16:40
"Bu gün çox yaxşı oyun göstərdik. Bərpa olunmaq üçün vaxtımız az idi. 120 dəqiqə oynayıb "Partizan"a məğlub olmaq futbolçular üçün psixoloji cəhətdən çətin oldu".
Qol.az xəbər verir ki, bu sözləri "Sabah"ın baş məşqçisi Murad Musayev Misli Premyer Liqasının 3-cü turunda "Neftçi" ilə keçirilən oyundan sonra mətbuat konfransında deyib.
Rusiyalı mütəxəsssi 1:1 hesablı bərabərliyi belə şərh edib: "Yorğunluğa baxmayaraq, futbolçular özlərində güc tapdılar. Məzmunlu oyun göstərdik. Komanda üç xal qazanmaq üçün əlindən gələni etdi. Bu gün futbolçuların heç birini qınaya bilmirəm. Əlimizə düşən qol fürsətlərini dəyərləndirə bilmədik. Bir səhv bizə baha başa gəldi".
O, qırmızı vərəqə aldığı epizod haqda da danışıb: "Rəqibin oyunu tez başlamasına mane oldum. Buna görə də hakim qırmızı vərəqə göstərdi. Amini sakitləşdirmək istəyirdim, itələmək istəmirdim. Çünki, sarı vərəqə almışdı".
M.Musayev "Özünüz bu qədər gərginsiniz. Komandanı gərginlikdən necə çıxaracaqsız" sualına isə belə cavab verib: "Hansı gərginlikdən danışırsınız? 85-ci dəqiqədə qırmızı vərəqə aldım. Qalib gəlmək istəyirdim. Rəqibin baş məşqçisi ilə dalaşmadım. Ola bilər ki, qanımda nəsə maddə var, tam bilmirəm. Deyirsiz ki, Murad Musayev həmişə qırmızı vərəqə görür. Azərbaycanda hakimliyin səviyyəsinin bir qədər yaxşı olmasını istəyərdim. Bu gün hakimlik birtərəfli idi. Rəqibə sərt oynamağa imkan verdilər, bizə isə yox".
M.Musayev "Partizan"la matçda komandaya yeni qoşulan Sofian Çaklaya kapitanlıq bazübəndini verməsinə də aydınlıq gətirib: "Bu gün "Sabah" - "Neftçi" matçı idi, "Partizan"la oynamırdıq. Komandanın əsas kapitanı Elvin Camalovdur. O, hazırda zədəlidir. İkinci kapitan Abdullaye Ba idi. Onun gedişindən sonra seçimlər etməmişik. Kimdə liderlik keyfiyyəti varsa, kapitanlığı ona veririk. Bəzən elə futbolçular var ki, öz liderlik keyfiyyətləri ilə fərqlənir. Onlardan biri də Sofian Çakladır. Buna görə də kapitanlıq bazübəndini ona verdik".
"Mançester Yunayted"in futbolçusu sıradan çıxdı
Turin klubu yeni baş məşqçisini açıqladı
Futbolçuya həm cərimə, həm 6 aylıq qadağa tətbiq olundu
La Liqa matçlarında ən çox ötürmə edən futbolçular kimlərdi?
Dibala vətəninə qayıdır
Gedirlər - Şəkillər
“Neftçi”də 9 nömrə əbədiləşdirildi
"Onun etdiklərini heç vaxt unutmayacağam"
"Barselona" maliyyə pozuntuları ilə bağlı bəyanat yaydı
Cüdoçularımız "Böyük Dəbilqə" turnirində iştirak edəcəklər
İrqçi davranışına görə "Real"la oyunu buraxacaq
Superliqa klubları bugünkü matça itkilərlə çıxacaq
FİFA-dan yeni qayda təklifi: futbolçular gözləməli olacaq
Böyük hesabla uduzdular, baş məşqçini göndərdilər
Stadnik Azərbaycan millisinin böyük məşqçisi oldu
2-ci liqada ilin ilk oyunları keçirildi
Emreli: “Daha çox qol vurmaq istəyirəm"
Millimiz Tacikistana uduzdu
Qızının səhhətində problem yarandı - Millidən istefa verdi
