22:40
“Ramil çox keyfiyyətli, xarakterli futbolçudur. Qərarına hörmətlə yanaşmalıyıq, uğurlar arzulamalıyıq”.
Bu sözlər Qol.az-a açıqlamasında millimizin sabiq üzvü Əfran İsmayılov Ramil Şeydayevin “Qarabağ”dan ayrılaraq Tailandın “Buriram Yunayted” klubuna keçmək qərarına münasibət bildirərkən deyib.
Ə.İsmayılov keçmiş komanda yoldaşının ona təklif edilən yüksək məbləğdən imtina etməməsinin başadüşülən olduğunu bildirib: “Bəlkə də fikirləşib ki, daha çox pul qazansın, istirahət etsin. Təzə ailə qurub. Yəqin ailəsinə daha çox vaxt ayırmaq istəyib. Tailand klubunun təklif etdiyi məbləğ də az deyil. Bəlkə də “Qarabağ”da qazandığından 6-7 qat artığını alacaq. Düzdür, Ramilin yaşı çox deyil, amma görürük ki, Kriştiano Ronaldo Ərəbistana getdi. Nqola Kante və başqaları da gedir.
Əfran İsmayılov
Mən inanıram ki, formasında qalsa, ən azından rahat şəkildə Azərbaycana qayıda bilər. Çünki burada yaxşı ad qoyub. Uğurlar olsun. Açıq deyək ki, pulunu qazanmağa getdi. Mən onun adına hər şeyə sevinirəm. İstəyirəm ki, qərarı onun üçün xeyirli olsun”.
Qeyd edək ki, Ramil Şeydayevin “Buriram Yunayted”də bir mövsümə 750 min avro qazanacağı iddia olunur.
