17:54
Azərbaycan millisinin hücumçusu Musa Qurbanlı “Yurqorden”lə müqavilə bağlasa da, hələlik yeni komandasında məşqlərə başlamayıb.
Qol.az xəbər verir ki, 21 yaşlı futbolçu müqavilə imzaladıqdan sonra Bakıya qayıdıb. Əldə etdiyimiz xəbərə görə, M.Qurbanlı üçün işçi vizası alındıqdan sonra o, hazırlığa qoşulacaq.
M.Qurbanlı ilə yanaşı digər transfer Feliks Va da müvafiq vizanın açılmasını gözləyir.
Qol.az-ın xəbərinə görə, məsələ ilə əlaqədar “Yurqorden”in direktoru Bosse Anderson İsveçin “Expressen” nəşrinə açıqlama verib. O bildirib ki, öz tərəflərindən sənədləşmə işlərini qaydaya salıblar. “Sənədlər İsveçin Miqrasiya İdarəsinə göndərilib” - deyə klub rəsmisi vurğulayıb. Əgər işçi vizası alınsa, artıq bu həftənin sonları M.Qurbanlı məşqlərə başlayacaq. Qəzetin yazdığına görə, M.Qurbanlı şənbə və bazar günləri komandada ilk hazırlığında iştirak edə bilər. Onun hətta iyulun 17-də “Malmö”yə qarşı İsveç çempionatının 15-ci turunun oyununda iştirak edəcəyi istisna olunmur.
Komandanın baş məşqçilərindən olan Tomas Laqerlöfün (digəri Kim Berqstrand) bildirdiyinə görə, əgər sənədləşdirmə qaydasında olsa, onların (Musa və Feliks Va) qarşıdakı matçda iştirakı aktualdır. “Çox şey onların fiziki durumundan asılı olacaq. Əgər hazır olsalar, bütün variantlar mümkündür” - deyə mütəxəssis bildirib.
Məşqçi deyib ki, M.Qurbanlı ilə bağlı durum normaldır: “O, çoxlu məşq etmiş və millinin düşərgəsində olmuşdu. Amma bu, mən onu görənə və Musa fizioterapevtlər tərəfindən müayinə olunana qədər idi”.
Baş məşqçi deyib ki, Musa komandasında ən çox görmək istədiyi oyunçu olub: “O, əsl 9 nömrədir. Daim cərimə meydançasına daxil olmaq istəyir. O, həmişə qollar vurmaq istədiyi boş zona axtarır . O, künc bayrağı yaxınlığında kombinasiya axtarışında olan futbolçulardan deyil. Musa zəhmətkeş, yaxşı cüssəsi olan bitirici imkanlara malik oyunçudur. O, başla sağ və sol yaxşı zərbələr endirə bilir”.
Azərbaycanlı futbolçudan Avroliqada möhtəşəm qol! - Video
“Qarabağ”ın pley-offdakı rəqibi dəqiqləşdi
Qurban müəllim onu sərgi eksponatına çevirib!
Mahir Emrelinin komandası da mərhələ adladı
Ayrılan kimi "Fənərbaxça"ya rəqib oldu
Ronaldo saçını narıncı rəngə boyadı - Şəkil
“Qarabağ” qalib gəlib “pley-off”a yüksəldi!
"Lester" klubu satışa çıxarıldı
Haaland 4 rekordla "Ginnesin Rekordlar Kitabı"nda
Açıqlamasına görə azarkeşlərdən üzr istədi
“Sumqayıt” onu komandada saxladı
"Bizi ciddi oynamağa məcbur etdilər"
Qurban Qurbanov Koxalskini ehtiyata göndərdi
“Qarabağ” “Dinamo”ya qarşı bu heyətlə çıxır
La Liqa matçı təxirə salındı
“APL Fantasy”də qeydiyyatdan keçənlərin sayı 10 mini ötdü!
