22:09
"Komanda yorğun idi. Hələ ki, üç gündən bir oynamağa tam hazır deyilik. İlk hissədə şanslarımızı dəyərləndirə bilmədik. Əvəzində böyük səhv etdik və bu, penalti ilə nəticələndi. Rəqib də bizi cəzalandırdı".
Qol.az xəbər verir ki, bunu "Neftçi"nin baş məşqçisi Adrian Mutu Misli Premyer Liqasının ilk turunda "Kəpəz"ə 0:1 hesabı ilə uduzduqları oyundan sonra deyib.
Rumın mütəxəssis səfər matçından sonrakı mətbuat konfransında futbolçuların yalnız "Beşiktaş"la oyunu düşünməsi fikri ilə razılaşmayıb: "Beşiktaş"la matçda da ağlımızdan yalnız qələbə keçir. Gəncəyə qalibiyyət üçün gəlmişdik. Məğlubiyyətə də, qələbəyə də layiq deyildik. Heç-heçə ədalətli nəticə olardı. Amma istənilən halda, "Kəpəz"i qələbə münasibəti ilə təbrik edirəm".
O, mövsümün çətin keçəcəyini bildirib: "Bayaq dediyim kimi, üç gündən bir oynamaq çətindir. Xüsusən də bu cür isti havada. Çempionata qaldıqda, bəli, çətin olacağı gözləniləndir".
Mutu "Qalatasaray"ın futbolçusu Olimpiu Morutanın adının "Neftçi" ilə hallanmasına xəbərinə belə münasibət bildirib: "Bu barədə məlumat yoxdur".
"Mançester Yunayted"in futbolçusu sıradan çıxdı
Turin klubu yeni baş məşqçisini açıqladı
Futbolçuya həm cərimə, həm 6 aylıq qadağa tətbiq olundu
La Liqa matçlarında ən çox ötürmə edən futbolçular kimlərdi?
Dibala vətəninə qayıdır
