22:40
İyunun 22-də yay təlim-məşq toplanışı üçün Avstriyaya yola düşəcək "Qarabağ" hazırlıq zamanı 3 yoxlama oyunu keçirəcək.
Qol.az xəbər verir ki, bu barədə klubun mətbuat xidməti məlumat yayıb.
Komanda iyunun 27-də "Ferentsvaroş" (Macarıstan), iyulun 1-i isə "Legiya" (Polşa) ilə üz-üzə gələcək. 3-cü yoldaşlıq oyunundakı rəqibin və həmin matçın vaxtı barədə daha sonra məlumat veriləcəyi qeyd olunub.
Xatırladaq ki, “Qarabağ” 2022-2023 mövsümündə ÇL-in üçüncü təsnifat mərhələsində “Ferenstvaroş”a rəqib olub. Ağdam təmsilçisi Bakıda 1:1 hesablı heç-heçə edib, səfərdə isə rəqibini 3:1 məğlub edərək pley-off-a yüksəlib.
Qeyd edək ki, "Legiya" "Qarabağ"la qarşılaşacağını daha əvvəl açıqlamışdı.
