16:09
"Bu klubun bir hissəsi olmaq fəxrdir. Mən "Dinamo"nu uşaqlıqdan tanıyıram və həqiqətən də burada bir növ iz buraxmaq istəyirəm".
Qol.az xəbər verir ki, bu sözləri Azərbaycan millisinin və Zaqreb "Dinamo"sunun futbolçusu Mahir Emreli Xorvatiyanın sportske.jutarnji.hr saytına müsahibəsində bildirib. Bu ilin fevral ayından mövsümün sonunadək icarə əsasında Türkiyə "Konyaspor"unda oynayan 26 yaşlı hücumçu "Dinamo"da oyun şansı əldə edərək öz potensialını göstərmək istədiyini deyib: "Bu böyük klubun bir hissəsi olmağa layiq olduğumu göstərmək istəyirəm. Mən bunu ilk növbədə özümə, kluba və azarkeşlərə borclu olduğumu hiss edirəm. Yeni baş məşqçi ilə bu yeni fürsətdən ilə istifadə edərək "Dinamo"ya niyə gətirildiyimi göstərmək istəyirəm. Buraya ehtiyatda qalmağa gəlməmişəm".
Hazırda Zaqreb təmsilçisinin heyətində təlim-məşq toplanışında olan forvard aprel ayında komandaya baş məşqçi təyin olunmuş İqor Bişçan haqqında da danışıb: "Təlim-məşq toplanışına yeni gəlmişəm və məşqçi ilə danışmağa çox vaxtım olmayıb. Amma deyə bilirəm ki, o, “Dinamo”nun əfsanələrindəndir. Məşq prosesimiz əla keçir, həm əyləncəli, həm də sərt olur. Lakin biz topla çox işləyirik və mən bunu bəyənirəm. Baş məşqçinin dünya görüşü xoşuma gəlir və görürsən ki, o, həqiqətən də futbolu başa düşür. Baş məşqçimiz biz oyunçularla necə ünsiyyət quracağını bilir. Mövsüm başa çatandan sonra milli komandada oynadım və mümkün qədər tez qayıdıb Bişçanla çalışaraq özümü sübut etmək üçün cəmi 5 gün istirahət etdim".
Mahir "Dinamo"da qalmaq istədiyini qeyd edib: "Özümə inanıram və “Dinamo”da qalmaq istəyirəm. Təbii ki, klubu da nəsə maraqlandırır. İndi diqqətimi yalnız meydana yönəldirəm. O zaman "Dinamo" üçün də, mənim üçün də nəyin daha yaxşı olduğunu görəcəyik".
Xatırladaq ki, Emreli ötən ilin fevral ayında "Dinamo" ilə 4,5 illik müqavilə imzalamışdı.
"Messini geri qaytarmaq istəyirdik, amma..."
“Qarabağ” və “Nyukasl” oyuna bu heyətlə çıxır
"Nyukasl" Qordonla bağlı nə planlaşdırır?
Futbolçularla bağlı yeni qadağa tətbiq oluna bilər
"Qarabağ" UEFA-dan 65 milyon manatdan çox vəsait əldə edib
"Yuventus" onun müqaviləsini yeniləyir
Rövşən Nəcəf FİFA prezidentini təbrik etdi - Video
Şamaxıda vurulan 5 qol - Video
Qol şansını qaçırdı, göz yaşlarını saxlaya bilmədi
"Barselona" misirli futbolçunu hədəfə aldı
Meksika və İslandiya millilərinin matçı baş tutacaq?
Haalandın komandası ciddi sanksiya ilə üz-üzədir
"Turan Tovuz"un inamlı qələbəsindən - Video
1-ci liqada 16-cı tur start götürdü
Çempionat oyunları təxirə salındı
"Fənərbaxça"da ciddi itkilər var
"Qəbələ"dən bir az ehtiyat edirdik" - Kurban Berdıyev
"Turan Tovuz" "Qəbələ"yə qalib gəldi
2-ci liqada lider dəyişdi
"Sabah"ın sabiq baş məşqçisi cəmi 4 ay işlədi
