15:47
Belçika millisinin baş məşqçisi Domeniko Tedesko Avro-2024-ün seçmə mərhələsinin Azərbaycanla oyunundan öncə keçirilmiş mətbuat konfransında jurnalistlərin suallarını cavablandırıb.
- Kevin De Bruyne sabah olmayacaq. Onu necə əvəzləyəcəksiz?
- De Bruyneni birbaşa əvəzləmək mümkün deyil. “Mançester Siti”nin oyununu izləyəndə də, aparıcı deyirdi ki, Kevinin yoxluğu hiss edilir. Bizim üçün də eyni vəziyyətdir. Kollektiv şəkildə oynayaraq onun yoxluğunu hiss etdirməməliyik. Həmin mövqedə oynayan oyunçu da düzgün anda, düzgün qərarlar verməlidir. Kreativliyi də çox önəmlidir.
- Romelu Lukaku sabah oynayacaq?
- Bəli. Doğrudur, kifayət qədər məşq etməyib. Amma fərdi məşqlər edir. Sabaha hazırdır. Ona dəstəyimiz var. Komandanın kapitanıdır.
- Meydanın vəziyyəti nə yerdədir? Zədə almaq ehtimalı çoxdur?
- Şərtləri olduğu kimi qəbul etməliyik. Yaxşı ki, bir gün əvvəl gəldik, gördük hər şeyi. Tək meydanı yox, paltardəyişmə otağını da. Sabah meydanda çox enerji sərf etməliyik. Digər məsələlərə isə enerji sərf etməməliyik. Bununla bağlı bir dəqiqə danışdıq. Sonra da bağladıq məsələni.
- Lukaku 90 dəqiqə oynamağa hazırdır?
- İnanmıram. Hələ ki, 90 dəqiqə oynamaq onun üçün tezdir.
- Milli üzvlərinin toplanışdan keçməkləri nə dərəcə önəmlidir?
- Keçiblərsə, yaxşıdır. Bəziləri yaxşı hazırlıq dövrü keçib. Nisbətən az hazırlıq dövrü keçənlər də var. Ehtiyatda olan oyunçuların da təsiri önəmi böyükdür. Çünki sonradan meydana daxil olub nəticəni müsbətə dəyişə bilərlər. Avstriya ilə matçda bunu gördük.
- Sabahkı matçla bağlı düşüncələrin necədir? Asan qələbə olacaq, yoxsa necə?
- Açığı, həmişəkindən daha çox gərginəm. Müsahibələri oxuyuram, artıq çoxları deyir ki, Avropa çempionatına vəsiqəni qazanmışıq. Bu, düzgün deyil. Mənim stilimdə olmayan bir şeydir. Oyunçulara da deyirəm ki, doğru deyil, biz oyunlara köklənməliyik, qalib gəlməliyik. Azərbaycan millisini təhlil etmişik. Doğrudur, İsveçə 0:5 uduzublar. Amma girib detallara baxanda, Azərbaycan ilk yarıda daha çox topa sahib olub. Bir qol vursaydılar, başqa cür alınardı. Sabah Azərbaycan hesabda 1:0 önə keçsə, hər şey başqa cür olacaq. Onların heyətində Ramil Şeydayev kimi futbolçu var ki, istənilən klubda oynaya bilər. Mentalitet çox önəmlidir ki, nəticəni əldə edəsən. (sportal.az)
2-ci liqada daha 2 oyun
Milli çempionatların oyunları xaricdə keçirilə bilər
Məhsuldar ötürmələri ilə rekorda imza atdı
"Qarabağ" derbidə belə qalib gəldi - Video
Daha 2 güləşçimiz Avropa çempionu oldu
İngiltərə Kubokunun finalçıları bəlli oldu
Azərbaycan derbisində qalib yenə “Qarabağ” oldu
"Qalatasaray" - "Fənərbaxça" matçının heyətləri açıqlandı
Azərbaycan boksçusu Dünya kubokunda qızıl medal qazandı
Rəqibin saçını dartan futbolçu cəzalandırılmadı - Şəkil
"Şamaxı"nın qələbəsindən - Video
6 qol, 1 qırmızı vərəqə
"Pley-off haqda düşünmək istəmirəm" - Azər Bağırov
"Bəzən futbolumuzu şouya çevirmək istəyirik" - Ayxan Abbasov
"Real" La Liqanı məhkəməyə verdi
“Qarabağ”lı futbolçunun atası vəfat edib
Səfər qollarına görə rekorda imza atdılar
"Neftçi" - "Qarabağ": Heyətlər
"İnter" aşağı liqaya düşə bilər
Premyer Liqa klublarının hədəfinə düşdü
Yamal bu göstəricidə Ronaldonu geridə qoydu
“Hələ də inana bilmirəm ki, çempion olmuşam"
