16:40
Rusiyalı qapıçı Andrey Lunyevin agenti Anton Smirnov futbolçunun "Qarabağ"a keçidini şərh edib.
Qol.az xəbər verir ki, 31 yaşlı oyunçu ilə dünən 1+1 illik müqavilə imzalanıb. A.Smirnov transferlə əlaqədar Rusiyanın “Sport den za dnem” nəşrinin suallarını cavablandırıb.
- “Qarabağ”la müqavilə imzaladıqdan sonra Andrey hansı hissləri keçirir?
- Yeni imza ilə hər zaman müsbət emosiyalar olur. Bu zaman sən yeni uğurlar gözləyirsən. Duyğular, ilk növbədə, oynamaq istəyinə bağlanıb. Bu, əsas məsələdir.
- Azərbaycan çempionatını necə qiymətləndirirsiniz?
- Maraq göstərən komandalar arasından seçim edərkən bir çox amil nəzərə alınıb. Son iki ildə olan vəziyyəti güzəştə getməyə dəyməz (Almaniya “Bayer”indəki karyera nəzərdə tutulur - red.). Andreyin tam oyun təcrübəsi yox idi və zədələri var idi. Məsələyə buradan baxmaq lazımdır. Andrey Lunyevin prioriteti öz səviyyəsinə qayıtmaqdır. Bu, ən vacib məqamdır. Bunun üçün daim oynamaq lazımdır. Biz də buna ümid edirik.
Qərarın qəbul edilməsi zamanı avrokubokun qrupunda (Avropa Liqası və ya Konfrans Liqası) oynamaq da nəzərə alınıb. Azərbaycan çempionatının səviyyəsinə gəlincə, onu nə ilə müqayisə etmək olar? Rusiya çempionatından danışsaq, yəqin ki, daha aşağıdır. Amma prinsipcə ümumi səviyyədən danışırıqsa, o, kifayət qədər yüksəkdir. Son iki ildə çempionatın səviyyəsi çox inkişaf edib. Bunu avrokuboklarda yaxşı oyundan da görmək olar.
- Andreyin başqa hansı təklifləri var idi və hansı çempionatlardan?
- Rusiya və Avropa klublarından təkliflər vardı. Avropa komandaları haqqında, məncə, danışmağın mənası yoxdur. Avropa komandalarından ən son təkliflər biz bu gün Bakıda olanda da gəlirdi. Komandanın adını çəkməyəcəyəm, bu, Belçika çempionatından idi. Amma artıq burada olduğumuz üçün bu təklifi nəzərdən keçirə bilməzdik. Onlar bir az gecikdilər. Biz bunu müzakirə etməyə hazır deyildik. Çünki yarım saatdan sonra artıq müqavilə imzalayırdıq. Mənəvi razılaşmalar da əldə olunmuşdu. Bir qayda olaraq, belə vəziyyətdə getmək həmişə futbolçunun karyerasına mənfi təsir göstərər və nəticəsi pis ola bilərdi.
Çempionat baxımından Belçikanın səviyyəsi aydın görünür. Daha əvvəl bu klubla danışıqlar aparılsa da, onların rəhbərliyi yalnız bu gün bizimlə əlaqə saxlayıb. Onda isə artıq gec idi. Digər variantlar isə daim olurdu. Rusiyadan “Baltika", "Rubin" və "Rostov"dan təkliflər vardı.
"Mançester Yunayted"in futbolçusu sıradan çıxdı
Turin klubu yeni baş məşqçisini açıqladı
Futbolçuya həm cərimə, həm 6 aylıq qadağa tətbiq olundu
La Liqa matçlarında ən çox ötürmə edən futbolçular kimlərdi?
Dibala vətəninə qayıdır
Gedirlər - Şəkillər
“Neftçi”də 9 nömrə əbədiləşdirildi
"Onun etdiklərini heç vaxt unutmayacağam"
"Barselona" maliyyə pozuntuları ilə bağlı bəyanat yaydı
Cüdoçularımız "Böyük Dəbilqə" turnirində iştirak edəcəklər
İrqçi davranışına görə "Real"la oyunu buraxacaq
Superliqa klubları bugünkü matça itkilərlə çıxacaq
FİFA-dan yeni qayda təklifi: futbolçular gözləməli olacaq
Böyük hesabla uduzdular, baş məşqçini göndərdilər
Stadnik Azərbaycan millisinin böyük məşqçisi oldu
2-ci liqada ilin ilk oyunları keçirildi
Emreli: “Daha çox qol vurmaq istəyirəm"
Millimiz Tacikistana uduzdu
Qızının səhhətində problem yarandı - Millidən istefa verdi
