16:40
"Gərgin oyun keçdi. Əsl Premyer Liqaya layiq matç idi. Birinci hissədə "Zirə", ikinci hissədə biz üstün olduq".
Qol.az xəbər verir ki, bu sözləri "Səbail"in baş məşqçisi Şahin Diniyev Misli Premyer Liqasının 3-cü turunun "Zirə" ilə görüşündən sonra mətbuat konfransında deyib.
O, 1:2 hesablı məğlubiyyəti belə şərh edib: "Oyunun ən yaxşı nəticəsi heç-heçə idi. Hər iki komanda buna layiq idi. "Zirə"ni qələbə münasibəti ilə təbrik edirəm. İlk yarıda oyunumuz alınmadı. Fasilədən sonra alınmağa başlayırdı. Yenə asan qollar buraxdıq. Üç oyunda eyni səhvlər, eyni asan qollar... Komanda düz yoldadır, oyundan-oyuna artım var, öz oyunumuzu tapacağıq. Birdən-birə 8-9 yeni futbolçu gəlib, zamana ehtiyacımız var. Amma o qədər çox yox, kiçik zamana. Məncə, 4-5 turdan sonra komanda sistemə oturacaq, öz oyununu oynamağa çalışacaq. Futbolçularıma təşəkkür edirəm, mübarizə apardılar, ən yaxşısını etməyə çalışdılar, əsasən də ikinci hissədə ağıllı oynadılar. Gələcək matçlarda bu səhvləri yığışdırıb, minimuma endirərək, qələbə qazanmağa çalışacağıq".
Baş məşqçi yolun başlanğıcında olduqlarını bildirib: "Bunu addım-addım etməliyik. Birdən-birə 14-16 legioner gətirmək planda yoxdur. Legionerlərimiz pis deyillər, daha yaxşı olacaqlar. Futbolçu qıtlığı var, amma ehtiyatda oturan hər oyunçuya inamım var. Sadəcə bu gün oyun elə gedirdi ki, rotasiya etməyin yeri yox idi. Hücumdakı oyunçular müdafiəyə bağlı çox iş gördülər. Ona görə hücumda daha fəal olmağa gücləri qalmadı. Gələn oyunda irəlidə daha fəal olacaqlar".
Ş.Diniyev növbət turda səfərdə "Turan Tovuz"la qarşılaşacaqları görüş haqda da danışıb: "Gözləntilərim pozitivdir. Rəqib yaxşı komandadır, altı xal toplayıb. Onlar da tam formada deyil, bu sarıdan bizə bənzəyirlər. Amma xal ehtiyatları var deyə, daha rahatdılar, evdəki ilk matçlarıdır. Azarkeşlər tərəfindən təzyiq olacaq. Buna dözmək lazımdır. Tovuzdan uğurlu nəticə ilə qayıtmaq üçün şansımız var".
"Mançester Yunayted"in futbolçusu sıradan çıxdı
Turin klubu yeni baş məşqçisini açıqladı
Futbolçuya həm cərimə, həm 6 aylıq qadağa tətbiq olundu
La Liqa matçlarında ən çox ötürmə edən futbolçular kimlərdi?
Dibala vətəninə qayıdır
Gedirlər - Şəkillər
“Neftçi”də 9 nömrə əbədiləşdirildi
"Onun etdiklərini heç vaxt unutmayacağam"
"Barselona" maliyyə pozuntuları ilə bağlı bəyanat yaydı
Cüdoçularımız "Böyük Dəbilqə" turnirində iştirak edəcəklər
İrqçi davranışına görə "Real"la oyunu buraxacaq
Superliqa klubları bugünkü matça itkilərlə çıxacaq
FİFA-dan yeni qayda təklifi: futbolçular gözləməli olacaq
Böyük hesabla uduzdular, baş məşqçini göndərdilər
Stadnik Azərbaycan millisinin böyük məşqçisi oldu
2-ci liqada ilin ilk oyunları keçirildi
Emreli: “Daha çox qol vurmaq istəyirəm"
Millimiz Tacikistana uduzdu
Qızının səhhətində problem yarandı - Millidən istefa verdi
