“Maliyyə problemlərinə görə Türkiyə toplanışı alınmadı” – “Kəpəz”in baş məşqçisi

“Maliyyə problemlərinə görə Türkiyə toplanışı alınmadı” – “Kəpəz”in baş məşqçisi
ÖLKƏ FUTBOLU 5 İyul 2023 / 15:06 1838
-  A +

“Kəpəz”in yeni mövsümə hazırlıq məqsədilə Türkiyədə keçirilməsi planlaşdırılan təlim-məşq toplanışı ləğv olunub.

Bu barədə Qol.az-a komandanın baş məşqçisi Azər Məmmədov məlumat verib.

Onun sözlərinə görə, klubun büdcəsi ölkə xaricində hazırlıq keçməyə imkan vermir: “Bizdə maliyyə probleminə görə Türkiyə toplanışı alınmadı. Ona görə toplanış Bakıda olacaq. 5 yoxlama oyunu keçirməyi planlaşdırırıq. İyulun 13-də Bakıya gedib, orada məskunlaşacağıq”. 

Azər Məmmədov

Gəncə klubunun yeni çalışdırıcısı ölkə xaricində hazırlıq keçməyin tam fərqli nəticə verdiyini, ancaq imkanları daxilində addım atdıqlarını bildirib: “Təbii ki, Türkiyədəki toplanışın başqa effekti olur. Orada normal rəqiblər tapmaq asandır. Bu oyunların komandanın hazırlığına böyük təsiri olur. Ancaq biz məcburuq ki, əlimizdə olan imkandan maksimum istifadə edək. Çalışırıq ki, nə bacarırıqsa, ən yaxşısını edək. Hazırlıqlarımız gedir”.

Ramiq Ağaməmmədov

Daha çox


Son xəbərlər
topaz banner