22:23
Gəncədə yeni stadion tikiləcək.
Bu barədə Qol.az-a “Kəpəz”in baş məşqçisi Azər Məmmədov məlumat verib. Onun sözlərinə görə, qəzalı vəziyyətdə olan hazırkı stadion söküləcək və yerində yenisi inşa olunacaq. Baş məşqçi yeni stadionun tikintisinə birbaşa olaraq Gənclər və İdman Nazirliyinin nəzarət edəcəyini bildirib:
“Türklərdən ibarət briqada stadiona baxış keçirib. Stadionun sökülüb, yenidən tikilməsi qərara alınıb. Bildiyimə görə, ”Qəbələ” ilə ev oyunumuzdan sonra söküntü işləri başlayacaq. 2025-ci ildə 16 minlik tutumu olacaq stadion təhvil verilməlidir”.
A.Məmmədov “Kəpəz”in stadion tikintisi getdiyi müddətdə ev oyunlarını Qəbələdə keçirmək ehtimalının olduğunu qeyd edib: “Açığı, bizə Bakıda oynamaq sərf etməz. Çünki büdcəmiz elədir ki, uzaq məsafə olsa, çətinlik yaranar. Ona görə də yəqin Qəbələ olar. Yenə də qərar klub rəhbərliyi açıqlayacaq”.
Qeyd edək ki, 1963-cü ildə istifadəyə verilən Gəncə şəhər stadionunun tribunaları qəzalı vəziyyətdə olduğu üçün yalnız 3 minə qədər azarkeşin matçlara buraxılmasına icazə verilir. Əvvəllər isə stadionun 27 min azarkeş tutumu olub.
Yamal, Haaland, Keyn...
Salah üzr istəyib
"Şəfa" 3 xalı tək qolla qazandı - Video
“Liverpul”un futbolçusu “Qızıl top”u qazandı
4 penalti dəf edən qapıçının qolu sındı
Çexiya millisinin yeni baş məşqçisi açıqlandı
“Şəfa” “Cəbrayıl”a qalib gəldi
4 gün əvvəl ayrıldığı kluba qayıtdı
Anri mükafatlandırıldı
“Turan Tovuz” “Kəpəz”ə belə qalib gəldi - Video
"İstəməzdik bu gün belə olsun" - Azər Bağırov
