıq ki, psixoloji hazırlığı yaxşı səviyyədə edək ki, futbolçular oyuna qorxu hissi ilə çıxmasınlar. Biz tək qol buraxmamağı düşünmürük. İstəyirik ki, qol vəziyətləri də yaradaq, qol da vuraq. Təbii ki, hücuma da getmək lazımdır. Bizdə bu potensiala malik uşaqlar var”.
S.Əliyev əsas millinin gənc üzvləri Nəriman Axundzadə, Cəlal Hüseynov və Emil Səfərovun U-21-ə dəvət edilməsindən də danışıb: “Bizdə müdafiədə Cəlal Hüseynov var. Bilirik ki, ən azından liderlik xüsusiyyətlərinə malikdir, Bolqarıstanda oynayır. “Qəbələ”də çıxış edən Emil Səfərovu da çağırmışıq. “Qarabağ”ın hücumçusu Nəriman Axundzadə də bizimlə olacaq. Hər 3 oyunçu əsas millinin üzvləri olsa da, onların bizimlə olmasını istədik. Çünki rəsmi oyunlara çıxırıq. Belə futbolçularımızın sayı çox olsa, daha inamlı danışa bilərik. Bu futbolçulara ümidimiz böyükdür. Oyunu üzərlərinə götürüb qol vəziyyəti yarada, yaxud da qol vura bilərlər. Biz buna ümid edirik. Amma hər şey oyunda görünəcək”.
Ramiq Ağaməmmədov
"Traktor" 1/4 finalda
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu