21:23
Rumıniya mediası "Neftçi"nin Adrian Mutunun heyətinə cəlb etmək istədiyinə dair yeni xəbərlər yaymaqdadır.
Qol.az-ın xəbərinə görə, bu ölkənin "Digi Sport" saytı yazıb ki, Mutu "Neftçi"nin baş məşqçisi vəzifəsinə əsas namizədlərdərdən biridir. Futbol meneceri Marius Şumudike deyib ki, onda olan məlumaya görə, Mutu "Neftçi"nin yekun namizədlər siyahısındadır:
"Kluba yaxın mənbədən mənə bildirildi ki, "Neftçi"nin baş məşqçiliyinə 45 namizəd olub. Yekunda 3 nəfər seçilib ki, onlardan da biri Mutudur. Bildiyimə görə, "Neftçi" artıq yeni baş məşqçisi ilə razılığa gəlib. Amma məndə onun adı, hansı ölkədən olduğu barədə məlumat yoxdur. Bildiyim odur ki, Mutu yekun siyahıda olan üç nəfərdən biri idi. Amma düşünürəm ki, Regekampfdan sonra rumıniyalının ora ("Neftçi"yə) gətirilməsi çətin olacaq" - deyə Marius Şumudike qeyd edib.
Adrian Mutu
gsp.ro saytı isə yazıb ki, "Neftçi" Andrian Mutuya ayına 55 min avro - illik 660 min avro təklif edib. Bu, 44 yaşlı mütəxəssisin hazırkı klubu "Rapid 1923"dəki gəlirindən ayda 10 min avro çoxdur.
Qeyd edək ki, baş məşqçi məsələsi ilə bağlı aparılan müzakirələrlə əlaqədar "Neftçi" və danışıqlarda yekun sözü deyəcək sponsor şirkət SOCAR heç bir açıqlama vermir.
Premyer Liqa matçlarının tarixləri dəyişdirildi
Şəmkirdə vurulan 7 qol - Video
PSJ - "Bavariya" matçının heyətləri açıqlandı
Kurtua "El-Klassiko"ya hazırlaşır
FİFA-nı sülh mükafatını ləğv etməyə çağırdı
"Qalatasaray"ın hücumçusunu polisə şikayət etdilər
“Xankəndi” - “Qaradağ Lökbatan” matçından - Video
"Barselona" yenidən "Kamp Nou"nu tərk etməli olacaq
Rəhim Həsənov hakim qərarlarını təsdiqlədi - Video
