18:35
Bu mövsüm ölkəmizi Konfrans Liqasında təmsil edəcək “Sabah” ev oyunlarını Masazırdakı “Bank Respublika Arena”da keçirməyi planlaşdırır.
Bu barədə Qol.az-a açıqlama verən klubun mətbuat xidmətinin rəhbəri Elnur Həmidov UEFA nümayəndələrinin sözügedən arenaya yaxın vaxtlarda baxış keçirirəcəyini və müvafiq qərar veriləcəyini bildirib:
Elnur Həmidov
“Biz UEFA-ya “Bank Respublika Arena”nı təqdim etmişik. Hazırda stadionda avrokuboklar oyunları üçün müəyyən işlər gedir. Əsas məqsəd arenanın avrokubok oyunlarının tələblərinə cavab verən səviyyəyə çatdırmaqdır. Ayın sonunda və ya növbəti ayın əvvəllərində UEFA nümayəndəsi tərəfindən stadiona baxış olacaq və qərar veriləcək”.
Xatırladaq ki, “Sabah” tarixində ilk dəfə avrokuboklara vəsiqə qazanıb. Murad Musayevin komandası Konfrans Liqasında 2-ci təsnifat mərhələsindən mübarizəyə başlayacaq. Mərhələnin püşkü bu gün atılacaq.
"Şəfa"dan qol yağışı
"Messini geri qaytarmaq istəyirdik, amma..."
“Qarabağ” və “Nyukasl” oyuna bu heyətlə çıxır
"Nyukasl" Qordonla bağlı nə planlaşdırır?
Futbolçularla bağlı yeni qadağa tətbiq oluna bilər
