22:48
"Neftçi"dən təklif gələndə çox sevindim. Klub haqda əvvəlcədən məlumatım var idi. Daha sonra internet üzərində də axtarış etdim. Şəhəri çox bəyəndim. Burda olduğuma görə xoşbəxtəm".
Qol.az xəbər verir ki, bu sözləri "Neftçi"nin yeni transferi Andre Şinyaşiki klubun mətbuat xidmətinə müsahibəsində deyib.
O, "Neftçi"yə gəlişi ilə bağlı qeyd edib: "Azərbaycanda çıxış etmiş dostları olan, Qazaxıstanda oynayan bir dostumdan Azərbaycan haqda soruşdum. O mənə burada hər şeyin yaxşı, komandanın bir ailə kimi olduğunu dedi. MLS-dən bura gəlməyimin səbəbi odur ki, Avropada oynamaq istəyirdim. 6 il idi ABŞ-də oynayırdım. Düşündüm ki, dəyişikliyin vaxtıdır və dünyanın digər tərəfindən necə təklif olduğunu görmək istədim".
Braziliyalı yarımmüdafiəçi "Neftçi"dəki hədəflərindən də danışıb: "Həm sol vinger, həm də mərkəz hücumçusu kimi oynaya bilirəm. Karyeramın böyük hissəsində mərkəz hücumçusu kimi çıxış etmişəm, daha sonra sol cinahda oynadım. Artıq buna öyrəşmişəm. Harada oynamağımın fərqi yoxdur, əsas odur komandaya köməyim dəysin. Burada kuboklar və çempionluqlar qazanmaq istəyirəm. Ümid edirəm ki, buna nail olacağam".
"Mançester Yunayted"in futbolçusu sıradan çıxdı
Turin klubu yeni baş məşqçisini açıqladı
Futbolçuya həm cərimə, həm 6 aylıq qadağa tətbiq olundu
