22:40
“Karyeram baxımından ağır mövsüm keçirdim. Geridə qalan mövsümün ikinci dövrəsində bir qədər toparlandım".
Qol.az AFFA-nın rəsmi saytına istinadən xəbər verir ki, bu sözləri Azərbaycan millisinin hücumçusu Mahir Emreli Estoniyaya qarşı keçiriləcək Avro-2024-ün seçmə mərhələ oyunu öncəsi mətbuat konfransında deyib.
O, sabah millimizin qələbə qazanması üçün əlindən gələni edəcəyini bildirib: "Son oyunlardakı nəticədən sonra bura daha yaxşı əhvali-ruhiyyədə gəldim. Klubda nə baş verməsindən asılı olmayaraq, milliyə yüksək ab-havada gəlməlisən. Komandamın sabah uğurlu çıxışı üçün əlimdən gələni edəcəyəm. Məqsədimiz 3 xal qazanaraq, azarkeşləri sevindirməkdir. Sabah meydana qələbə üçün çıxacağıq”.
Qeyd edək ki, sabah "Dalğa Arena"da keçiriləcək Azərbaycan – Estoniya matçı saat 20:00-da başlayacaq.
